கங்காரு, கொவாலாவும் காஞ்ச புல்லும்

பிரிஸ்பேனில் இன்னிசை சொற்பொழிவு

2011-02-21T00:12:00.005+11:00

இன்று பிரிஸ்பேனில் 'கவியரசர் ஒரு புவியரசர்' என்ற தலைப்பில் இன்னிசை சொற்பொழிவு நடந்தது. தமிழகத்திலிருந்து வருகை தந்திருந்த திரு. அரங்க நெடுமாறன் இச்சொற்பொழிவை நடத்தினார்.

பிரிஸ்பேன், கார்டன் சிட்டி வணிக வளாகத்திலுள்ள நூலக அரங்கத்தில் நடந்த இந்நிகழ்ச்சிக்கு சுமார் 30 பேர் வந்திருந்தனர். பிரிஸ்பேனுக்கு இது பெரிய கூட்டம்தான்.

தமிழகத்திலுள்ள மேடைப் பேச்சுக்களை நினைவு படுத்தும்படி இருந்தது. பட்டிமன்ற பானி நகைச்சுவைகளுடன் இந்துமதம் சோதிடம் என்று தலைப்பில் பலதகவல்களை தந்தார்.

கவிஞர் கண்ணதாசனின் பாடல்களை அவ்வப்போது பாடி மேற்கோள்கள் காட்டியது சிறப்பாக இருந்தது. சொற்பொழிவை குறித்த நேரத்துக்குள் முடித்தது பாராட்டவேண்டிய ஒன்று.

கடைசியில் கேள்வி பதில் பகுதியில் சுமார் 12 வயதுடைய சிறுமி - முருகன் 2 மனைவிகள் வைத்திருப்பதால் அவர் நல்லவரா கெட்டவரா என்று பொருள்படும்படி ஒரு கேள்வி கேட்டு, சொற்பொழிவாற்றியவரை திணரடித்தது!
(பிரிஸ்பேன் நகருக்கு அடுத்துவர இருக்கும் தமிழ் அறிஞர்களே, இளைய தலைமுறையிடமிருந்து இது போன்ற கேள்விகளை எதிர்கொள்ள தயாராக வாருங்கள் ;) )

சி(ச)ட்னி சாம்பார் 12 நவம்பர் 2010

2010-11-12T20:01:00.004+11:00

(அவுஸ்திரேலிய அரசாங்கம் நடத்திய வாராந்த இந்தியக் கொண்டாட்டம் பரா மசாலாவின் கட் அவுட் ஒன்று)

நீண்ட நாளைக்குப் பின்னர் சாம்பாரும் கையுமா வந்திருக்கிறன். இதிலேயே நீண்ட நேரம் நிற்காமல் நேரா விஷயத்துக்கு வாறன்

19,350 நாட்கள் காக்க வைத்துக் கொடுத்த நூலகப்புத்தகம்

நியூசவுத்வேல்ஸ் மாநிலத்தில இருகிற நியூகாஸ்ட்ல் நகர நூலகத்தில் ஐம்பத்து மூன்று வருஷங் களுக்கு முன்னர் வாடகைக்கு எடுத்த புத்தகத்தை 19,350 நாட்கள் வெறித்தனமாக வைத்திருந்து இப்போது தான் திருப்பிக் கொடுத்திருக்கிறார் ஒரு மனுஷன். Knots, Splices and Fancy Work என்ற அந்த நூலை 1957 ஆம் ஆண்டு McLaren என்பவரே தனது 19ஆவது வயதில் நூலகத்தில் இருந்து வாடகைக்கு எடுத்திருக்கிறார். இப்பதான் அந்தப் புத்தகத்தைத் திருப்பிக் கொடுக்கவேண்டும் என்ற எண்ணம் அந்த மனுஷனுக்கு வந்திருக்கு. (இப்பவாவது வந்துச்சே என்று சந்தோஷப்படுங்கோ). புத்தகத்தின் இன்றைய கோலம் ஏறக்குறைய எண்பது வயது மூதாட்டியின் சீவப்படாத தலை போல இருந்தது வேறு விஷயம். புத்தகத்தைக் கொடுத்த கையோடு 5 ஆயிரம் டொலருக்குத் தண்டப்பணத்தையும் கொடுத்திருக்கிறார் நல்ல பிள்ளையாக, ஆனால் தண்டப்பணம் கிட்டத்தட்ட 27 ஆயிரம் டொலர் வரை போகும் என்று இவரைப் பேட்டி எடுத்த உள்ளூர்த்தொலைக்காட்சி நிருபர் ஆப்பு வைத்தது இன்னொரு சுவாரஸ்யம். எது எப்படியோ அவுஸ்திரேலிய வரலாற்றில் இதுவரை நடக்காத சாதனையை இவர் செய்து போட்டார் என்று பெருமைப்படுவோமாக.

காசு ஏற பிளேன் ஏறுவோம் வாடா

அவுஸ்திரேலிய டொலரின் மதிப்பு எந்திரன் ரஜினி கணக்காக எகிறி விட்டது. அமெரிக்க டொலர் இளைய தளபதி ரேஞ்சில் இருப்பதால் தான் இந்த நிலை, இதையெல்லாம் வச்சுக் கொண்டு அவுஸ்திரேலியப் பொருளாதாரம் ஏதோ உயரப்பறக்கிறது என்றெல்லாம் சீமான்கள் கற்பனை பண்ணக் கூடாது கண்டியளோ.
கூட வேலைபார்க்கும் சீனப்பெண் அமெரிக்க டொலரை எல்லாம் வாங்கி வச்சிருக்கிறாளாம். பின்னாளில் எடுத்துக் காட்டிப் பணத்தைக் கூட்ட உதவுமாம். சனம் எப்படியெல்லாம் சிந்திக்குது என்று பாருங்களேன். இது ஒருபுறமிருக்க வேலைத்தளங்களில் மும்முரமாக லீவு கேட்டு விண்ணப்பத்து சைக்கிள் கேப்பில் யூ எஸ் போட்டு வரலாம், காசை மிச்சம் பிடிக்கலாம் என்றும் ஒரு பெருங்கூட்டம். ஆனால் யூ எஸ், பிரிட்டன் ஆகிய நாடுகளில் இருந்து அவுசிக்குப் படையெடுக்கும் உல்லாசப்பயணிகள் எண்ணிக்கை 10 விழுக்காடுகளுக்கு மேல் சரிந்து விட்டதாகவும் செய்திகள் சொல்கின்றன. எந்த ஒரு தாக்கத்துக்கும் சமனும் எதிருமான தாக்கம் இருக்கும் தானே பாருங்கோ

கொஞ்ச நேரம் ஆணி பிடிங்கினால் போதும்

அதிர்ச்சி ஆனால் உண்மை என்ற ரீதியில் ஒரு தகவல். 1700 பேரை உட்படுத்திய ஒரு ஆய்வில் பெரும்பாலானோர் தாம் அதிகப்படியான வேலை நேரத்தில் வேலை செய்ய விரும்பவில்லை என்று சொல்லியிருக்கின்றார்கள். அதில் 80 வீதமானோர் ஓவர் டைம் என்னும் மேலதிக உழைப்பைக் கொடுப்பவர்கள் தொடந்தும் இதுமாதிரி ஓவர் டைமில் எமது டைமை வேஸ்டாக்க மாட்டோம் என்று கங்கணம் கட்டியிருக்கினம். இதைவிடக் கொடுமையான ஒரு தகவலைக் கேட்டால் உங்களுக்கு இன்னும் தலையைச் சுத்தும். கிட்டத்தட்ட இரண்டு மில்லியன் மணித்தியாலங்கள் செய்த உழைப்புக்கான ஊதியமாக எதுவுமே கொடுக்கப்படவில்லையாம். இது கிட்டத்தட்ட 72 பில்லியன் டொலர்கள் என்று கணிச்சிருக்கினம்.
முந்தின காலத்தில் தான் கையில காசு வாயில தோசை என்று டபுள் ஷிப்ட் எல்லாம் அடிப்பினம். இப்பதான் பார்ட் டைமா தோசை வித்தாவது உழைக்கலாம் தானே.

பரா மசாலா ஓவர்

நியூசவுத்வேல்ஸ் மாநில அரசாங்கமும், பரமற்றா நகர சபையும் ஆறு நாட்களாக நடத்திய பரா மசாலா ஒரு முடிவுக்கு வந்திருக்கு. இந்தியாவில் இருந்து பல்துறைக் கலைஞர்களைக் கொண்டுவந்து நிதமும் ஒரு கச்சேரி வைத்திருந்தாலும் வருண பகவானுக்குப் பொறுக்கவில்ல்லைப் போலும்.அழுது தீர்த்து விட்டார் மனுஷன். அதனால் இலவசமாகக் கொடுத்த களியாட்டங்களையே காணமுடியாமல் நொந்து நூடுல்ஸ் ஆகிவிட்டது சிட்னிச் சனம். என்னதான் இருந்தாலும் போன முறை இசைப்புயல் வந்து கலக்கிய அளவுக்கு இனியும் ஒரு நிகழ்ச்சி இருக்குமா என்று நினைத்துப் பார்க்க முடியவில்லை.

கட்அவுட் காணா அவுஸி சனத்துக்கு இந்தியப் பாரம்பரியப்பிரகாரம் கட் அவுட் எல்லாம் வைத்து அமர்க்களப்படுத்தி விட்டார்கள் வீதிகளை.

அவுஸ்திரேலிய அரசாங்கம் வழங்கவிருக்கும் தீபாவளி விருந்து Parramasala

2010-10-31T21:02:00.006+11:00

கடந்த ஆண்டு அவுஸ்திரேலிய அரசாங்கத்தின் பரமற்றா உள்ளூராட்சி நிர்வாகத்தின் ஏற்பாட்டில் இசையமைப்பாளர் ஏ.ஆர்.ரஹ்மானின் மாபெரும் இசைவிருந்தொன்றை இலவசமாக வழங்கிச் சிறப்பித்திருந்ததும் இதற்கு 60 ஆயிரத்துக்கும் மேற்பட்டவர்கள் கலந்து கொண்ட வரலாற்றையும் பலர் அறிந்திருப்பீர்கள். அந்த நிகழ்வை இங்கே இட்டிருக்கின்றேன் சிட்னியில் மையம் கொண்ட "இசைப்புயல்"

இந்த ஆண்டு மீண்டும் இன்னொரு பரிமாணமாக Parramasala என்னும் பன்முகக் கலைவிருந்தொன்றை மீண்டும் அவுஸ்திரேலியாவின் நியூசவுத்வேல்ஸ் மாநில அரசின் ஏற்பட்டில் வழங்கவிருக்கின்றார்கள். பெரும் எடுப்பிலான இந்த நிகழ்வை சிட்னியில் இந்திய சமூகம் பரவலாக இருக்கும் மேற்குப்பிராந்தியமான Parramatta என்ற நகரில் நடாத்தவிருக்கின்றார்கள். நியூசவுத்வேல்ஸ் மாநிலத்தின் இரண்டாவது பெரிய நகரமாக Paramatta நகரம் திகழ்வது குறிப்பிடத்தக்கது.

வரும் தீபாவளித் தினமான நவம்பர் 5 ஆம் திகதியை அடியொற்றி, நவம்பர் 4 ஆம் திகதியில் இருந்து நவம்பர் 8 ஆம் திகதி வரையான காலப்பகுதியில் இந்த Parramasala நிகழ்வை ஏற்பாடு செய்திருக்கின்றார்கள்.

நிகழ்வின் முத்தாய்ப்பாக கைலாஷ் கர் என்னும் வட இந்தியப் பாடகர், (அபியும் நானும் படத்தில் ஒரேயொரு ஊரிலே பாடலைப் பாடி இருந்தவர்) கலந்து சிறப்பிக்கும் மாபெரும் இசை நிகழ்வு, The Chennai Tapas என்ற தலைப்பில் காரைக்குடி மணி அவர்கள் கலக்கும் தாளவாத்தியக் கச்சேரி (கட்டணம் உண்டு), இந்தியாவின் கலைஞர்கள் அனில் ஶ்ரீநிவாசன், சிக்கல் குருசரண் வாய்ப்பாட்டு கலக்க அவுஸ்திரேலியாவின் புகழ்பூத்த நடனக் கலைஞர் ஆனந்தவல்லியின் நாட்டிய இசை விருந்து, The Guru of Chai என்னும் தலைப்பில் INDIAN INK THEATRE COMPANY (NEW ZEALAND)வழங்கும் நகைச்சுவை விருந்து, DESERT WEDDING என்னும் ராஜஸ்தானிய இசை விருந்து, பண்டிட் சித்ரேஷ் தாஸ் அமெரிக்கக் கலைஞர் ஜக் சாமுவேல்ஸ் ஸ்மித் உடன் TAP KATHAK என்னும் கதக் நடனச் சுவை, இங்கிலாந்தில் இருந்து Nitin Sawhney வழங்கவிருக்கும் இசைவிருந்து என்று இன்னும் பல படையல்களோடு அரங்கேறவிருக்கின்றது இந்த மசாலாக் கொண்டாட்டம்.

இவற்றோடு வருடாந்தம் இந்து கவுன்சில் நடத்தும் தீபாவளி விருந்து நிகழ்வும் வழக்கம் போல் நவம்பர் 6 சனிக்கிழமை Parramatta Park இல் நடக்கவிருப்பதும் குறிப்பிடத்தக்கது.

விதவிதமான ஆடல்கள் விதவிதமான பாடல்கள் விதவிதமான இசை, விதவிதமான உணவுகளோடு Parramasala இந்த ஆண்டின் முத்தாய்ப்பானதொரு விழாவாக இருக்கும் என்பதில் ஐயமில்லை.

இந்த நிகழ்வுகளின் முழுமையான விபரங்களைப் பெற்றுக் கொள்ள

http://parramasala.com/events/day-by-day-festival-guide/day-by-day-festival-guide1

வானத்திலிருந்து விழுந்த நான்

2010-10-24T05:34:00.000+11:00

சென்ற வருடம் சிட்னி போக முன்பே மனதுக்குள் விமானத்தில் இருந்து பரசூட் மூலம் குதிக்கும் ஆசை வந்திருந்தது. ஏற்கனவே நோர்வேயில் முயற்சித்தது தான். இருப்பினும் அது விமானத்தில் இருந்து குதித்ததல்ல. ஒரு மலையுச்சியில் இருந்து குதித்தேன். நான் தரையிரங்கும் இடத்தில் எனது இரண்டு இளவரசிகளும் நின்றிருந்தார்கள்... பெருமையுடன்.
இறங்கியதும் சிட்டாய் வந்து கட்டிக்கொண்டார்கள்.....

சிட்னியில் விமானம் மூலம் பாயலாம் என்று அறிந்திருந்தேன். எனினும் வருவதற்கு ஒரு கிழமைக்கு முன்பு தான் இதைப்பற்றி சிந்திக்க நேரம் கிடைத்தது. இணையத்தில் தேடி ஒரு இடத்தைக் கண்டுபிடித்து அடுத்த நாள் பாய்வதற்கான ஒழுங்குகளையும் செய்து கொண்டேன்.

அண்ணண் இண்டைக்கு மண்டையப்போட்டாலும் என்று நினைத்தாளோ என்னவோ, தங்கை தானும் வருகிறேன் என்று மச்சானின் காரை அவரை வெருட்டி எடுத்துக்கொண்டு என்னையும் ஏற்றிக் கொண்டு வெளிக்கிட்டாள்.

கிட்டத்தட்ட 1,5 மணிநேரம் கார் ஓட்டம். நிம்மதியாய் நித்திரை கொள்ளலாம் என்றால் இண்டைக்குத் தான் அண்ணணுடன் கடைசியாகக் கதைக்கிறேன் என்ற மாதிரி வழி நெடுகிலும் கடித்துக் கொண்டு வந்தாள்.

இடத்தை நெருங்க வானத்தில் பல நிறங்களில் பரசூட்கள் தெரிந்தன. ஆடி ஆடி மெதுவாய் இறங்கின. ஒருவரும் தொம் என்று என்று விழுந்து பயமுறுத்தவில்லை.

காரை நிறுத்தியதும் கவுண்டருக்கு போய் எனது ஆசையை பூர்த்தி செய்யும் நடவடிக்கைகளில் இறங்கினேன். நான் செத்தால் அவர்கள் பொறுப்பல்ல என்ற தொனியில் பல பக்கங்கள் கொண்ட ஒப்பந்தம் ஒன்றிலும், எனக்கு அந்த இந்த வருத்தங்கள் இல்லை என்ற தொனியிலும் இருந்த ஒப்பந்தங்களை வாசிக்காமலே கையெழுத்துப் போட்டேன்.

சுளையாக 250 அவுஸ்திரேலிய டாலர்களை வாங்கிக் கொண்டாள். புகைப்படமும், வீடியோவும் எடுத்துத் தருவதற்காக இன்னும் கொஞ்சம் டாலர்களை உருவிக்கொண்ட பின், இன்னும் சற்று நேரத்தில் எனது வாழ்க்கையையே நிர்நயிக்கப்போகும் பயிற்சியாளரை அறிமுகப்படுத்தினாள். அருகில் தங்கை மெளன அஞ்சலிக்கு நிற்பது போல வலு அமைதியாக நின்றிருந்தாள்.

அவரும் கனக்க கதைத்தார். எல்லாத்துக்கும் வீட்ட தலையாட்டுவது போல தலையாட்டினேன். ஆனால் அவரின் கதை வீட்டைப் போன்று இங்கும் ஒரு காதால் உள்ளே போய் மற்றயதால் வெளியே போனது.

எனது கண்கள் அங்கு வந்து ஆட்களை ஏற்றிச் செல்லும் விமானத்தில் இருந்தது. திடீர் என்று போனில் வந்தார் எனதருமை மச்சான். கவனம் .. கவனம் என்று எனது கவனத்தை திருப்பப் பார்த்தார். நான் அவரின் பேச்சில் கவனமில்லாமல் இருப்பதை அறிந்ததும் மீண்டும் கவனம் சொல்லி வைத்தார்.

எனக்கு உடுப்பு தரப்பட்டது. போட்டுக் கொண்டேன். ஒரு வித பட்டிபோன்றதொன்றைத் தந்த போது ஏன் இது என்றேன். இது தான் உன்னை என்னுடன் இணைத்து வைத்திருக்கும் பட்டி என்றார். உடனே அதை கவனமாகப் பார்த்து பூட்டிக் கொண்டேன். எனக்குப் பின்புறம் வந்து நின்று அந்த பட்டியை மேலும் இறுக்கினார் ஆசிரியர். எனக்கு ரெண்டு காலுக்கும் நடுவில் பயங்கரமாய் வலித்தது. நெளிந்தேன். அவர் அதை கண்டுகொள்ளாத மாதிரி இருந்தது.

சில பயிட்சிகள் தரப்பட்டன. விமானத்தில் இருந்து பாய்ந்த பின் கை, கால்களை எப்படி வைத்திருப்பது என்றும் விளக்கினார்.

வானத்திரிலுந்து பலர் குதித்து கீழே ஆடிக்கொண்டு வந்தனர். தேவர்களும், தேவைதைகளும் முகில்க‌ளுக்குள்ளால் வரும் அந்தக் காலத்து படங்கள் போலிருந்தது, அது. அவர்களுக்குள் ”எமன்” தெரிகிறாரா என்று பார்த்தேன்.. இல்லை போலிருந்தது.

எனது விமானம் வந்து நின்றது. தங்கை கட்டிப்பிடித்து முத்தமிட்டு அனுப்பினாள். அம்மாட்ட கேட்டதாகச் சொல் என்றேன் நக்கலாய். கட்டாயம் என்றாள் ஈவுஇரக்கமின்றி.

அது ஒரு குட்டி விடமானம். அதில் ஏறினேன். சீட்களை களட்டி விட்டிருந்தார்கள். வண்டிலில் ஆட்களை ஏற்றுவது போல 15 பேரை ஏற்றினார்கள். எல்லோரும் குந்திக் கொண்டதும் காதடைக்கும் சத்தத்துடன் புறப்பட்டது விமானம்.

எனது பயிட்சியாளர் என்னைப் பார்த்து ”ஓகே”யா? என்பது போல சாடையில் கேட்டார். ஓம் என்றேன். விமானம் மேலெழும்பிக்கொண்டிருந்தது. எனது இதயத்துடிப்பைப் போல.

யன்னலால் எட்டிப் பார்த்தேன் எல்லாம் சிறிதாய் தெரிந்தன. அவை சற்று நேரத்தில் புள்ளிகளாய் மாறின. விமானம் 10000 அடி உயரத்தை அடைந்ததும் ஆயத்தமாகுமாறு உத்தரவிட்டார் பயிட்சியாளர். விமானத்தின் பின் கதவு திறந்தது. 12000 அடி உயரம் வந்ததும். எல்லோரும் யாய்ந்தனர். பயிட்சியாளர் என்னை தன்னுடன் இணைத்துக் கொண்டார். வாசலுக்கு வந்தோம். பயிட்சியாளர் எனக்கு பின்னால் இருந்து தயாரா என்றார். பூலோகத்தை ஒரு தரம் பார்த்தேன். எல்லாம் மிக மிக தூரத்தில் புள்ளிகளாயும் நீல நிறத்திலும் தெரிந்தன.

”ஜம்ப்” என்று சொன்னவுடன், எனது இரு இளவரசிகளையும் நினைத்துக் கொண்டே பாய்ந்தேன். என்னுடன் ஒட்டிக் கொண்டு பயிட்சியாளரும் வந்தார். பறப்பது என்றால் இது தான் என்று உணர முடிந்தது. விழும் வேகத்தில் முகத்தில் இருந்த சதைகள் எல்லாம் தள தள என்று ஆடின. பயிட்சியாளர் கமராவை தனது கையில் பூட்டி என்னைப் படம் எடுத்துக் கொண்டிருந்தார்.

James Bond ஆக நடித்த அந்தக் காலத்து கதாநாயகன் Roger Moore ஒரு படத்தில் தங்கப் பல்லு வில்லனுடன் இப்படி விமானத்தில் இருந்து பாய்ந்து சண்டை பிடித்தது ஞாபகம் வந்தது. என்னையும் James Bond ஆக நினைத்துக் கொண்டேன்.

திடீர் என்று பயிட்சியாளர் பரசூட் கயித்தை இழுக்க வானத்தை நோக்கி எம்மை இழுத்துக் கொண்டு போனது பரசூட். வயிற்றுக்கள் ஏதோ செய்வது போலிருந்தது எனக்கு. சற்று நேரத்தில் அழகாய் விரிந்து மெதுவாய் ஆடி ஆடி இறங்கத் தொடங்கியது.

எறும்புகள் ஒரு பாதையில் போவது போல மிகச் சிறிதாய் தெரிந்தன வாகனங்களும், ரோட்டுகளும். பயிட்சியாளர் என்னை பரசூட்டை இயக்க விட்டார். நானும் சிறுபிள்ளை போல் அதை அங்கும் இங்கும் ஆட்டி இயக்கிப் பார்த்தேன். நாம் இறங்கும் இடம் தூரத்தில் தெரிந்து, மெதுவாய் அருகில் வந்தது.

பயிட்சியாளர் சொல்லித் தந்ததை மறக்காமல் கால் இரண்டையும் தூக்கிப் பிடிக்க அவர் மெதுவாக என்னை உயிருடன் பூலோகத்தில் மீண்டும் இறக்கிவிட்டார்.

தங்கை பேயைப் பார்ப்பது போல் என்னைப் பார்த்துக் கொண்டிருந்தாள். நான் பேய் இல்லை என்று உறுதி செய்து கொண்ட சற்று நேரத்தின் பின் தான் புன்னகைத்தாள்.

பயிட்சியாளருக்கு நன்றி சொல்லி, வீடியோவையும் வாங்கிக் கொண்டு வெளிக்கிட்டோம். தங்கை ஏதும் கதைக்காமல் காரோடினாள். நான் வானத்தால் விழுந்த அலுப்பில் தூங்கியிருந்தேன்.

நீ என்ன வானத்தால விழுந்தவனா என்று யாரும் கேட்டால், ஓம் நான் வானத்தால விழுந்தவன் தான் என்று பதில சொல்ல யோசித்திருக்கிறேன்.

வீடியோ லிங்க்
http://www.facebook.com/video/video.php?v=1158887298742

Kevin Rudd இன் தலைவலி, அவுஸ்திரேலியாவின் முதல் தலைவியாக

2010-06-24T19:14:00.021+10:00

அவுஸ்திரேலியாவின் அரசியல் இன்று தலைவிரி கோலமாக்கப்பட்டு அவசர அவசரமாக அள்ளி முடியப்பட்டிருக்கின்றது புதிய இரண்டு சரித்திரங்களோடு.

ஒன்று அவுஸ்திரேலியாவின் முதல் பெண் பிரதமராக Julia Gillard அம்மையார் வந்திருக்கிறார். இன்னொன்று அவுஸ்திரேலிய தொழிற்கட்சிச் சரித்திரத்திலேயே முதல் தடவையாக ஒரு தலைவர் தன் பதவிக்காலம் முடிவதற்கு முன்னரே தூக்கி வீசப்பட்டிருக்கிறார் அவர் இது நாள் வரை பிரதமராக இருந்த Kevin Rudd.

"வேண்டாத பெண்டாட்டி கை பட்டால் குற்றம் கால் பட்டால் குற்றம்" இது சரத் பொன்சேகாவுக்கு மட்டுமல்ல, நேற்று வரை எமது அவுஸ்திரேலிய தேசத்தை ஆண்டு அடங்கிப் போன கெவின் ரட்டிற்கும் பொருந்தும். கொஞ்சக்காலமாகவே மனுசருக்கு ஏழரைச் சனி எல்லாப் பக்கத்தாலும் நின்று குத்தாட்டம் போட்டது.

2007 ஆம் ஆண்டு பொதுத்தேர்தல் நடக்கும் சமயம் தான் Kevin Rudd என்ற ஒரு மனிதர் அவுஸ்திரேலியாவில் இருப்பது பலருக்குத் தெரியும் என்னும் அளவுக்குத் திடீர்த் தலைவராக்கப்பட்டவர் இவர். இவருக்கு முன்னால் இருந்த Kim Beazley மிகுந்த கல்விமானாகவும் அரசியலில் பழம் தின்றவர் என்றாலும் கொட்டை போடுவதற்கு முன்னர் யாராவது ஒருவரை அவசரமாக நியமித்து இவரின் பதவிக்கணக்கை முடித்து வீட்டுக்கு அனுப்பும் கண்ணாமூச்சி ஆட்டமும் அதுவரை நடந்து கொண்டிருந்தது. ஆக Kim Beazley என்பவர் அவ்வப்போது வந்து தொழிற்கட்சிக்கு ஒட்டு வேலைகள் செய்து விட்டுப் போகும் மனிதராக இருந்தார்.

என்னதான் சொல்லுங்கோ, கீழைத்தேய நாடுகள் என்றாலென்ன மேலைத்தேய நாடுகள் என்றாலென்ன அரசியல்வாதியாகப் பிறப்பெடுத்தாலே எப்போது எந்த நேரம் யார் கண்(னி) வெடி வைப்பான் என்று தெரியாத பிழைப்புத் தான். அதுவும் அவுஸ்திரேலிய அரசியலில் இந்தப் பகடைக்காய் ஆட்டம் தேசிய அளவில் மட்டுமல்ல மாநில அளவிலும் நடந்து கொண்டிருக்கும் சித்து விளையாட்டு.
அவுஸ்திரேலியாவின் அதிகப்படியான அரசியல் தலைவராக இருந்த பெருமை கொண்ட John Howard தன் திறைசேரி அமைச்சர் Peter Costello ஐ அடுக்களைக்குக் கூட அண்டாமல் கண்ணும் கருத்துமாக வைத்திருந்ததோடு தன்னுடைய கடைசி நாட்களிலும் Peter Costello வை அடுத்த தலைவராக முன்மொழியாமல் இருந்தவர். அந்த வருத்திலோ என்னவோ John Howard வீம்பு பிடித்துத் தானே 2007 தேர்தலில் நிற்பேன் என்று போட்டி போட்டு மண் கவ்விய நிலையிலும் Peter Costello காலியாக இருந்த எதிர்க்கட்சி ஆசனத்துக்குப் போட்டி போடாமல் இரண்டு வருசம் சிரிச்சுச் சிரிச்சே சமாளித்துக் காலத்தைத் தள்ளீ கடைசியில் அரசியலுக்கு குட்பை சொல்லி விட்டு அவரும் போய் விட்டார். அதுவரை தனிக்காட்டு ராசாவாக ஆண்டு களித்துக் களைத்த லிபரல் கட்சி எதிர்க்கட்சியாக மாறிப் போனது அவர்களுக்கு நிரம்பவே தடுமாற்றத்தைக் கொடுத்திருக்கும். இல்லையா பின்னே. கடந்த இரண்டு வருஷம் சொச்ச நாட்களுக்குள் முன்று பேர் எதிர்க்கட்சித் தலைவராக இருந்து அழகு பார்த்தார்கள். முதலில் வந்தவர் Brendan Nelson இவரின் கஷ்டகாலம் முன்னர் தொழில்கட்சியில் இருந்தது தான். முன்னர் இவர் தொழில்கட்சியில் இருந்த போது உடல் மண்ணுக்கு உயிர் தொழில்கட்சிக்கும் என்று முழங்கிய வீடியோக்களை ஜெயா டிவி ராம்தாஸ் கருணாநிதி பக்கம் போகும் சமயம் எடுத்து விடும் வீடியோக்கள் போலக் காட்டி நாறடித்தது ஒரு பக்கம் என்றால் இன்னொரு பக்கம் இந்த மனுசர் அநியாயத்துக்கு அப்பாவியாக இருந்தார். ஆட்சியில் இருக்கும் தொழிற்கட்சியின் நடவடிக்கைகளை ஆற அமர ஒப்புக்கு இரண்டு தொலைக்காட்சிகளின் ஒலிவாங்கிகளுக்குக் கொடுத்துக் கொண்டிருந்த இவரைக் கடாசி விட்டார்கள் கட்சிக்காரர்கள். இரண்டு சொட்டுக் கண்ணீருடன் இவர் போக "அண்ணன் எப்போ சாவான் திண்ணை எப்போ காலியாகும்" என்று அதுவரை காத்திருந்த Malcolm Turnbull சிக்கெனப் பிடித்தார் எதிர்க்கட்சித் தலைவர் பதவியை.இவரின் பலவீனமே அதிகமாக உணர்ச்சிவசப்படுவது. அது சினிமாக்காரன் என்றால் கைதட்டி ரசிக்கும் சனம். ஆனால் இந்த மனுசன் அவதி அவதியாகச் செஞ்ச வேலைகளால் கைகொட்டிச் சிரித்தார்கள் ஊரார் சிரித்தார்கள். மீண்டும் கட்சிக்குள் குழப்பம். இந்த முறை Malcolm Turnbull க்கு ஆப்பாக வந்தவர் Tony Abbott இன்றுவரை எதிர்க்கட்சித் தலைவராக இருப்பவரும் இவரே பதவியில் போட்டி இடுவதற்கு முன்னர் சத்தியமா எனக்கு அந்த ஆசை இல்லை என்று தலையில் அடிச்சு கற்பூரம் கொழுத்தாத குறையாகச் சொன்னவர் (அரசியலில் இதெல்லாம் சகஜமப்பா - நன்றி: கவுண்டமணி சுவாமிகள்). தேர்தல் நடைபெற இன்னும் நாலைந்து மாதங்கள் இருக்கும் நிலையில் Tony Abbott கூட பா(ர்)ட்டிக்கு அடங்கிய சமத்துப் பையனாக இருப்பாரா என்பது போகப் போகத் தெரியும். ஏனென்றால் சூழ்நிலை அப்படி. Malcolm Turnbull கூட இனிமேல் தன் தொகுதியான Malcolm Turnbull இல் இனிமேல் போட்டி போடமாட்டேன் போய்யா என்று சலித்துக் கொண்டே சொல்லி விட்டதால் அந்தப் பக்கமிருந்து கத்தி வராது என்று நம்பலாம். இப்படியாக கடந்த 2007 ஆம் ஆண்டிலிருந்து பிரதான எதிர்க்கட்சியான லிபரல் கட்சிக்குள் குத்து வெட்டு, ஊசலாட்டம் , கரகாட்டம் எல்லாம் ஆடிக்கொண்டிருக்கும் போது மறுமுனையில் ஆட்சியில் இருக்கும் தொழிகட்சி தன் சொந்தச் செலவில் சூனியம் வைத்துக் கொண்டிருந்ததைத் தான் விதியின் விளையாட்டு என்பதா?

முன்னர் சொன்ன அரசியல் பின்புலன்களைப் பார்க்கும் போதே ஒன்று தெளிவாகத் தெரியும். கட்சிக்குள் தனி நபரின் செல்வாக்கு என்பது ஒரு எல்லைக்குள் தான். கூட்டமாக சேர்ந்தால் கும்மி விடுவார்கள் என்பது ஆட்சியில் இருப்பவருக்கும் பொருந்தும் எதிர்க்கட்சி ஆசனத்தில் இருந்து ஆட்சியைப் பார்த்துக் கொட்டாவி விடுபவருக்கும் தெரியும். கட்சியில் இருந்து ஆட்களைக் கழற்றிக் கொண்டு போய் சேவல் சின்னத்திலோ, புறாச் சின்னத்திலோ போட்டி போடுமளவுக்கும் கூட இங்கே யாருக்கும் தில் இல்லையப்பா.

மீண்டும் முதற்பந்திக்கு வருகின்றேன். 2007 ஆம் ஆண்டு தேர்தலில் John Howard என்ற பழுத்த அரசியல் சாணக்கியருக்கு ஈடு கொடுக்க எல்லா வித சித்து வேலைகளையும் பார்த்து ஓய்ந்த நிலையில் ஒரு சாந்த சொரூபியைக் களமிறக்கி மக்களின் அனுதாப அலைகளை அள்ளிக்குவிக்கலாம் என்ற தொழிற்கட்சியின் நினைப்புக்கு அளவெடுத்த சட்டையாக வந்து பொருந்தினார் Kevin Rudd. அந்த நேரம் பார்த்து தொழில் ரீதியான சட்டத்தீர்திருத்தங்களும் ( Australian industrial relations legislation) அதன் விளைவாக தொழிற் சங்கங்கள் கூட்டாக அரசினைத் தாக்கி மேற்கொண்டிருந்த பிரச்சாரங்களும் தொழிற்கட்சிக்குப் பலமான ஒரு வாக்கு வங்கியைக் கொண்டு வந்து தங்கத் தாம்பாளத்தில் கொடுக்க முனைந்தது. கூடவே மத்திய அரசியின் தொடர்ச்சியான வட்டி அதிகரிப்பு என்பதும் குடும்பஸ்தர்களை ஈட்டியாகக் குத்திய போது ஆபத்பாந்தவனாகத் தெரிந்தார் Kevin Rudd பெருவாரியான ஆதரவோடு ஆட்சியைப் பிடித்தார் இந்தப் புதுமுகம்.
"இப்போது Kevin Rudd இன் அரசாங்கத்தை Hitchcock இன் மர்மப் படத்தைப் பார்க்குமாற்போல நகம் கடித்துக் கொண்டே மூன்றாவது நாளாகக் கவனித்துக் கொண்டிருக்கின்றோம்." என்று முன்னர் இவர் ஆட்சிப் பீடம் ஏறிய போது சொல்லியிருந்தேன். அதுதான் இது நாள் வரை நடந்திருக்கிறது இவருக்கு.

அடிப்படைக் கல்வி வசதிகள் , சுற்றுச் சூழல் மாற்றத்தில் பாதுகாப்பு போன்றவற்றில் அதிக முனைப்புக் காட்டியிருந்த Kevin Rudd இவற்றைச் சாதித்துக் காட்ட முனைந்த போது உள்ளூரிலும் வெளியூரிலும் பல சவால்கள். மக்களுக்கும் "அரைத்த மாவை அரைப்போமா" பாட்டு மெல்ல போரடிக்க ஆரம்பித்தது. தொழிற்சங்கங்களின் ஆசியோடு வந்த தொழிற்கட்சி அரசுக்கு அடிக்கடி கறுப்புத் தபால்கள் கொடுத்துக் கொண்டிருந்தார்கள். கூடவே அகழ்வாய்வு (mining) பணிகளுக்கு வரிவிதிப்பில் புதிய சீர்திருத்தங்கள் என்று மெல்ல மெல்ல கெட்ட பிள்ளை ஆகிக் கொண்டிருந்தார் Kevin Rudd. இதை உறுதிப்படுத்துமாற்போல கடந்த சில வாரங்களாக வரும் கருத்துக் கணிப்புக்களிலும் தொழிற்கட்சியின் வாக்கு விகிதம் பெருமளவு சரிந்து இரட்டை கட்சிகளுக்கான விருப்பு வாக்குகள் எதிர்க்கட்சிப் பக்கம் தாவ ஆரம்பித்தன. பதவிக்கு வந்த போது சூப்பர் ஸ்டார் ரேஞ்சில் Kevin Rudd வாக்கு விகிதம் இருக்க எதிர் அணியில் இருந்தவர் பரிதாபமான விகித்தில் இருந்த நிலை மெல்ல மெல்ல மாறிக் கொண்டு வருகிறது. இந்த நிலையில் Kevin Rudd இற்குச் சவாலாக மாறினார் இது நாள் வரை துணைப்பிரதமராக இருந்த Julia Gillard, இவர் Education, Employment and Workplace Relations ஆகிய இலாகாக்களுக்கும் கூட அமைச்சுப் பதவியேற்றவர். தன்னுடைய அமைச்சுப் பொறுப்பேற்றதும் John Howard கொண்டு வந்த தொழில் சீர்திருத்தம் தொடர்பான விளக்கக் கையேடுகளை ஆவேசமாகக் கிழித்துக் குப்பையில் போட்டாரே அம்மணி அங்கேயே பார்க்க வேண்டும் இவர் வேகத்தை.

Julia Gillard அடிப்படையில் ஒரு சட்டக் கல்வி மற்றும் கலைப்பட்டதாரி. 29 செப்டெம்பர் 1961 இல் இங்கிலாந்தின் வேல்ஸ் இல் பிறந்த இவரின் தந்தை நிலக்கரிச்சுரங்கத்தில் வேலை பார்த்தவர். 1983 ஆம் ஆண்டில் அவுஸ்திரேலிய மாணவர் சங்கத்தினை நிர்வகிக்கும் தலைமைப் பொறுப்பேற்றதுடன் மெல்ல மெல்ல அரசியலுக்கும் விழுந்தார். 1996 ஆம் ஆண்டிலிருந்து விக்டோரிய மாநிலத்தின் தொழிற்கட்சிப் பணியில் ஈடுபட்டுச் செயற்பட்டவர். இவரின் Partner, Tim Mathieson ஒரு சிகை அலங்கார நிபுணர். பிள்ளைகள் இல்லை. மாநில அரசியலில் இருந்து மெல்ல மெல்லத் தன் அரசியல் காயை மத்திய அரசியலில் போட்டார். துடிப்பான நிழல் அமைச்சராக இவர் செயற்பட்ட பாங்கு 2007 பொதுத் தேர்தலில் இவரே துணைப் பிரதமராக ஆகும் அளவுக்கு விட்டிருக்கின்றது. போட்டியின்றித் தேர்ந்தெடுக்கப்பட்டார்.

நாட்டில் ஒவ்வொரு மூலைகளில் இருந்தும் அடிவாங்கத் தயாரானது தொழிற்கட்சி. அவுஸ்திரேலியாவின் மிகப்பெரிய மாநிலமான நியூசவுத்வேல்ஸ் மாநிலத்திலும் ஒரு அதிகாரப் போட்டி வந்து Kristina Keneally என்ற பெண் பிரதமரை பொம்மையாக நிறுத்திக் காரியம் பண்ணுகிறார்கள் முன்னர் மாநிலப்பிரதமராக இருந்த Nathan Rees ஐ வேண்டாது வெறுத்து ஒதுக்கிய கட்சிக்காரர்கள். Nathan Rees இன் சாபமோ என்னமோ சமீபத்தில் Penrith என்ற இடத்தில் நடந்த இடைத்தேர்தலில் 37 வருச சரித்திரத்தில் தொழிற்கட்சி தன் கதிரையை லிபரலுக்குத் தாரை வார்த்தது ஒரு பானை சோத்துக்கு ஒரு சோறு பதம்.

இப்படியாக மெல்ல மெல்ல தொழிற்கட்சியின் தேனிலவுக்காலம் அஸ்தமிக்குமோ என எண்ணும் வேளை நியூசவுத்வேல்ஸ் இற்கு Kristina Keneally வாய்த்தது போல மத்திய அரசியலில் Julia Gillard அகப்பட்டார். Julia Gillard இற்கும் Kevin Rudd க்கும் அரசல்புரசலாக இருந்த ஊடல் பகிரங்கமாக வெடித்தது. இந்த வேளை ஒரு ஆசிய நாடாக இருந்தால் Julia Gillard ஐ ஐ.நா சபை சிறப்புத் தூதுவர் தான் தேடவேண்டிய நிலை இருந்திருக்கும். ஆனால் இங்கோ நெஞ்சுரம் மிக்க அந்தப் பெண்மணி தலைமைப் போட்டிக்கு வருவீரா என்று சவால் விட்டார் Kevin Rudd ஐப் பார்த்து இது நடந்தது நேற்று இரவு. இரகசியம் பரகசியமாகி பகிரங்கமாக நேற்று இரவு 10.20 க்கு Kevin Rudd தலைமைப் போட்டியில் தான் போட்டியிடப்போவதாகச் சொன்னார். ஆனால் ஓரிரவுக்குள் அவர் மனதில் என்ன போராட்டம் நடந்ததோ தெரியவில்லை.
இரு சொட்டுக் கண்ணீருடன் " நான் அவுஸ்திரேலிய மக்களால் தேர்ந்தெடுக்கப்பட்டேன், என்னால் முடிந்த அளவுக்கு என் பணியைச் சிறப்பாகச் செய்திருக்கின்றேன்" என்றவாறே போட்டியிடாமல் மெல்ல விலகிக் கொண்டார் இவர். திறைசேரி அமைச்சராக இருந்த Wayne Swan துணைப்பிரதமராகியிருக்கின்றார்.

இந்தக்கூத்துக்குப் பின்னால் அகழ்வாய்வுத்துறை மீது கொண்டு வரப்பட இருக்கும் super profits tax என்ற புதிய வரிக்கொள்கையும், emissions trading scheme எனப்படும் சூழல் மாசடைதலைக்கட்டுப்படுத்தல் தொடர்பாக எடுக்க முனையும் நடவடிக்கைகளும் கட்சிக்குள்ளேயே அதிருப்தியைச் சம்பாதித்தை முக்கிய காரணியாகச் சொல்லிக் கொள்கிறார்கள்.

இன்னும் ஒரு மூன்று, நான்கு மாதங்கள் பொதுத்தேர்தலுக்கு இருக்கும் நிலையில் Julia Gillard முன்னே சவால்கள் எல்லாப் பக்கமும் இருந்து வரவிருக்கின்றன. ஏற்கனவே கடந்த தேர்தலில் கொடுத்த வாக்குறுதிகளில் கொடுக்கப்படாதவை, கொடுக்கப்பட்டுச் சொதப்பியவை என்று ஒருபக்கம் மக்களோடு மல்லுக் கட்ட வேண்டிய நிலை. இன்னொரு பக்கம் கட்சிக்குள் இருக்கும் மறைமுகமாக ஆளுமைகளோடு போட்டி போட வேண்டிய நிர்ப்பந்தம். மாநில அளவில் இதுவரை அதிகப்படியான மாநிலங்களில் செல்வாக்குச் செலுத்தி ஆட்சி அதிகாரத்தோடு இருக்கும் தொழிற்கட்சியின் செல்வாக்குச் சரிவு. இவையெல்லாம் எதிர்க்கட்சிக்காரனுக்குத் திருநெல்வேலி இருட்டுக் கடை அல்வா போல. முந்திய தேர்தலில் கடந்த ஆட்சிக்காரனைக் குற்றம் சொல்லியே வந்த நினைப்பு இந்த முறை பலிக்காதே.

அவுஸ்திரேலிய தேசிய பல்கலைக்கழகத்தின் அரசியல் விஞ்ஞானப்பீடப் பேராசிரியர் Norman Abjorensen இந்தக் கூத்துக்களைப் பார்த்து இப்படிச் சொல்லியிருக்கின்றார். " Labor's dumping of Rudd was a calculated gamble". அதுதான் உண்மை இன்று Kevin Rudd பலிகடா நாளை Julia Gillard. வரலாறு முக்கியம் அமைச்சரே ;-)

தொடர்பு பட்ட முந்திய இடுகை: இந்த வழியால் போகாதே...!

சிட்னி முருகன் ரதோற்சவம் 2010

2010-03-28T19:22:00.009+11:00

சிட்னி முருகன் ஆலய வருடாந்த மகோற்சவத்தில் இன்று ரதோற்சவ நிகழ்வுகள் வெகு சிறப்பாக நடைபெற்றன. ஈழத்தில் இருந்து சர்வேஸ்வரக்குருக்கள் பிரதம குருவாக அமைந்து இந்த நிகழ்வுகளை நடத்தினார். தொடர்ந்து காட்சித் தொகுப்புக்குப் போவோம்.

அழகன் முருகன் தேரில்

தாகம் தீர்க்கத் தருவேன் மோரும், சர்பத்தும்

ஈழத்துக் கலைஞர்கள் நாகேந்திரம், சுதா சின்னராசா குழுவினர் வழங்கும் நாதஸ்வர, மேள தாளம்

தேவார, திருமுறைகளைப் பாடிப் பக்திப்பரவசமுறும் அடியார்கள்

அவுஸ்திரேலிய ஒலிபரப்பு கூட்டுத்தாபனம் ரதோற்சவத்தை நேரடியாக அஞ்சல் செய்கிறது

சுவாமிக்கு பச்சை சார்த்தப்படுகிறது

முக்கியமான மேட்டர் ஒன்றை விட்டுட்டியே பரிமளம், அட ஆமா, அன்னதான கியூ ;)

சிட்னி முருகன் சப்பறத் திருவிழா 2010

2010-03-27T22:40:00.011+11:00

சிட்னி வைகாசிக்குன்றில் அமைந்திருக்கும் முருகன் ஆலயத்தின் மகோற்சவ நிகழ்வுகள் கடந்த சனிக்கிழமை கொடியேற்றத் திருவிழாவில் ஆரம்பித்து இன்று சப்பறத்திருவிழா நிகழ்வு வெகு சிறப்பாக நடைபெற்றது. பல்லாயிரக்கணக்கான அடியவர்கள் இந்த நிகழ்வு நடந்தேறியது. அதில் இருந்து சில காட்சித் தொகுப்புக்களை இங்கே தருகின்றேன்.

மவுன்ட் ருபஸ் இல் அடியேன்

2010-02-16T21:34:00.012+11:00

குவீன்ஸ் டவுன் குளிர் இதமாகத்தான் இருந்தது. இரவு தங்கியிருந்த பக்பாக்கர்ஸ் கட்டிலில் படுத்திருந்தபடியே இன்றைய நாளை திட்டமிட்டேன். காலை சுரங்கத்தொழில் நடைபெறும் இடத்தைப் பார்ப்பதாயும், 13 மணி போல் ”Cradle Mountain” மலைத் தொடரில் உள்ள 1415 மீற்றர் உயரமான மவுன்ட் ருபஸ் மலை ஏறத் தொடங்கினால் மாலை எட்டு மணி போல் வந்து சேரலாம் என்று முடிவெடுத்துக் கொண்டேன்.

நேற்று ரிசப்சனில் புன்னகை செய்யவேண்டும் என்பதற்காய் புன்னகைத்து என்ன உதவி செய்யட்டும் என்று கேட்டவளிடம் சுரங்கத் தொழில் நடை பெறும் இடத்தை பார்க்க ஆசை என்றேன். அப்படியா? ஏன்று கேட்டவள் நாளை காலை டூரிஸ்ட் கந்தோரில் கேள் ஒழுங்கு செய்வார்கள் என்றாள். எத்தனை மணிக்கு என்று கேட்டதற்கு…வாயைப் பிதுக்கி மே பி எயிட் ஓ நைன் என்றாள்.

நேரம் 8 தொட்டுக் கொண்டிருந்தது. எழும்பி பல் விளக்கி, உடுப்பு மாத்தி தேத்தண்ணி குடிப்பம் என்றால்… பக் பாக்கர்ஸ்க்கு யார் தேத்தண்ணி தாறாங்கள், அதுவும் 30 டொலர் அறையில்?

தேத்தண்ணி குடிக்காட்டி ”அதுக்கு” வராதே…. ஏன்ன செய்வம்? அதுவும் 7 மணிநேர மலை ஏற்றத்தையல்லவா இன்றைக்கு செய்வதாக என் மனதுடன் ஒப்பந்தம் செய்துள்ளேன்… மற்றவர்கள் மாதிரி கண்ட இடத்தில் தண்ணியில்லாமலும் சரிவராதே…. என்று யோசித்துக் கொண்டு இருந்த போது யுகமானியில் வந்த ” தம்பி நீங்க நல்வாயிருக்கோணும்” கதை ஞாபத்தில் வந்து போனது.. (அருமையானதோர் கதை, அதுவும் என்னைப் போல் ”அதுக்கு போக” கஸ்டப்படும் ஒருவரின் கதை)

இப்படி யோசித்துக் கொண்டிருக்கும் போது கண்ணில்பட்டாள் ரும் சேர்விஸ் பெண். அவளின் புண்ணியத்தில் பிளேன் டீ குடித்து, ”அது” முடித்து டூரிஸ்ட் கந்தோரில் ஆஜரான போது நேரம் 9.30 ஐ நெருங்கிக் கொண்டிருந்தது. டூரிஸ்ட் கந்தோரில் பூட்டு தொங்கிக் கொண்டிருந்தது.

இதை பார்த்துக் கொண்டிருந்தால் நேரம் போய்விடும் என்பதால் ஏறி இருந்து வாடகைக் காரை இயக்கினேன். நவிகேசன் எடுத்து, இடம் சொல்லி, வழி காட்டு என்ற போது 100 மீற்றரில் வலது பக்கம் திரும்பு, பின் வட்டச் சந்தியில் இரண்டாவது பாதையால் வெளியேறு என்றாள் வழிகாட்டி.

காருக்கு எண்ணைய் (அதுதானப்பா பெற்றோல்) அடித்துக் கொண்டு வட்டச் சந்தியில் இரண்டாவது பாதையால் வெளியேறினேன். 87 கீ.மீ தொடர்ந்து செல் என்று கட்டளை கிடைத்தது. குடல் போல வளைந்து போகும் (எத்தனை நாளைக்கு தான் பாம்பு போல வளைந்து போகும் பாதை என்று சொல்வது) பாதையில் பயணித்துக் கொண்டிருந்த போது குயின்ஸ் டவுன் ஐ சுரங்கத் தொழில் படுத்தியிருக்கும் பாட்டை பார்க்கக் கிடைத்தது. ஊரெல்லாம் கிண்டு, கிண்டு என்று கிண்டி வைத்திருக்கிறார்கள். நாலைந்து படங்கள் எடுத்துக் கொண்டேன்.

குயின்ஸ் டவுன்ஜ சிட்னியுடன் ஒப்பிட்டால் அவுஸ்திரேலியாவா என்று கேட்பீர்கள். சேரிப்புறத்து வீடுகளைப் போன்றே வீடுகள் இருக்கின்றன. புதிய வீடு ஒன்றைக் கூட காணக்கிடைக்கவில்லை. சுரங்கத் தொழில் படுத்து விட்டது. புதிய தொழிற்சாலைகளோ, நிறுவனங்களோ இல்லை. இளம் சமுதாயம் வேலை தேடி நகரங்களுக்கு போயிருக்க வேண்டும் என நினைக்கிறேன். சுற்றுலாத்துறையை மட்டும் மிகச் சிறப்பாக முன்னேற்றி வைத்திருக்கிறார்கள்.

கார் வளைந்து வளைந்து போய்க் கொண்டிருந்தது. வழிகாட்டி இன்னும் 80 கி.மீ இருக்கு எனவும். இந்த வேகத்தில் போனால் 11.45 க்கு போவேன் என்று காட்டிக் கொண்டிருந்தது. வேகம் கூட்டி, குரூஸ் கொன்றோலில் 100 கி.மீ காட்டி இயற்கையை ரசித்துக் கொண்டிருந்தேன். நான் கடந்த 99 வீதமான சிறிய பெரிய நீரோட்டங்களுக்கு (தண்ணீரில்லாதவற்றிற்கும் சேர்த்து) பெயர் சூட்டியிருந்தனர். ஏன் இதற்கு இவ்வளவு முக்கித்துவம் கொடுக்கிறார்கள் என்று புரியவில்லை.

மற்றை இடங்களைப் போல இந்த வழியில் (Lyell HW - A10) வீதியில் இறந்து கிடக்கும் மிருகங்கள் மிகக் குறைவாகவே இருந்தன. டஸ்மானியாவில் இருந்த 5 நாட்களிலும் கிட்டத்தட்ட 1500 கி.மீ கார் ஓடியிருந்தேன். ஆகக் குறைந்தது 150 இறந்த கங்காருக்களை வீதியோரத்தில் கண்டிருப்பேன். கங்காருக்களை விட டஸ்மானியா டெவில், முயல், முள்ளம் பன்றி போன்றதொரு சிறிய பன்றி, குருவிகள் என ”வீதி” பலியெடுத்திருந்த மிருகங்கள், பறவைகளின் எண்ணிக்கை மிக அதிகம். அடிபட்டு கிடக்கும் மிருகங்களை தன்னை மறந்திருந்து ருசிக்கும் போது கடந்து போகும் வாகனங்களில் அடிபடும் பறவைகளும் அதிகம் (பசி வந்தால் பத்தும் பறக்கும் என்பார்களே.. அது இந்த குருவிகளுக்கும் பொருந்தும் போல)

திடீர் என சாத்தான் மனம்.. இன்று மலை ஏறாது Hobart போய் பார் என்றது. 10 – 15 நிமிடங்கள் ஒரே போராட்டமாய் இருந்தது. கால நிலையும் மழை, காற்றாய் இருந்தது. அனுபவப்படி நோர்வேயில் மலையேற முதல் காலநிலை மழை, காற்றாய் இருந்தால் மலையுச்சியில் கடுங் குளிர் காற்று வீசும். சாத்தான் மனம் இதையும் ஒரு சாட்டாக வைத்து Hobart போ என்றது. இருப்பினும் எனக்கு மலையுச்சிகளின் மீதுள்ள காதலினால் சாத்தானின் வேதத்தை கேட்க மறுத்தேன்.

Franklin – Gorden தேசிய வனப்பகுதியினூடாக போய் கொண்டிருக்கும் போது ஆங்காங்கே வீதி செப்பனிடல் வேலை நடந்துகொண்டிருந்தது. ஆங்காங்கே காரை நிறுத்தி படங்கள் எடுத்துக் கொண்டேன். வழி நெடுகிலும் மிக குறைந்த வாகன நடமாட்டமே காணப்பட்டது. ஒரு குளக்கரை மிக ரம்யமாக இருந்தது.

1 கி.மீ இடது பக்கம் திரும்பு என்றது வழிகாட்டி இயந்திரத்தினுள் இருந்த பெண் குரல். வேகம் குறைத்து இடது புறம் திரும்பினேன். Lake St. Clair என்னை வரவேற்பதாக பெரியதோரு அறிவுப்புப்பலகை சொல்லியது. தலை வணங்கி வரவேற்பை ஏற்றுக் கொண்டேன்.

காரை நிறுத்தி National Park Entry Pass ஐ கண்ணாடியில் தெரியும்படி வைத்தேன். (டஸ்மானியாவில் National Park பார்க்க வேண்டும் எனின் கார்க்கும் மனிதர்களுக்கும் சேர்த்து Entry Pass எடுக்க வேண்டும். நான் ஏற்கனவே முழு டஸ்மானியா பாஸ் எடுத்திருந்தேன். (முழு டஸ்மானியா பாஸ் எடுத்தால் விலை குறைவு)

முதுகுப் பையில் உணவு, நீர், மழையுடைகள், டோர்ச், IPod, நனைந்தால் மாற்ற என உடைகள் எடுத்து வைத்துக் கொண்டு வானத்தைப் பார்த்தேன்…. கடவுள் என்னைப் பார்த்து Sorry buddy , இன்று மழையும் காற்றும் தான் என்று சொல்லிக் கொண்டிருந்தார்.

Visitor Centor க்குள் புகுந்து ”Cradle Mountain – Tasmania, Australia” . Mount Rufus பற்றிய விபரங்களை பெற்றுக் கொண்டேன். நான் திட்டமிட்டிருந்த மவுன்ட் ருபஸ் சுற்றுப்பயணத்தின் இறுதிப்பகுதியை மண்சரிவு, நீரோட்டம் காரணமாக தற்காலிகமாக தடை செய்திருந்தார்கள். போகும் வழியாலேயே திரும்ப வருவது எனக்கு பிடிக்காத வேலை. ஏன்றாலும் ஏற்றுக் கொள்ள வேண்டியிருந்தது.

வெளியில் அடித்த குளிர் காற்றின் வேகம் கண்டதும் அனுபவம் விழித்துக் கொண்டு தலையையும், காதையும் மறைக்கும் தொப்பியை வாங்கு என்றது. அதிக விலைகொடுத்து ஒரு தொப்பி வாங்கினேன். தொப்பியின் அருமை மலையுச்சியை நெருங்கும் போது புரிந்தது. அந்த தொப்பியில்லாமல் உச்சியை தொட்டிருக்க முடியாது.

தொப்பி வாங்கிய இடத்தில் ஜக்கட் இல் ஒட்ட ”Cradle Mountain – Tasmania, Australia” என்று எழுதிய ஒரு ஸ்டிக்கரும் வாங்கிக் கொண்டேன். Visitor Center ஐ மிகவும் அழகாகவும், திட்டதிட்டமிட்டும் உருகாக்கியிருக்கியிருப்பது மட்டுமல்ல. Cradle Mountain பற்றிய சகல விபரமும் தருகிறார்கள். எங்கு, எந்த வழியால் போகலாம், எவ்வளவு நேரமெடுக்கும். எவ்வளவு தூரம் என்று சுற்றுலாப்பயணிகளுக்கு தேவையான சகல தகவல்கள் மட்டுமல்ல, மிருகங்கள். பாம்பு பற்றிய அறிவித்தல்களும், காலநிலை அறிவுறுதல்களும் கிடைக்கின்றன.

Visitor Center கந்தோருக்குள் ஒரு இலங்கை அல்லது இந்தியப் பெண் தெரிந்தார். ஆச்சரியமாக இருந்தது. நம்மவர்களை டொக்டர், இன்ஜினியர் என்று தானே படிப்பிப்பார்கள். டொக்டராயும், இன்ஜீனியராயும் படிக்காட்டி அவன் படிக்காதவன் என்று சொல்லுவாங்கள் எங்கடயாக்கள் என்று யாரோ சொன்னது ஞாபகத்தில் வந்து போனது. ரேஞ்சர் உடுப்பில் அந்தப் பெண்ணைப் பார்த்ததும் மகிழ்ச்சியாய் இருந்தது. எந்த ஊர் என்று உறுதி செய்து கொள்வதற்காய் உற்று உற்றுப் பார்த்தேன். ஒரு முடிவுக்கும் வரமுடியவில்லை. தமிழ்ப் பெண்ணாய் இருந்திருந்தால் நல்லம் என்று எனக்குள் நினைத்துக் கொண்டேன்.

ஒரு பிளேன் டீ வாங்கி குடித்துவிட்டு காட்டப்பட்டிருந்த பாதையால் நடக்கலானேன். என்னைச்சுற்றி யூகலிப்டஸ் மரமாகவே காட்சியளித்தது. எங்கும் மரங்கள்.. உயிருள்ள, உயிரற்ற, சிறிய, பெரிய, மிக மிகப் பெரிய மரங்கள் என்று ஒரே மரங்களாய் இருந்தது நடைபாதை முழுவதும்.

நீரோடைகளை, சிறிய குன்றுகளை, சதுப்பு சநிலங்களை கடந்து ஏறத்தாழ 3மணி நேரத்தின்பின் மலையின் உச்சி தெரிய ஆரம்பித்தது. ஓரிடத்தில் என்னைச் சுற்றியிருந்த மரங்கள் எல்லாம் இறந்தும், காய்ந்தும் தங்கள் முதுமையை அறிவித்துக் கொண்டிருந்தது. அந்த இடத்தில் மட்டும் அப்படி இருந்ததற்கான காரணம் புரியவில்லை. மேலும் மேலும் நடந்து கொண்டிருந்தேன் நேரம் போக போக பயங்கரமான காற்றும் வா வா என்று வரவேற்றது.

வாங்கிய தொப்பியை மாட்டிக் கொண்டு நடக்கலானேன். குளிர் காற்று ஊசிபோல் குத்திக்கொண்டிருந்தது. கையுறை கொண்டு வராததன் பலனை அனுபவிக்கலானேன். முதலில் நுனி விரல் விறைத்தது, பிறகு விரல் முழுவதும் விறைத்தது. தாங்க முடியாமல் பையில் வந்திருந்த shopping bag ஐ எடுத்து கையில் சுற்றிக்கொண்டேன். காற்றின் அகோரத்தை பை தாங்கிக் கொண்டதால் கொஞ்சம் ஆறுதலாய் இருந்தது. மலை உச்சி நெருக்கத்தில் தெரியத் தொடங்கியது. ஆனாலும் இன்னும் தூரம் கொஞ்சம் இருப்பது புரிந்தது. உடம்பும், கையும், காலும் குளிரின் அகோரத்தால் திரும்பிப் போ, திரும்பிப் போ என்று கத்திக்கொண்டிருக்க, உச்சியை தொட நினைத்த மனம் மட்டும் இல்லை, இல்லை இன்னும் கொஞ்ச தூரம் தானே என்று சமாதானம் சொல்லிற்று.

திடீர் என காற்றின் அகோரம் அதிகரித்தது. நிற்க முடியாதளவுக்கு காற்றின் வேகம் அதிகரித்த போது அருகிலிருந்த ஒரு பாறையின் மறைவில் சற்று இளைப்பாறலானேன். கொண்டு வந்திருந்த பாண் துண்டுகளை தண்ணீருடன் விழுங்கி முடித்தவுடன் சற்று சக்தி திரும்பியது போலிருந்தது. காற்றோ பயங்கர சத்தத்துடன் உக்கிரம் குறையாமல் வீசிக்கொண்டிருக்க மனமோ எப்ப‌டி 500 மீற்றர் தூ‌ரத்தில் உள்ள உச்சியை எப்படி தொடுவது என்று போசித்துக் கொண்டிருந்தது. நிமிர்ந்து நின்றால் காற்று என்னை பின்னுக்கு தள்ளியது. பல்லைக்கடித்துக் கொண்டு சற்று முன்னேறி இன்னொரு கல்லின் பின்னால் நின்று காற்றின் அகோரத்தை தவிர்த்துக் கொண்டேன். இப்படியே 300 மீற்றர் தூரம் மெது மெதுவாய் முன்னேறினேன். உச்சி கைக்கெட்டிய தூரத்தில் இருந்தது. இனி காற்றின் அகோரத்தை தாங்க கற்கள் இல்லை. வெறும் வெட்ட வெளியாய் இருந்தது. மெது மெது வாய் காற்றை எதிர்த்துக்கொண்டு ஏறத்தாழ 20 நிமிடத்தின் பின் உச்சியில் இருந்த கற்குவியலில் கை வைத்த போது பட்ட துன்பமெல்லாம் காற்றாய் கரைந்திருந்தது அதே வேளை கைகள் உணர்ச்சியின்றி மரமாய் விறைத்திருந்தன.

முகில் மூட்டங்கள் முழு மலையையும் மறைக்கத் தொடங்கியது. மலையைச் சுற்றியிருந்த எதுவும் தெரியவில்லை. எனது பங்காக கற்குவியலின் மீது ஒரு கல்லை எடுத்து வைத்துவிட்டு மெதுவாய் இறங்கத் தொடங்கினேன். (ஒவ்வொரு மலையுச்சியிலும் கற்களை உயரமாய் அடுக்கி வைத்திருப்பார்கள். உச்சிக்கு போகும் எல்லோரும் தங்கள் பங்கிற்காக ஒரு கல்லை எடுத்து வைப்பது வழக்கம்) காற்றின் வேகம் முதுகைத் தாக்கித் தொடங்கியிருந்தது. காற்றின் வேகத்தில் அடிபட்டுப் போகாமல் கவனமாய் இறங்கத் தொடங்கினேன்.

முகில் முட்டம் சற்று கீழே இறங்கியவுடன் காற்றுடன் கரைந்து போயிற்று. மலைக்கு ஏறும் இறங்கும் வழிகளை மிகவும் சிறப்பான முறைகளை அடையாளப்படுத்திருப்பதால் ஏறும் போதோ அல்லது இறங்கும் போதோ பாதைமாறாமல் செல்ல முடிந்தது. ஏறத்தாழ 7 மணி போல் மீண்டும் Visitor Center க்கு வந்த போது முழு உடம்பும் களைத்துப் போயிருந்தது. ஆனால் மனம் மட்டும் குதூகலித்துக் கொண்டிருந்தது. கால் தசைகளை கொஞ்சம் stretch பண்ணிக் கொண்டேன் இல்லா விட்டால் நாளை காலை எழும்பமுடியாது என்பதை அனுபவத்தில் அறிந்திருக்கிறேன்.

மெதுவாய் இருட்டத் தொடங்கியிருந்தது. களைப்புடன் பசியும் சேர்ந்து உணவும் ஓய்வும் வேண்டும் என கத்த ஆரம்பிக்க, வயிற்றுக்கு புல் போடும் வழியைத் தேடத் தொடங்கினேன். Visitor Center ஐ பூட்டிவிட்டு போயிருந்தார்கள். மெதுவாய் Mail road வந்து சேர்ந்தேன். மிகவும் அழகிய மரத்திலான ஒரு ‌ஹோட்டல் தென்பட என்னையறியாமலே கார் அங்கு போய் நிற்க காலையில் Visitor Center கண்ட இந்திய பெண்ணும் மற்றும் பல ரேஞ்சர்கள் வெளில் இருந்து பியர் குடித்துக் கொண்டிருந்தார்கள். அந்த இந்தியப் பெண்ணும் பியர் குடித்துக் கொண்டிருந்ததை மனம் ஏதோ ஏற்றுக் கொள்ள வில்லை.

உள்ளே போய் தங்க இடம் கேட்டேன். மன்னித்துக் கொள் ஒரு அறையும் இல்லை என்றாள் புன்னகையுடன். சாப்பாடாவது கிடைக்குமா என்றதற்கு மெனு காட்டை காட்டினாள். உருளைக்கிழங்கும், குளத்தில் பிடித்த trout மீனையும், மரக்கறியும் ஓடர் பண்ணி விட்டு வெளியில் வந்து ரேஞசர்களிடம் தங்க இடமுண்டா என்று விசாரித்தேன். அருகில் இல்லை 40 கி.மீ தூரம் காட்டுப் பாதையால் போனால் ஒரு ஹோட்டல் வரும் என்றார்கள். ஆனால் அந்த பாதையில் 30 கி.மீ தூரம் ஒடுங்கிய கிரவல் பாதை எனவும், அதிகம் மிருகங்கள் உலாவும் இடம் என்றும் கூறினார்கள். அதைக் கேட்டவுடன் எனக்குள் ஆர்வம் அதிகமாக சாப்பிட்டு விட்ட பிறகு அங்கு போக தீர்மானித்தேன். வழியில் ஏதும் பிரச்சனை எனின் காரிலேயே இரவுப் பொழுதை கடத்தலாம் என்றும் திட்டமிட்டுக் கொண்டேன்.

சும்மா சொல்லக் ‌கூடாது குளத்தில் பிடித்த trout மீனையும், மரக்கறியும் அபாரமான சுவையுடன் சமைத்திருந்தார்கள். உடம்பு அசதியில் மீன் முள்ளைத் தவிர எதையும் மிச்சம் விடாமல் ‌வயிற்றுக்கள் கொட்டிக் கொண்டேன். மேலதிகமாய் கறுப்பு கோப்பியும், apple pie, ice cream உம் வரவழைத்துக் கொண்டு குளிருக்காய் எரித்திருந்த ‌நெருப்பில் குளிர் காய்ந்து கொண்டே ருசித்து முடித்த போது நேரம் 8.30ஜ நெருங்கிக் கொண்டிருந்தது.

நவிகேசனை தட்டிவிட்டேன். அது தன்பாட்டில் வழியைக் காட்ட, மெதுவாய் ரேஞ்சர் சொன்ன கிரவல் பாதைக்குள் திருப்பினேன். ரேஞ்சர் சொன்னது போல கங்காருக்களும், டஸ்மானாயா டெவிலும் வழியை ஏதோ தங்கள் குத்தகைக்கு எடுத்த மாதிரி குறுக்கம் நெடுக்குமாய் பாய்ந்து கொண்டிருந்தன. திடீர் என ஒரு ‌ஜீப் மிக வேகமாய் கடந்து போயிற்று. அந்த ஜீப் என்னை கடந்ததும் வழியில் ‌ஒரு கங்காரு இரத்த வெள்ளத்தில் தனது இறுதி மூச்சை விட்டுக் கொண்டிருந்தது. அந்த ஜீப்காரன் கொஞ்சம் மெதுவாய் போயிருந்தால் அவுஸ்திரேலியாவுக்கு ஒரு கங்காரு மிச்சமாயிருந்திருக்கும்.

வழி நெடுகிலும் மிருகங்கள் முயல், கங்காரு, டஸ்மானியா டெவில் இன்னும் பெயர் தெரியாத விலங்குகள் என ஒரே மிருகங்களாய் இருந்தது. கிறவல் ரோட் என்பதால் கார் டயர் பஞ்சராகும் சந்தர்ப்பமும் அதிகம். எனவே 15 - 20 கி.மீ வேகத்திலேயே போய்க் கொண்டிருந்தேன். ஏறத்தாழ இரண்டு மணிநேரத்தின் பின் ரேஞ்சர் சொன்ன ஹோட்டல் வந்தது. புன்னகைத்தவளிடம் தங்க இடம் கேட்டு, விலை பேசி அறைக்குள் வந்த போது நேரம் 11 இருக்கும். சுடுததண்ணியில் அலுப்பு தீர முழுகி கட்டிலில் விழுந்தேன்.... கடந்து போன இனிமையான நாள் என்னை தாலாட்டி தூங்கவைத்துக் கொண்டிருந்தது.

டஸ்மானியாவை தவறவிட்டு விடாதீர்கள்...

சுற்றியவர்: சஞ்சயன்

ATBC வானொலிக் குடும்ப ஓன்றுகூடல் 2010

2010-02-08T19:56:00.012+11:00

அவுஸ்திரேலியாவில் தமிழ்ச்சமூகத்தின் பேராதரவுடன் இயங்கி வரும் 24 மணி நேர சமூக வானொலி அவுஸ்திரேலிய தமிழ் ஒலிபரப்புக் கூட்டுத்தாபனம் நேற்று பெப்ரவரி 7 ஆம் திகதி தனது வருடாந்த வானொலிக் குடும்ப ஒன்று கூடலை வெகு சிறப்பாக நடாத்தியது. வருடா வருடம் கண்ணுக்கும் செவிக்கும் விருந்தாகக் கலைநிகழ்ச்சிகளும், நாவுக்கு ருசியாக அறுசுவை உணவும் கலக்க இந்த நிகழ்வு, வானொலியின் பேராதரவு தரும் நேயர்களும் 70 க்கும் மேற்பட்ட அறிவிப்பாளர்கள, நிகழ்ச்சித்தயாரிப்பாளர்கள், தொண்டர்கள் உள்ளடங்கலாக நடைபெறுவது வழக்கம். கடந்த ஆண்டு ஈழத்தின் கொடூரமான போர்ச்சூழல் காரணமாக இந்த நிகழ்வு நடைபெறாமல் இருந்தது குறிப்பிடத்தக்கது.

கடந்த பெப்ரவரி 7 ஆம் திகதி Bowman Hall, Blacktown என்ற இடத்தில் மாலை 6.05 இற்கு ஆரம்பமாகி இரவு 10 மணி வரை அரங்கு நிறைந்த இருக்கைகளோடு சிட்னியின் மிகப்பிரமாண்டமான இலங்கை இந்திய மளிகைக்கடையான உதயா சுப்பர் மார்ட் ஸ்தாபனத்தாரின் பேராதாரவோடு அரங்கு நிறைந்த இருக்கைகளோடு இனிதே நடந்தேறியது.

இந்த நிகழ்வினை தமிழ் மூத்த குடிமக்களின் பிரதிநிதியாக திரு.நிக்கலஸ் இராஜநாயகம், மற்றும் அவுஸ்திரேலிய தமிழ் ஒலிபரப்புக் கூட்டுத்தாபனத்தின் ஆலோசகர் திரு. மகேசன் (வானொலி மாமா) ஆகியோர் மங்கல விளக்கேற்றி ஆரம்பித்து வைத்தார்கள். தொடர்ந்து இளையோர் சமூகத்தில் இருந்து தமிழ்தாய் வாழ்த்து, அவுஸ்திரேலிய தேசிய கீதம், அவுஸ்திரேலிய தமிழ் ஒலிபரப்புக் கூட்டுத்தாபனத்தின் பண் ஆகியவை பாடிச் சிறப்பிக்கப்பட்டன.

தாயகத்தில் போரால் கொல்லப்பட்ட இன்னுயிர்களை நினைவு கூர்ந்து இரண்டு நிமிடம் மெளன அஞ்சலியோடு முக்கிய நிகழ்வுகளுக்கு நகர்ந்தது. அவுஸ்திரேலிய தமிழ் ஒலிபரப்புக் கூட்டுத்தாபனத்தின் நிகழ்ச்சித் தயாரிப்பாளரும், சிட்னியின் பிரபல நடன ஆசிரியையுமான திருமதி கார்த்திகா கணேசரின் மாணவியர் புகழ் பெற்ற திரையிசை நடனங்களை ஜனரஞ்சகமாக வழங்கினர். அவை சிறப்பான நெறியாள்கையோடு கச்சிதமாகக் காண்போர் மனதைக் கவர்ந்தன.

வானொலியின் இயக்குனர்களில் ஒருவரான திரு ஈழலிங்கம் அவர்கள் சிறப்புரை ஆற்றினார்.

வானொலி நிகழ்வுகளில் முன்னோடியாக, அவுஸ்திரேலியத் தமிழ் ஒலிபரப்புக் கூட்டுத்தாபனத்தில் முழுமையாக ஒரு மணி நேர நிகழ்ச்சியாக "துளிர்" என்ற நிகழ்ச்சியைத் தயாரித்து வழங்கும் சிறுவர்கள் இந்த நிகழ்விலே துளிர் பொது அறிவுப் போட்டி ஒன்றை நடத்திப் பார்வையாளர்களை வியப்பில் ஆழ்த்தினார்கள். இந்த நாட்டில் பிறந்து தமிழ் கற்றும் வாழும் இப்பிள்ளைகள் முழுமையான தமிழ் அறிவிப்போடு, பார்வையாளர்களில் இருந்து தேர்வு செய்யப்பட்ட சிறார்களை இரண்டு பிரிவாக வைத்து, தமிழ் இலக்கியம், சினிமா, அறிவியல், புவியியல், விளையாட்டு என்று ஒவ்வொரு துறையிலும் கேள்விகளை இருபகுதிக்கும் கேட்டு நடாத்திய இந்தப் போட்டியினை வெகுவாக ரசித்ததோடு சரியான பதில்களை அவர்கள் சொல்லும் போது வயது வேறுபாடின்றிக் கைதட்டி ஆரவாரித்தனர் பார்வையாளர் சமூகம்.

அரங்கில் நிகழ்ச்சிகள் நடைபெற்றுக் கொண்டிருக்கும் போது நேயர்கள் குழுமியிருந்த மேசைகளில் மிக்சர், மென்பானங்கள் போன்றவை வழங்கப்பட்டுக் கொண்டிருந்தன. இந்தப் பணியிலும் வானொலி அபிமானிகள் தாமாக வந்து இணைந்து பங்கேற்றது சிறப்பு.

அவுஸ்திரேலிய தமிழ் ஒலிபரப்புக் கூட்டுத்தாபனத்தின் நிகழ்ச்சித் தயாரிப்பாளர்கள், அபிமானிகள் இணைந்த சிட்னி கானஸ்வரா இசைக்குழு பழைய, புதிய பாடல்களைப் பாடி ஆடவும் செய்து சிறப்பித்தது. வழக்கமாக இப்படியான பாடல் விருந்துகளுக்குக் கோளாறு பதிகம் படிக்கும் ஒலிவாங்கியும் கட்டுண்டு ஒத்துழைத்தது சிறப்பு. இந்த இடத்தில் நிகழ்வில் முழுமையாக வழங்கப்பட்ட சிறப்பான ஒலித்தரத்தையும் சொல்லி வைக்க வேண்டும்.

சிட்னி கலையகம் 1, சிட்னி கலையகம் 2, மெல்பேர்ண் கலையகம், ரொரொண்டோ கலையகம் என்று அரங்கின் நான்கு மூலைகளிலும் இரவு உணவு பரிமாறும் பகுதிகள் அமைக்கப்பட்டு இடியப்பத்தோடு சைவ அசைவ உணவுகளும் பரிமாறப்பட்டு பாயாசத்தோடு முற்றுப்புள்ளி வைக்கப்பட்டது.

உணவு பரிமாறும் வேளையில் அறிவுக்களஞ்சியம் என்ற பொது அறிவு வினாக்கொத்து வழங்கப்பட்டு நேயர்களின் மூளைக்கு வேலை கொடுக்கப்பட்டது. பெடியள் மொபைல் இன்ர நெட்டில் விடைகளைத் தேடிக் கண்டு பிடித்து எழுதியது சுவாரஸ்யம். தேமதுரத் தமிழோசை உலகமெலாம் பரவும் வகை செய்திடல் வேண்டும் என்று சொன்னவர் யார் என்று கேட்ட கேள்விக்கு யாரோ புண்ணியவான் "பாரதிராஜா" என்று எழுதிவைத்தார் (அவ்வ்வ்வ்)

நிகழ்ச்சிகளை திரு.நவரட்ணம் ரகுராம், மற்றும் திரு செல்லையா பாஸ்கரன் ஆகியோர் தொகுத்து வழங்க அரங்க அமைப்பை திரு சிவசம்பு பிரபாகரனும் நெறிப்படுத்தினார்.
இந்த ஒன்று கூடலின் நிர்வாகத் தயாரிப்பாளராக திரு அலேசியஸ் ஜெயச்சந்திராவும் பொறுப்பேற்றதோடு ஒவ்வொரு பணியிலும் வானொலி அறிவுப்பாளர்களும் தொண்டர்களும் நியமிக்கப்பட்டுத் தம் பணியைச் செவ்வனே செய்தார்கள். மெல்பன் கலையகத்தில் இருந்து நிகழ்ச்சித் தயாரிப்பாளர் திருமதி சாந்தினி புவனேந்திரராஜா அவர்களும் வந்து சிறப்பித்தார்.

இரவு உணவு இடைவேளைக்குப் பின் அமெரிக்கன் முறையிலான தரகு விற்பனை (American Auction) என்ற புதுமையான நிகழ்வை திரு மகேஸ்வரன் பிரபாகரன் நடத்தினார். அதில் வானொலிப்பெட்டி உள்ளடங்கலாக பெரும் விலைமதிப்புள்ள பொதி ஒன்றை இளைஞர் குழு சுவீகரித்தது.

நிறைவாக ஆனால் முத்தாய்ப்பாக, ஈழத்தின் பொப்பிசைப் பிதா "சின்ன மாமியே" புகழ் நித்தி கனகரத்தினம் தன் இனிய மலரும் நினைவுகளொடு தனக்கே உரிய கிண்டலுமாகக் கலந்து கட்டி வழங்கிய பொப்பிசை விருந்து பார்வையாளர்களை ஆட வைத்து அலங்கரித்தது. இன்னும் வேண்டும் வேண்டும் என்று அரங்கமே யாசிக்க, நேரக்கட்டுப்பாடு கருதி சரியாகப் பத்து மணிக்கு இந்த ஒன்று கூடல் நிறைவேறியது.

அரங்கம் நிறைந்த கூட்டம், மனம் நிறைய வெளியேறியது.
அப்ப நீர் என்ன செஞ்சனீர் எண்டு கேட்காதேங்கோ, நான் படங்கள் சுட்டுக் கொண்டிருந்தனான் ;-)

முழு ஆல்பத்தையும் பார்வையிட இங்கே கிளிக்குங்கோ

சிலைகளின் கதை

2010-01-30T09:55:00.011+11:00

நியு சவுத் வேல்ஸ் கலைக்கூடத்திற்கு (Art Gallery of NSW) முன்னால் இரண்டு நீலப் பெட்டிகள். இதற்கு முன் போனபோது அங்கு அவை இருக்கவில்லை. என்ன இருக்கிறதெனப் பார்க்க ஒவ்வொர் பெட்டிக்குள்ளும் போனேன்..

முதலாம் பெட்டிக்குள் ஒரு குதிரை அழிச்சாட்டியம் செய்து கொண்டிருந்தது!! அதன் மேலிருப்பவர் கண்டு கொள்வதாயில்லை.. ஒருவேளை குதிரையின் செயலைக் கண்டு சிலையாகிப் போனதாலயோ தெரியவில்லை :O).

கட்டிலில் ஏறும் குதிரை. அதன் கிட்டே போய்ப் பார்த்தேன்... சொல்வழி கேட்கிற குதிரை மாதிரித் தெரியவில்லை.

அடுத்த பெட்டிக்குள் போனேன்.. ஒரு வரவேற்பறை அமைக்கப்பட்டிருந்தது. நடுவில் ஒரு வட்ட மேசை; அதன் மேல் ஒரு கம்பை உயர்த்திப்பிடித்த மனிதனின் மார்பளவுச் சிலை. பக்கத்திலேயே ஒரு அலமாரி. அலமாரிக்குள் என்னவென்கிறீர்கள்? குதிரையொன்றின் தலை!! கட்டிலைக் கலைத்துப் போட்டதற்குத் தண்டனையோ!? பாருங்களேன்:
என்ன இது!! எப்படிச் சாத்தியம்?

இதெல்லாம் ஜப்பானியக் கலைஞர் டாட்சு நிஷி (Tatzu Nishi) என்பவரது மனவண்ணம். ஏலவே உள்ள சிலைகளைச் சுற்றிய சூழலை மாற்றி அவற்றை புதுக் கோணத்தில் காட்டுவது இவர் திறன். கலைக்கூடத்தின் முன் உள்ள இரண்டு சிலைகளையும் 'மாற்றி அமைத்தது'ம் இவரது ஒரு ப்ரொஜெக்ட். சிலைகள் அப்படியே இருக்க, அவற்றைச் சுற்றி ஒரு வரவேற்பறையும், குதிரைத் தலையைச் சுற்றி ஒரு அலமாரியையும் மட்டுமல்லாமல், இன்னோரு குதிரை ஏற வாகாக ஒரு கட்டிலையும் கூட அமைத்திருக்கிறார்கள். கல்டோர் கலைத்திட்டத்திற்காக டாட்சு நிஷி செய்திருக்கிறார்.

பரிச்சயமான ஆனால் தலைக்கு மேலே உயர்ந்து போவதில் மிக அருகில் பார்க்கமுடியாத சிலைகள் இவை இரண்டும். சிலைகளின் வழ்மையான தோற்றம் கீழே. சிலைகளைப் பற்றி இங்கே காணலாம்.

(சிலைகளுக்கான பட உதவி: New South Wales Art Gallery)

சிட்னியில் இருந்தால் அல்லது சிட்னிக்கு வந்தால் ஒரு முறை கிட்டப் போய்க் குதிரைகளைப் பாருங்களேன்..

ஜனவரி 26, 2010 அவுஸ்திரேலிய தினக் கொண்டாட்டங்கள்

2010-01-26T19:42:00.004+11:00

இன்று ஜனவரி 26, அவுஸ்திரேலியர்களுக்கு பொதுவான ஒரு தினமாக அவுஸ்திரேலிய தினம் கொண்டாடப்படுகின்றது. இன்றைய நாள் இந்த நாட்டில் பிரித்தானியக் குடியேற்றவாசிகள் இங்கு குடியோறிய நாளை நினைவு கூர்ந்து வருடா வருடம் கொண்டாடப்படுகின்றது. பொது விடுமுறை நாளாக அறிவிக்கப்பட்டு அதிகாலை முதல் பொழுது சாயும் வரை பிரார்த்தனைகள், ஆட்டம் பாட்டம் கொண்டாட்டமாக இந்த நிகழ்வு கொண்டாடப்படுவது வழக்கக். இன்று காலை சிட்னியின் டார்லிங் ஹாபர் துறைமுகத்தை ஒட்டிய சதுக்கத்தில் நடைபெற்ற நிகழ்வுகளைக் காணச் சென்றிருந்தேன். 99% மான வெள்ளையர்கள் நிறைக்க ஆங்காங்கே சீன, இந்திய முகங்கள் ஒன்றிரண்டு தென்பட்டன. மற்றவர்கள் பலருக்கு வேட்டைக்காரன், 3 Idiots, சன் டிவியின் தொடர் நாடகங்களை பார்ப்பதற்கான இன்னொரு விடுமுறை நாள் என்பது குறிப்பிடத்தக்கது. வந்த நாட்டின் நிகழ்வுகளில் ஒட்டாமல் வாழும் எம்மவர் நிலை என்று மாறுமோ.

NAN TIEN TEMPLE

2010-01-01T23:12:00.024+11:00

சிட்னியில் இருந்து சுமார் 100 மைல் தொலைவில் (ஒரு மணி நேர பயணம்)அமைந்திருக்கிறது NAN TIEN பெளத்த கோயில்.பெரும் நிலப்பரப்பில் சிறப்பான பராமரிப்போடு சகல சமயத்தவருக்குமாக ஒவ்வொரு நாளும் காலை 9 மணியில் இருந்து மாலை 5 மணி வரை திறந்திருக்கிறது இக்கோயில்.வாருங்கள் அக் கோயிலுக்குப் பயணிப்போம்.
சிட்னி நகரில் இருந்து கோயிலுக்குப் போகும் பாதை இது.

ஆலயத்துக்கு அருகாக நெருங்கும் போதே பெளத்த கோயிலுக்குக் கோபுரம் போலத் தெரியும் பகோடா(pagoda) கண்ணுக்குத் தெரியத் தொடங்கும்.கிட்ட நெருங்க நெருங்க ஆர்வம் பெருக ஆரம்பிக்கும்.அவ் ஆலயத்துக்குரிய ஆலய முகப்பு இது.

சற்று உள்ளே செல்ல முகப்பில் கருணையும் சாந்தமும் பொலிய அன்போடும் புன் முறுவலோடும் அமர்ந்திருக்கும் புத்தரை தரிசிக்கலாம்.

இது தான் தூரத்திலேயே தெரியத் தொடங்கும் பகோடா.

இது அதன் கிட்டிய தோற்றம்.8 மாடிகளைக் கொண்ட பகோடாவை அடைந்ததும் புத்தரை வழிபட்டு அதன் வலக்கைப் பக்கமாகச் சிறப்பாகப் பராமரிக்கப் படும்; மட்டமாகவும் சீராகவும் வெட்டி விடப்பட்ட மதில் போல வளர்ந்திருக்கும் புல் மதில் சூழ்ந்த படிக்கட்டினால் நடந்து சென்றால் பகோடாவின் பின் புறத்தை அடையலாம். மேல் மாடிகளுக்குச் செல்ல அனுமதி இல்லை.ஆனால் ஒரு சுற்று சுற்றி வரலாம்.பளீச்சென்ற சுத்தமும் அமைதியையும் நீங்கள் எங்கும் காணலாம்.

அவற்றுக்கு அப்பால் உயரமான மேட்டு நிலத்தில் அமைந்திருக்கிறது ஆலய மணி.மேலே உள்ள படம் அதன் தோற்றத்தைக் காட்டுகிறது.மிகப் பெரும் அளவில் அமைந்திருக்கும் இம்மணியை பெரும் மூங்கில் குளாய் போன்ற ஒரு அமைப்பினை உடைய களியினால் அசைத்து மணியில் முட்டச் செய்வதன் மூலம் ஓசை எழுப்பப் படுகிறது.

ஒரு முறை நீங்கள் அதனை மணியில் தட்டச் செய்வதன் மூலம் அதன் உள்ளே கேட்கும் இனிய ரீங்காரத்தை கிட்டத் தட்ட 2, 3 நிமிடங்களுக்கு கேட்கக் கூடியதாக இருக்கிறது. அதன் இனிய ஓசை இந்து, பெளத்த தேவாலயங்களின் மணியோசையிலிருந்து வேறுபட்டதாகவும் இனிய துல்லிய ஓசையை கொண்டதாகவும் இருக்கிறது.

அது வெட்ட வெளி ஒன்றில் அமைந்திருப்பதால் அம்மணியின் ஓசை அவ்வாலயப் பரப்பெங்கும் துல்லியமாகக் கேட்கக் கூடியதாக இருக்கிறது.கீழே உள்ள படம் மணி உள்ள இடத்திலிருந்து ஆலயத்தின் பின் புறத்தைக் காட்டுகிறது.

இது ஆலயத்தின் இன்னொரு கட்டிடம்.

இது அதன் இன்னொரு தோற்றம். மிக அழகும் சுத்தமும் சாந்தமும் சிறப்பான பராமரிப்பும் கொண்ட ஒரு இடம் இது.

இது அதன் அருகாக இருக்கும் அடுத்த கட்டிடம். எல்லா இடத்திலும் புத்தரே பல்வேறு தோற்றங்களில் அமர்ந்திருக்கிறார்.உள்ளே செல்ல அனுமதி எல்லோருக்கும் இருக்கிறது.உள்ளே கட்டிடம் மூன்று பகுதிகளாகப் பிரிக்கப் பட்டிருக்கிறது. நடுவில் புத்த பகவானும் இடது கைப்புறம் உள்ள பகுதி தியான மண்டபமாகவும் வலது கைப்பக்கம் உள்ள பகுதி வேண்டுதலை நிறைவேற்றும் இடமாகவும் இருக்கிறது.

இங்கிருக்கிற புத்தர் உருவச் சிலைகள் இலங்கையின் கருணையும் அன்பும் சாந்தமும் கொண்ட புத்த சிலைகளை நினைவூட்டுகின்றன.இப்பெரும் சிலைகளின் பின் புறம் பல ஆயிரக் கணக்கான சிறு சிறு புத்தர் சிலைகள் உள்ளன.எல்லா இடத்திலும் பிரார்த்தனைக்கு வசதிகள் செய்யப்பட்டுள்ளன.

இந்துக்களின் கோயிலில் நந்தி சிலை இருப்பது போல் சந்தோசம் நிரம்பிய மரத்தில் கடந்தெடுக்கப்பட்ட படுத்திருக்கும் இப்புத்தர் சிலை மிகக் கலை நயத்தோடு முன்னால் இருக்கிறது.

இது அங்கிருந்த அருங்காட்சியகத்தில் வைக்கப் பட்டிருந்த மரத்தில் கலை நுட்பத்தோடு உருவாக்கப் பட்டிருக்கும் இன்னொரு கலைப் படைப்பு.

இது இவ்வாலயத்தின் பின் புறத் தோற்றம்.

இது ஆலயக் கட்டிடம் ஒன்றின் மூலைப் பக்கம். இங்கு இந்த இடத்தில் சிறப்பாக உடனுக்குடன் தயாரித்து வழங்கப்படும் தேநீர் சாலையும் உணவு விடுதியும் இருக்கிறது. எப்போதும் மக்களால் நிரம்பி இருக்கிறது இவ்விடம்.இடப் பற்றாக் குறையும் நீண்ட வரிசையும் எப்போதும் இங்கு இருக்கிறது. ஆனாலும் பணிவோடும் புன் முறுவலோடும் பொறுமையோடும் வேலை செய்யும் பெளத்த இளம் பெண்கள் மிக அழகாக வருபவர்களை உபசரிக்கிறார்கள்.சீன மக்களின் உபசரிப்புப் பண்பையும் பணிவையும் இங்கு காணலாம்.

உள்ளும் வெளியிலுமாக ஆசனங்கள் போடப் பட்டிருக்கின்றன. உட் புறம் இயற்கையான வகையில் மரங்களால் பொழியப்பட்ட சாதனங்களால் எளிமையாக அலங்கரிக்கப் பட்டிருக்கிறது.சீனக் கட்டிடக் கலையின் வனப்பையும் இங்கு காணலாம்.அவர்களின் கட்டிடக் கலையின் சிறப்பம்சம் கூரையின் மூலைப் பக்கம் சற்று உயர்வான தன்மையைக் கொண்டிருப்பதாகும். இங்கும் அதன் அழகைக் காணலாம்.

தாமரைக் குளமும் மூங்கில் காடும் நிழல் தரு மரங்களும் கருங்கல் இருக்கைகளும் சீமேந்தால் செய்யப்பட்ட மிகத் திருத்தமான முக அமைப்பைக் கொண்ட சிலைகளும் உள்ள இவ்விடத்தில் விரிவுரை மட்டபம், தியான மண்டபம், நூலகம்,அருங்காட்சியகம்,தங்கும் விடுதி,கேட்போர் கூடம்,உணவுக்கூடம், விற்பனை நிலையம், வரவேற்புக் கூடம் என்று சகல வசதிகளும் ரம்மியமும் நிரம்பிய இடமாக இக்கோயில் அமைந்திருக்கிறது.

சென்ற வருட முற்பகுதியில் நான் சென்றிருந்த போது அங்கிருந்த கல்வி நிலையத்தில் ஒரு சீன பெளத்தரின் புகைப்படக் கண்காட்சி நடை பெற்றுக் கொண்டிருந்தது."மனிதம்" என்ற தலைப்பில் அவரது வாழ் நாள் சேகரிப்புகள் மிகக் கலைத்துவத்தோடு பார்வைக்கு வைக்கப் பட்டிருந்தன.சகல இன மக்களிடமும் மிக அபூர்வமாக வெளிப்படும் மனிதத் தன்மையை அந்த மனிதர் தன் கமராவுக்குள் சிக்க வைத்திருந்தார். குறிப்பாக ஈழத்து ஏழைத் தமிழ் தந்தை ஒருவர் ஒரு காலை இழந்த தோற்றத்தோடு நிற்க அந்த முடமான காலை உரிமையோடும் பாசத்தோடும் ஒரு விதமான பெருமையோடும் பற்றியபடி நின்ற ஒரு சிறுவனின் உணர்வுகளை அம்மனிதர் கமராவுக்குள் சிறைப்படுத்தி இருந்த விதம் மறக்க முடியாததாக இப்போதும் இருக்கிறது.

என் தோழி ஒருவர் போன போது ஒரு இசை நிகழ்ச்சி நடை பெற்றதாகக் கூறினார்.இயற்கை, ரம்மியம், அமைதி, கலைத்துவம் இவற்றைக் காண, ரசிக்க விரும்புபவர்கள் அவர்களின் இணையப் பக்கத்தை ஒரு முறை பார்த்து விட்டுப் போனால் மேலும் பயன் பெறலாம்.

தெய்வீக வாசனையும் அமைதியும் தவளும் இவ்விடம் ரம்யமான சூழலால் மேலும் மெருகு பெறுகிறது. சுத்தமும் சிறப்பான பராமரிப்பும் மலைப்பாங்கான சூழைலில் அதன் அமைவிடமும் மேலும் அந்த இடத்துக்கு தெய்வீக அம்சத்தைத் தருகின்றன.

சிட்னியின் அவசர வாழ்க்கையில் சிக்கிக் கொண்டவர்கள் சலசலப்பையும் சத்தத்தையும் சற்றே தவிர்க்க விரும்புபவர்கள் அமைதியாக எங்கேனும் ஒரு நாளில் சென்று வர இக் கோயில் நல்ல இடம்.

ஆலய முகவரி;
Bekeley Road,
Berkeley,
N.S.W.2506. தொலைபேசி இலக்கம்;42720600

email; info@nantien.org.au
web; www.nantien.com

சிட்னியின் சிறீமாவே வருக, நல்லாட்சி தருக!

2009-12-04T19:48:00.007+11:00

அவுஸ்திரேலிய மாநிலங்களை Premier என்று சொல்லப்படும் முதலமைச்சர்களால் ஆளப்படுவது வழக்கம். தற்போது மத்திய ஆட்சிக்கட்டிலில் இருக்கும் தொழிற் கட்சி (Labour) மேற்கு அவுஸ்திரேலியா தவிர்ந்த மற்றைய ஐந்து அவுஸ்திரேலிய மாநிலங்களின் ஆட்சிப் பொறுப்பில் இருக்கும் கட்சியும் இந்த தொழிற் கட்சியே என்பது கூடுதல் தகவல். அதில் குறிப்பாக அவுஸ்திரேலியாவில் சனத்தொகை பரம்பல் அதிகம் உள்ள மாநிலமான நியூசவுத் வேல்ஸ் மாநிலத்தின் ஆட்சியை கடந்த பத்தாண்டுகளுக்கு மேலாகக் கோரப்பிடியில் வைத்திருக்கிறது இந்த தொழிற்கட்சி. அப்ப சிட்னி எங்கேய்யா என்று கூ காட்டுபவர்களுக்காக, சிட்னி தான் நியூசவுத்வேல்ஸ் மாநிலத் தலைநகராக இருக்கின்றது.

1995 ஆம் ஆண்டில் பொப் கார் (Bob CARR) என்பவர் தொடக்கி வச்சாலும் வச்சார். 14 வருஷங்களாகத் தொடர்ந்து கேட்க நாதியில்லாத தனிக்காட்டு ராஜாவாக தொழிற்கட்சியே இருந்து வருகின்றது. ஆசிய நாட்டவர்களின் பரம்பல் அதிகமாக இருக்கும் இடங்களில் எல்லாம் தொழிற் கட்சி தான் எம்.ஜி.ஆர் ரேஞ்சில் இருக்கும். ஏனென்றால் முக்கிய எதிர்க்கட்சியான லிபரலுக்கு வெள்ளைத் தோல் மோகம் இருப்பதாக ஏனோ ஒரு உணர்வை அவர்களும் காட்டிக் கொள்வார்கள், பொது ஜனமும் அப்படியே எடுத்துக் கொள்வார்கள். பொப் கார் பன்னிரண்டு வருஷங்கள் தொடர்ந்து நியூசவுத் வேல்ஸ் மாநில முதல்வராக இருந்து, அலுத்துப் போய் இனி வேண்டாம் இந்தப் பதவி என்று தானாகவே இராஜிமா செய்ய (இவ்வளவுக்கும் அவருக்கு வயசு 84 கூட இருக்காது என்றால் பார்த்துக் கொள்ளுங்களேன்)முன்வந்தார். அதற்கு அவர் சொன்ன ஜீஜீபி காரணம் என்ன தெரியுமா, முதல்வராக இருந்தால் குடும்பத்தோடு நேரத்தைச் செலவழிக்க வழியில்லை, இதெல்லாம் ஒரு காரணமா அவனவன் கொடநாடுக்கு ரெஸ்ட் எடுத்துக் கொண்டு ஒரு பக்கமும், இன்னொருபக்கம் சினிமா விருது நிகழ்ச்சிகளை பெப்சி, கோக் என்று நாளாந்தம் ஒவ்வொரு அமைப்புக்களுக்காகவும் நடத்திக் கொண்டு எல்லாம் அரசியல் செய்யலாமே என்று நீங்கள் கேட்பது புரியுதய்யா.

பொப் கார் விட்ட முதல்வர் பதவியை அடித்துப் பிடித்துக் யம்மா யாம்மா என்று கையில் ஏந்தினார் மொரிஸ் எம்மா Morris IEMMA. அவர் முதல் நாள் முதல்வராக வந்த சம்பிரதாய பேச்சிலேயே எனக்கு குடும்பம் முக்கியம், வார இறுதி நாட்களில் எல்லாம் வேலை செய்யமாட்டேன் என்று அதிரடியாக அறிவித்து மூன்று வருஷம் ஆட்சியில் இருந்தார். இடையில் ஒரு தேர்தலைச் சந்தித்தும் அதிலும் வெற்றியீட்டி நானெல்லாம் ஓ.பன்னீர்ச் செல்வம் இல்லைப்பா என்று நிரூபித்தார். ஆனாலும் சனி மாற்றம் இவரை விட்டால் தானே. மின்சார இலாகாவை தனியார் மயப்படுத்த வேண்டும் என்ற இவரது தீர்மானத்துக்கு கட்சிக்குள்ளேயே ஏகப்பட்ட குத்துப்பாடு. தொடர்ந்த இவரது அமைச்சரை மாற்றங்களையும் அதிருப்தியோடு கவனித்தது கட்சி. கடைசியில் நமக்கு நாமே ஆப்பு என்று இராஜினாமா செய்து விட்டார் கூடவே இவரது அமைச்சர்கள் சிலரும் அரசியலில் இருந்து ஒதுங்கிக் கொண்டார்கள்.

எம்மா இராஜினாமா செய்ய பழம் நழுவி நேதன் ரீஸ் (Nathan Rees) கையில் விழுந்தது. ரீஸ் ஐ பார்த்தால் ஜேம்ஸ் பொண்ட் படங்களின் கதாநாயகன் கணாக்காய் இருப்பார். அவரின் வழைவு நெழிவான ஆங்கில உச்சரிப்பை அவரே மீண்டும் கேட்டால் கஷ்டமா இருக்கும். 15 மாதங்கள் தான் இவருக்குக் கொடுப்பினை. நியூசவுத்வேல்ஸ் மாநில வரலாற்றிலேயே தேர்தலைச் சந்திக்காக மன்மோகன் சிங் இவர் தான். ஆமாம் [பிரதமர் தேர்தலால் தேர்ந்தெடுக்கப்படாமலேயே வந்தவருக்கும் அல்ப ஆயுசு தான். கட்சிக்குள் இவருக்கு ஏகப்பட்ட எதிரிகள். ஒரு உறைக்குள்ளேயே ஏகப்பட்ட வாள்களை வச்சு என்ன செய்ய. கடந்த டிசம்பர் 3 ஆம் திகதி கட்சி கூடியது. திட்ட அமைச்சராக இருந்த Kristina Keneally 47 வாக்குகளால் ரீஸ் ஐ வீட்டுக்கு அனுப்பி விட்டார்.

இன்று முதல் எங்கட ஊருக்கு புது சிறீமா பண்டாரநாயக்கா, என்ன விளங்கவில்லையா. நியூசவுத் வேல்ஸ் மாநிலத்தின் முதல் பெண் பிரதமராக வந்திருக்கிறார் இந்த கிறிஸ்ரினா கெனெல்லி. அமெரிக்க அப்பா, அவுஸ்திரேலிய அம்மா என்ற நதிமூலம் கொண்ட இவர் அமெரிக்காவிலேயே அதிக காலம் வாழ்ந்து கழித்தவர்.

இன்று இவரது அறிமுகக் கூட்டங்களில் எல்லாம் ஏகத்தும் பவ்ய(பம்மி)மாகப் பேசி மக்கள் மனதை ஒரே நாளில் கொள்ளை அடிக்க முனைந்தார் என்பதை தொலைக்காட்சியைப் பார்த்ததும் தெரிந்து கொண்டது. இதுவரை காலமும் அரசியல்வாதியை கொஞ்சம் மிடுக்காகப் பார்த்துப் பழகிய கண்களுக்கு Human Resources Director மாதிரி பதுமையாக இவர் பேசும் ஆளுமை எவ்வளவு தூரம் எதிர்க்கட்சியோடு நிண்டு பிடிக்கப் போகிறது என்பது ஜிம் இல் இருந்து ரிவி பார்க்கிறவையில் இருந்து டோல் (அரச உதவிப்பணம்) இல் இருந்து பார்க்கிறவை வரை கேட்கும் கேள்வி. 2003 ஆம் ஆண்டில் தான் இவர் அரசியலிலேயே ஒரு மக்களால் தேர்ந்தெடுக்கப்பட்ட பிரதிநிதியாக வந்தார். நாற்பது வயதில் பிரதமர் யோகம் அடிக்கும் என்று இவர் சத்தியமாக நினைத்திருக்க மாட்டார்.

கிறிஸ்ரினாவிடம் என்ன எதிர்பார்க்கிறீர்கள் என்று தொலைக்காட்சிகள் பொதுஜனங்களின் வாய்க்குள் மைக்கை நுழைத்துக் கேட்டால் "காலை வேளைகளில் ரயிலில் ஒரே கூட்டமா இருக்கு, பெருந்தெருக்களிலும் ஒரே நெரிசல்" என்று தான் சொல்லி வைத்தால் போலச் சொல்லுகிறார்கள். (இலங்கையில் இருக்கிறவை தயவு செய்து இதையெல்லாம் கேட்டு ரத்த அழுத்தம் எகிறாமப் பார்த்துக் கொள்ளுங்கோ, எங்களுக்கு சாப்பாடுக்கே வழியில்லை கார் போற வழியைக் கேட்கினமாம்)

கிறிஸ்ரினாவின் வருகையை ஆவலோடு எதிர்பார்த்துக் காத்துக் கிடக்கிறது எதிர்க்கட்சி. அடுத்த வருஷம் மாநிலப் பொதுத் தேர்தல் வரவிருக்கிறது. இவ்வளவு நாளும் தனிக்காட்டு ராசாவாக இருந்த தொழிற்கட்சியை லிபரல் விரட்டுமா அல்லது அதுக்கு முன்னரேயே கிறிஸ்ரினா போய் விடுவாரா என்று காலம் தான் பதில் சொல்லும்.

ஆரம்பம் எல்லாம் நல்லாத் தான் இருக்கு ஆனா....

சிட்னி வந்தால் "Jenolan Caves" போங்கோ

2009-11-29T21:26:00.008+11:00

சிட்னிக்கு அலுவலக விஷயமாக வருபவர்களோ அல்லது சுற்றுலாவுக்காக வருபவர்களோ என்னிடம் அடிக்கடி கேட்கும் கேள்வி இதுதான். "சிட்னியில் சுற்றிப் பார்க்க உருப்படியான இடம் எது?, வெறும் பீச் இற்கு மட்டும் தான் போகவேண்டியிருக்கே" என்று சலிப்பார்கள். அவர்களுக்கு நான் முதலில் கைகாட்டி விடும் இடம் இந்த "Jenolan Caves".

பொதுவாகவே ஆதிவாசிகள் என்றால் இயற்கையின் சீற்றத்தில் இருந்து தம்மைப் பாதுகாத்துக் கொள்ள குகைகளை நாடுவார்கள். அப்படியாக முன்னொரு காலத்தில் அவுஸ்திரேலியாவின் ஆதிக்குடிகளான Aborigines வாழ்விடமாக Jenolan Caves என்ற குகைகளே இருந்து வந்திருக்கின்றன. ஐரோப்பியர்களின் கண்ணில் பட்ட கங்காரு தேசம் நாளடைவில் அவர்களின் கழுகுக் கண்களில் இருந்து இந்தக் குகைகளும் தப்பி விடவில்லை. James Whalan என்ற உள்ளூர் குடியானவரின் பார்வையில் தான் இந்தக் குகைகள் முதலில் கண்டுபிடிக்கப்பட்டன. அந்த வருஷம் 1838 ஆம் ஆண்டு என்று கொள்ளப்படுகின்றது.

James Whalan மற்றும் Charles இன் முயற்சியால் இந்தப் பகுதியில் இருந்த பல குகைகள் கண்டுபிடிக்கப்பட்டு நாளடைவில் அவை முக்கியமான சுற்றுலாத் தலங்களாக மாற்றப்பட்டிருக்கின்றன. இன்று நாளாந்தம் நூற்றுக்கணக்கானோர் செல்லும் இடமாக இந்த "Jenolan Caves" மாறி விட்டது.

இந்த "Jenolan Caves" பகுதியில் உள்ள ஒரு ஹோட்டலில் தங்கி ஓய்வெடுத்து ஒவ்வொரு குகைகளாகப் பார்ப்போரும் உண்டு. ஆனால் ஏதாவது ஒரு நல்ல குகையைத் தேர்ந்தெடுத்துப் பார்த்தாலே போதுமானது. ஒவ்வொரு குகைகளைப் பார்ப்பதற்கும் தனித்தனிக் கட்டணங்கள் அறவிடப்படுகின்றன. இவை பெரியவர்களுக்கு 27 அவுஸ்திரேலிய டொலர்களில் இருந்து ஒவ்வொரு குகையின் தன்மையைப் பொறுத்து வேறுபடுகின்றது. முழுமையான விபரங்களைப் பெற்றுக் கொள்ள இங்கே செல்லுங்கள்.

ஒவ்வொரு குகைகளைப் பார்ப்பதற்கும் ஒவ்வொரு நேரங்கள் குறிக்கப்பட்டிருக்கின்றன. பேய்கள் உலாவும் குகை கூட இருக்கிறதாம். கிடுகிடுகிடுகிடு
எந்தக் குகைக்குப் பயணிக்க வேண்டும் என்று நுளைவுச் சீட்டை வாங்கியிருக்கிறீர்களோ அந்தக் குகை முகப்பிற்குச் செல்ல வேண்டும். பின்னர் அந்தக் குகையைச் சுற்றிக்காட்ட நியமிக்கப்பட்டிருக்கும் வழிகாட்டி ஒருவர் வந்தது, குறித்த குகையின் பெருமையைச் சிலாகித்துப் பேசி விட்டு எல்லோரையும் உள்ளே அழைத்துச் சென்று ஒவ்வொரு இடமாக விளக்கம் சொல்லிக் காட்டுவார். கிட்டத்தட்ட 45 நிமிட நேரம் இந்தக் குகைப் பயணம் இருக்கும். கரடு முரடான பாதையாக மேலும் கீழும் ஏறி இறங்கும் பயணமாக இருந்தாலும் களைப்பே தெரியாத அளவுக்கு உள்ளே லேசான குளிரோடு இயற்கை செதுக்கி வைத்த நவீன காலச் சிற்பங்களாய் பவளப்பாறைகள் ஒவ்வொன்றும் தென்படும் காட்சிகளைக் காணும் போது உள்ளத்தில் உவகை வந்து சேரும். சில பகுதிகளில் வண்ண வண்ண விளக்குகளை இட்டு அலங்கரித்திருக்கின்றார்கள். இந்தக் குகைகளில் ஏதாவது ஒன்றைத் தேர்ந்தெடுத்து அதற்குள் திருமணம் முடிக்க வேண்டும் என்று மல்லுக்கட்டுபவர்களுக்கும் வசதிகள் செய்து தரப்பட்டிருக்கின்றன.

சுற்றுலா முடித்து வெளியில் வந்தால் பசி எடுக்கிறதா, அங்கேயே நல்ல உணவகமும் உண்டு. கூடவே "Jenolan Caves" இற்கு வந்து போனதன் ஞாபகமாக வாங்கி வைக்க ஞாபகச் சின்னங்களை விற்கும் கடையும் உண்டு.

Blue Mountains என்ற இன்னொரு முக்கிய சுற்றுலா மையத்துக்கு அருகைமையிலேயே இந்த இடம் இருப்பது இன்னொரு வசதியான அம்சமாகும். நாளாந்தம் சுற்றுலாப் பயணிகளை இந்த இடங்களுக்கு ஏற்றிச் செல்லும் Sydney Explorer பஸ் வசதியும் செய்யப்பட்டிருக்கின்றது. இந்த இடத்திற்கு நேரடியான புகையிரதச் சேவை கிடையாது. சொந்த வாகனத்தில் வருபவர்களும் தாராளமாகப் பயணிக்கலாம். குறுகலான பாதையாக மலையைச் சுற்றுச் சுற்றி மேல் முகட்டுக்கு வருவதற்குள் ஒவ்வாமையால் வாந்தி/சத்தி வருபவர்களும் உண்டு. இன்னொரு விஷயம், இந்த இடத்துக்கு சொந்த வாகனத்தில் பயணிக்கும் போது வாகனத்தில் தாராளமாக எரிபொருள் உள்ளதா எனச் சரி பார்த்த பின்னரே பயணப்படுங்கள். காரணம், இந்த இடத்துக்குப் பயணிக்கும் கிட்டத்தட்ட 45 நிமிட சுற்று வட்டாரத்தில் எரிபொருள் நிரப்பு நிலையங்களைக் காணக்கிடைப்பதே அபூர்வம். ஒண்ணே ஒண்ணு கண்ணே கண்ணு என்று மலையின் இடையில் இருந்த ஒரு எரிபொருள் நிரப்பு நிலையமும் போன தடவை போனபோது இழுத்து மூடப்பட்டிருந்தது.
ஒகே, சிட்னி வந்தால் "Jenolan Caves" போங்கோ, போயிட்டு வந்து அனுபவத்தைச் சொல்லுங்கோ

"Vegemite" சொல்லித் தந்த வியாபாரப் பாடம்

2009-10-04T22:43:00.010+11:00

எந்த ஒரு கண்டுபிடிப்புக்கும் பின்னால் ஒரு சுவாரஸ்யமான செய்தி இருக்கும். "ஒருவாசல் மூடி மறு வாசல் வைப்பான் இறைவன்" என்று ஒரு பிரபலமான பாடலே சொல்லி வைத்திருக்கின்றது. இது எதற்கெல்லாம் பொருந்தவில்லையோ ஆனால் Vegemite என்ற உணவுப்பதார்த்தம் வந்த கதைக்குத் தாராளமாகப் பொருந்தும் வண்ணம் அதன் வரலாறு அமைகின்றது.

Marmite என்பது உலகறிந்த உணவுசேர்க்கைப் பதார்த்தமாக விளங்கிய காலத்தில் இதனை அவுஸ்திரேலிய நுகர்வோரும் பயன்படுத்தும் விதமாக இதன் மூல உற்பத்தி நடைபெறும் நியூசிலாந்து நாட்டில் இருந்து இறக்குமதி செய்து விநியோகித்து வந்தார்கள். ஆனால் முதலாம் உலகப்போர் ஆரம்பிக்கவும், கப்பல் மூலமான இறக்குமதி விநியோகம் தடைப்பட்டது. அதுவரை மார்மைட் (Marmite) சுவையில் ருசிகண்ட பூனைகளாக இருந்த நுகர்வோருக்கோ படுதிண்டாட்டமாக அமைந்து விட்டது இந்தப் பொருள் மீதான இறக்குமதி நெருக்கடி.

எப்போதுமே அந்த நேரத்தில் அமையும் சந்தர்ப்பத்தை தனக்குச் சாதகமாக அமைப்பவன் வெற்றியடைகின்றான் என்பதை Fred Walker & Company இற்கும் தாராளமாகக் கொடுத்துக் கொள்ளலாம் போல. இல்லையென்றால் இந்த மார்மைட் விவகாரத்தை ஒரு நேர்மறையான எண்ணத்தோடு சிந்தித்துச் செயற்ப்பட்ட அந்த நிறுவனத்தை என்னவென்று சொல்வது. Fred Walker என்பவர் தனது Fred Walker & Company மூலம் ஏற்றுமதி இறக்குமதி வாணிபத்தினை அவுஸ்திரேலியாவில் இருந்து ஆசிய தென் ஆபிரிக்க நாடுகளுக்கும் ஏற்படுத்திச் செயற்பட்டு வந்தவர். இந்த நிறுவனம் உணவுப் பொருட்களை மையப்படுத்தி குறிப்பாக பட்டர், சீஸ், தகரத்தில் அடைக்கப்பட்ட மாமிச உணவுப் பொருட்களோடு சம்பந்தப்பட்டதான வணிகமாக அது விளங்கியது. அக்காலகட்டத்தில் Fred Walker அவுஸ்திரேலிய இராணுவத்திலும் இணைந்து செயற்பட்டு கப்டன் பதவியில் இருந்தவர் என்பதும் குறிப்பிடத்தக்கது. ஆரம்பத்தில் மெல்பன் நகரில் இருந்து செயற்பட்டு பின்னர் சிட்னி, அடலெயிட் ஆகிய அவுஸ்திரேலியாவின் பிற நகர்களிலும் கூடவே பக்கத்து நாடான நியூசிலாந்திலும் அமைத்துக் கொண்டது Fred Walker & Company . இந்த நிறுவனம் அகலக் கால் வைக்கவும், முதலாம் உலகப் போரின் கொடூர விளைவுகளில் ஒன்றாக கப்பல் மூலமான இறக்குமதி, ஏற்றுமதி வாணிபமும் தடைப்பட்டது.

முன் சொன்ன மார்மைட் போன்ற பொருட்கள் இனி அவுஸ்திரேலியாவுக்கு வலது/இடது காலை வைக்கவே முடியாது போல என்றெண்ணிய Fred Walker வுக்கு அப்போது தோன்றிய யோசனை தான் அந்த நிறுவனத்தைக் காலாகாலமும் நினைக்க வைக்கும் அளவுக்கு அமைந்து விட்டது. உணவுத்துறையில் அன்றைய காலகட்டத்தில் பிரசித்தி பெற்ற ஆராய்ச்சியாளரனா டாக்டர் சிரில் பி. கலிஸ்ரர் ( Cyril P. Callister ) என்ற விஞ்ஞானிக்கு Fred Walker & Company மூலம் ஒரு பொறுப்பு ஒப்படைக்கப்படுகின்றது. அதுதான் இந்த மார்மைட் இற்குப் பதிலீடாக இன்னொரு பொருளை கண்டுபிடிக்க வேண்டும் என்பது. சில மாதங்கள் நீடித்த டாக்டர் சிரிலின் ஆராய்ச்சியின் விளைவாகப் பிறந்தது ஒரு பதார்த்தம். 1922 ஆம் ஆண்டில் வந்துதித்த அந்தக் கண்டிபிடிப்பை அது 'முழுமையான, பரிசுத்தமான சைவப்பதார்த்தங்களின் கலவை" என்று மட்டும் தான் டாக்டர் சிரிலால் சொல்ல முடிந்தது. வைட்டமின் B சார்ந்த Yeast extract என்ற பதார்த்தத்தின் வெளிப்பாடாகவே இந்த உணவுக் கலவை அமைந்தது.

ஒரு பதிலீட்டுப் பொருளையையோ, போட்டிப் பொருளையோ கண்டு பிடிப்பதை விடச் சிக்கல் மிகுந்தது அந்தப் பொருள் நுகர்வோர் வசம் ஈர்க்கப்படுவதற்கு அமைய வேண்டிய நச் என்ற பெயர். அந்த விஷயத்திலும் Fred Walker & Company ஒரு புதுமை செய்தது. அவுஸ்திரேலியர்களிடம் "இப்படி ஒரு உணவுப் பதார்த்தம் கொண்டு வந்திருக்கிறோம், இந்தப் பொருளுக்குத் தகுந்த பெயர் சூட்டும் பரிந்துரைகளில் இறுதிச் சுற்றுக்கு வருபவர்களுக்கு 50 பவுண்டுகள் பணத்தொகை பிரித்துக் கொடுக்கப்படும்" என்று பகிரங்கப்படுத்தியது. பெயர் சூட்டும் பரிந்துரைகளில் தகுந்த பெயரை நிறுவனர் Walker இன் மகளையே தேர்ந்தெடுக்கச் சொன்னார். அப்போது தான் யாரோ ஒரு புண்ணியவன் சூட்டிய Vegemite என்ற பெயர் கவர்ந்திழுத்தது, அதையே வைத்து விட்டார்கள். பெயர் சூட்டியவர் பெயரை மட்டும் தொலைத்து விட்டார்களாம் என்பது ஒரு Vegemite போத்தலுக்குள் அடக்க வேண்டிய கொடுமை.

Vegemite என்ற பெயர் வைத்த முகூர்த்தம் அந்தப் பொருளின் விற்பனையிலும் உடனே சூடு பிடித்தது என்று சொல்ல முடியாது. அதுவரை மார்மைட் ஐ சாப்பிட்ட நாக்குகள் வெஜிமைட்டை அவ்வளவாக ஏற்காது புறந்தள்ளினர். ஒரு படம் ஓடவில்லையென்றால் அடுத்த படத்திற்கு இசையமைப்பாளரை மாத்திப் பார்க்கலாம் போன்ற காலாகாலத்து தமிழ் சினிமா ஜோதிடம் Walker இற்கும் அப்போது தோன்றியிருக்கவேண்டும் போல. வெஜிமைட் என்ற பெயரைத் தூக்கி விட்டு "Parvill" என்று வைத்துக் கொண்டார். ஆனால் பெயர் மாத்தி என்ன பலன் விற்பனை படு மந்தம் தான் என்ற நிலை.

இந்த நிலையில் Walker Kraft Walker Cheese Co என்ற நிறுவனக் கூட்டாக 1925 இல் ஆரம்பித்ததோடு Parvill" இல் "Vegemite" என்று பழைய பெயரை மாத்திக் கொண்டு மீண்டும் தொடர்ந்தார்கள்.

1935 ஆம் ஆண்டு வரை மந்தமாகத் தொடர்ந்த விற்பனையில் Walker இறந்து போன அதே ஆண்டில் தான்ஒரு பொருளின் அறிமுகத்துக்கு பரவலான விற்பனை மேம்படுத்தல் வேலைகளும் அவசியம் என்பது லேட்டாகத் தான் உறைத்தது அவர்களுக்கு. பெருமளவு விலையுயர்ந்த பரிசு மழைகளோடு மீண்டும் ஒரு கை பார்த்து விடுவோம் என்று களமிறங்கியவர்களுக்கு இம்முறை கிடைத்தது பெரும் வெற்றி. பெரும் எடுப்பிலான Walker இன் விற்பனை மேம்படுத்தல்கள் இந்த வெஜிமைட் ஐ நுகர்வோர் மத்தியில் ஈர்க்கச் செய்தது. சரி என்னதான் இதில் இருக்கிறது என்று ஆரம்பித்தவர்கள் உன்னை விட்டு விலகமாட்டேன் என்று சத்தியம் செய்யாத குறையாக வெஜிமைட் ஐப் பிடித்துக் கொண்டார்கள்.

தக்க சமயத்தில் பிரித்தானிய மருத்துவர் சங்கம் இதனை அங்கீகரிக்கவும், அவுஸ்திரேலிய மருத்துவர்களும் வைட்டமின் B க்கான பரிந்துரையாகச் சொல்ல ஆரம்பித்தனர். ஆரம்பத்தில் அவுஸ்திரேலியாவுக்கு மட்டுமே என்று மட்டுப்படுத்தப்பட்ட இதன் வியாபாரம் இரண்டாம் உலக யுத்தத்தின் பின்னான கடுக்கடங்காது எல்லைகளைக் கடந்து சென்றது. இன்று சராசரியாக ஒவ்வொரு ஆண்டும் 22 மில்லியன் வெஜிமைட் போத்தல்களை காலி செய்கின்றது நுகர்வோர் உலகம்.

"We're happy little Vegemites" Vegimite இன் விளம்பரம் 60 களில் இப்படி இருக்கும், இன்றைய வெள்ளைக்காரப் பெருசுகளுக்கு இந்த விளம்பரப் பாடல் கூட அலுக்காத சங்கீதம் தான்

இப்போது அவுஸ்திரேலிய நுகர்வோர் சந்தையில் Marmite ஆ அது யார்? என்று கேட்கும் நிலை வந்து விட்டது. கூடவே வெஜிமைட் உம் தன் தசாவதாரத்தைக் காட்ட பலவிதமான சுவைகளிலும் கலவைகளிலும் அறிமுகப்படுத்தி வெற்றி நடையைத் தொடர்கின்றது. அந்த வகையில் தற்போது வந்திருக்கும் புதிய பொருள் பெயர் அப்படியே பில்கேட்ஸ் ரகம், இல்லையா பின்னே "iSnack 2.0" என்பதே அந்தப் புதுசின் பெயர். தம் பழைய பாணியில் நுகர்வோருக்கே போட்டியை வைத்து 48 ஆயிரம் பரிந்துரைகளில் இணையத்தள வடிவமைப்பாளராகத் தொழில்புரியும் Dean Robbins என்ற மேற்கு அவுஸ்திரேலிய வாசி சூட்டிய பெயர் தான் அது. iSnack 2.0 இதென்ன விசித்திரமான பெயர் , பெயரை மாற்றுங்கள் என்று கூப்பாடு போடுவோரும் இல்லாமல் இல்லை. இந்தக் கூப்பாடுகளின் எதிரொலியாக தற்போது இந்தப் அறிமுகத்துக்கு Cheesybite என்று பெயர் வைத்திருக்கிறார்கள்.

நிலவும் சூழ்நிலைக்கேற்ப நுகர்வோர் தேவையை கண்டுணர்தல் , தகுந்த மாற்றீடை உரிய வகையில் ஆய்வு செய்து அறிமுகப்படுத்துதல், கவர்ச்சிகரமான விற்பனை மேம்படுத்துதல், அந்தப் புதிய மாற்றீடு நுகர்வோர் சந்தையில் தன் செல்வாக்கைத் தக்க வைத்துக் கொள்ளுதல் இது தான் வெஜிமைட் போத்தலுக்குள் அடங்கியிருக்கும் வியாபாரப் பாடம்.

வல்லவனுக்கு புல்லும் ஆயுதம் வால்கருக்கோ (Walker)போரும் பொருள் சேர்க்கும்.

உசாத்துணை மற்றும் படங்கள்
Kraft Australia
The Australian
Sydney Morning Herald
Wikipedia

Sydney dust storm worst in 70 years

2009-09-23T11:06:00.002+10:00

A DUST storm that has blanketed Sydney in an eerie red haze is the worst in at least 70 years, if not the history of the state, the Bureau of Meterology says.

The dust cloud covers almost the whole of NSW, after an extreme low pressure system moved across the state from central Australia and western NSW.

The dust caused commuter chaos, the cancellation of flights from Sydney Airport, the closure of the M5 tunnel and the suspension of Sydney ferries.

People with respiratory illnesses were told to stay indoors and health authorities advised people to avoid exercise until the dust cleared.

The Bureau of Meteorology's Regional Director for New South Wales Barry Hanstrum said visibility at Sydney Airport had dropped as low as 400m.

“An event like this is extremely rare,” Mr Hanstrum said. “It's one of the worst, if not the worst.”

The Bureau of Meteorology issued a severe weather warning for damaging winds in Sydney with a gale warning issued for Sydney closed waters.

Wild winds are lashing the Hunter region and gale force winds of up to 100km/h are expected to hit Sydney.

Mr Hanstrum said hail stones reportedly as big as cricket balls hit the town of Crookwell near Goulburn last night.

In the state's west visibility was reduced to just 10 metres in Broken Hill.

A Sydney Airport spokesman said a combination of strong cross winds and low visibility would lead to flight delays throughout the day.

“We're operating in low visibility conditions due to strong winds and dust haze,” he said.

“Departure and arrivals delays will be experienced at both Sydney and domestic and international airports.

Sydney icons such as the Harbour Bridge and the Opera House took on a ghostly appearance.

Armed with his camera at Circular Quay, Manly resident Alec Wagstaff, who was forced to catch the bus to the city after the ferries cancelled, said he relished the chance to photograph the tourist attractions in a different light.

“I woke up and there was this unbelievable golden hue,” Mr Wagstaff said.

“It is really interesting light, it's going to be quite a challenge.”

“I haven't seen this since Adelaide 30 to 40 years ago.”

Police urged motorists drive with caution reporting heavy traffic and low visibility.

City-bound lanes of the M5 tunnel are still closed and the Roads and Traffic Authority is advising drivers to use King Georges Road.

The State Emergency Services have received almost 200 requests for assistance across the state.

The dusty conditions are expected to last throughout the morning.

Article from: The Australian

சிட்னி அவியல் ஜூன் 19 வரை....!

2009-06-19T20:15:00.010+10:00

நீஈஈஈஈஇண்ட நாட்களாகப் பதிவு ஏதும் போடாமல் ஒரே காடு மண்டிக்கிடக்குது, எனவே மீண்டும் சற்றும் மனந்தளராத விக்கிரமாதித்தன் கணக்காக அவியலோடு வந்திருக்கிறேன்.

அவுஸ்திரேலியாவில் நாடு தழுவிய ரீதியில் இந்த வாரத்தோடு இரண்டாயிரத்தைத் தொடப்போகும் பன்றிக்காய்ச்சல் நோயாளிகளின் எண்ணிக்கை ஒரு புறமிருக்க, பணியிடங்களில் சற்றுத் தும்மினாலே பின்லாடனைப் பார்ப்பது போல் வெறிக்கும் அளவுக்கு இந்த நோய் குறித்த கிலி கிழவிக்கு அம்மன் வந்த கணக்காகப் போட்டு உலுப்புகின்றது. தும்மல், சளி, இருமல் நீடித்தால் அலுவலகப் பக்கம் வராதீர்கள், பள்ளிக்கும் பிள்ளைகளை அனுப்பாதீர்கள் என்று நோட்டீஸ் ஒட்டும் அளவுக்கு தீவிரமடைந்திருக்கும் இந்த நிலையில் இன்று மேற்கு அவுஸ்திரேலியாவில் வசிக்கும் 26 வயது இளைஞன் இந்த நோய் கண்டு இறந்த முதல் நோயாளியாக இங்கு பதிவாகி இருக்கின்றார். மேலும் வாசிக்க

00000000000000000000000000000000000000000000000000000000000000

சிட்னியில் ஒன்றே ஒன்று கண்ணே கண்ணு என்று இருக்கும் நூலகமான தமிழ் அறிவகம் நாளை யாழ் நூலக எரிப்பு நினைவாக வருடாந்தம் நடாத்தும் கொடித்தின நிகழ்வை நடத்த இருக்கின்றது. இதுகுறித்த மேலதிக விபரம் அறிந்து கொள்ளவும், சிட்னியில் இருப்போர் இப்படி ஒரு நூலகம் இருப்பதே இப்போது தான் தெரியும் என்று உரிமை பாராட்டவும் இதோ நோட்டீஸ்

00000000000000000000000000000000000000000000000000000000000000000

MX என்ற பெயரில் மாலை நேரத்தில் ஒரு தினப்பபத்திரிகை வருகிறது இங்கே. ஓவ்வொரு நாளும் வேலை முடிந்து போகும் போது காலில் விழுந்தாவது வாங்கிக் கொண்டு போங்கோ என்று கெஞ்சுவாங்கள் பேப்பர் கொடுக்கிறவங்கள். ஓசி ஆச்சே ஒன்றுக்கு இரண்டாவும் வாங்கலாம். இங்கே சிட்னியில் குறைந்தது 50 போராட்டங்களாவது ஈழத்தமிழர் குறித்து நடந்திருக்கும், ஓவ்வொன்றிலும் ஆயிரக்கணக்கானவர்கள் கலந்து கொண்டதும் வேறு விஷயம். இந்த நிகழ்வுகளை எல்லாம் படம் பிடிக்காமல் செய்தி போடாமல் கள்ளக்காதலில் இருந்து விலாவாரியாக எல்லாக் குப்பையும் போடுறாங்களே என்ற ஆதங்கத்தில் ஈழத்தமிழர் போராட்டங்களைப் படம் எடுத்து செய்தியாகவும் கொடுத்திருக்கினம், ஒப்புக்கு ஒன்றை தேமோ என்று போட்டு விட்டு திரும்பவும் கள்ளக்காதல், புட்போல் என்று பழைய குருடி கதவத் திறவடி கணக்காய் சுழலும் இந்தப் பேப்பர் நேற்று ஒரு வரலாறு படைத்திருக்கிறது. பாலிவூட் குமரிகள் இண்டர்நேஷனல் இந்தியன் பிலிம் பெஸ்டிவலுக்கு போன காட்சியில் எந்தக் குமரியின் பிளவுஸ் அழகு என்று இரண்டு பக்கப் போட்டோ மழை பொழிந்து ஜென்ம சாபல்யம் கண்டது.

000000000000000000000000000000000000000000000000000000000000000000

Peter Costello முந்திய லிபரல் கட்சி அரசில் நிதியமைச்சராக (treasurer) 11 வருஷங்கள் (1996 - 2007) வரை இருந்து கடைசிவரையும் பிரதமர் ஜோன் ஹாவார்ட் அண்ணன் திண்ணை எப்போது காலியாகும் என்று ஏங்கி இறுதிவரை அந்தப் பாக்கியம் கிட்டாமல் அடுத்த ரவுண்டில் தொழிற்கட்சி ஆட்சிக்கு வந்தபோது லிபரல் கட்சியின் எதிர்க்கட்சி ஆசனம், சீ சீ இந்தப்பழம் புளிக்கும் கணக்காய் வேண்டாமென்று ஒதுங்கி இருந்தவர். எதிர்க்கட்சித் தலைவர் Malcolm Turnbull வயிற்றில் பால்வார்க்கும் கணக்காய் அடுத்த தேர்தலில் நான் போட்டியிடமாட்டேன் அரசியலில் இருந்தே ஒதுங்கப் போகிறேன் என்று சொல்லும் இவருக்கு வயசு வெறும் 51 தான், அடுத்த பிறவியிலாவது 84 வயசு வரைக்கும் பதவியில் இருக்க இவர் தமிழனாகப் பிறக்க வேண்டும் என்று நாம் பிரார்த்திக்கிறோம்.

000000000000000000000000000000000000000000000000000000000000000000000

வருது வருது இந்தா வருது என்று அடிக்கடி வெருட்டிக் கொண்டே இருக்கும் பொருளாதார வீழ்ச்சி அப்படியொன்றும் அமெரிக்கா கணக்காய் அவுஸ்திரேலியாவில் தாக்கவில்லை. ஆனாலும் வேலையிடங்களில் இதைச் சாக்காக வைத்து களையெடுப்புக்கள் நடப்பது தவிர்க்க முடியாத விஷயம் (ஆளாளுக்க்கு மேசைக்கு கீழ் ஒளிஞ்சிருக்கணும் போல). ஆனாலும் வருமுன் காப்போம் (வந்த பின்னால் தவிப்போம்)கணக்காய் எமது அவுஸ்திரேலிய பிரதமர், வருடச்சம்பளத்தில் ஒரு எல்லைக்கு குறைவான சம்பளம் பெறுவோருக்கு 900 அவுஸ்திரேலிய டொலர்களைக் கொடுத்து ஏதாவது வாங்குங்கள் என்று ஏழை பாழைகளைக் குளிர்வித்தார் என்று பார்த்தால் பாடையில் போனவனையும் அவர் விட்டுவைக்கவில்லை. இந்த உபகாரப்பணம் பல்லாயிரம் இறந்து போன அவுஸ்திரேலியக் குடிகளுக்கும் போய்ச் சேர்ந்திருக்காம் மேலும் படிக்க

ஆனாலும் ஒன்று தேர்தல் எல்லாம் முடிஞ்சு ஒரு வருஷத்துக்குப் பிறகு இவர் இந்த உபகாரத்தைக் கொடுத்தார், கையில காசு பாலெட்டில் (ballot ) ஒட்டு என்ற கணக்காய் இல்லை என்பதைக் கூறிக் கொள்கிறோம்.

இப்படியான உபகாரத்தால் தற்போது நிலவிவரும் பொருளாதார மந்த நிலையை கெவின் ரட் அரசு நன்றாகக் கையாளுக்கின்றது என்று மிஸ்டர் பொதுஜனம் கருத்துக்கணிப்பொன்றில் அள்ளி அள்ளி வாக்குச் சொல்லியிருக்கு.

ஆனாலும் இந்த மனுஷனுக்கு அஷ்டமத்துச் சனி போல, இவரது சொந்த மாநிலத்தில் இருக்கும் கார் வாங்கி விற்கும் ஒருவருக்கு சலுகை காட்டியது என்ற புகாரில் அவரை இந்தக் குளிரிலும் ட்ரவுசரை உருவுகிறார்கள் எதிர்க்கட்சிக் கோமகன்கள். மேல் விபரங்களுக்கு

இவர்களை தமிழகத்துக்கு அழைத்துச் சென்று அரசியல் அறிவு புகட்ட வேண்டும் என்று கேட்டுக் கொண்டு பிரதமர் கெவின் ரட்டின் சாதகத்தை டி.ராஜேந்தரின் குறள் டிவியில் காட்டுமாறும் கேட்டுக் கொள்கின்றோம். குறள் டிவியின் துல்லியமான சாதகத்துக்கு ஒரு சோறு பதம்

நாளை ஐ.நா சபையினால் உலக அகதிகள் நாள் கொண்டாடப்படுகின்றதாம், ஹாஹாஹா என்னால சிரிப்பை அடக்க முடியல. இந்த ஜோக்கை கேட்டு சிரிச்சுக் கிட்டே இருங்க அடுத்த அவியல் வரை என்று கேட்டுக் கொண்டு விடைபெறுவது ;-)

சிட்னி முருகன் தேரோட்டம் 2009

2009-04-07T14:42:00.009+10:00

சிட்னியின் வைகாசிக்குன்றில் (Mays Hill) எழுந்தருளி அருள்பாலித்துக் கொண்டிருக்கும் வள்ளி தேவசேனா சமேத முருகப் பெருமானுக்கு வருடாந்த மகோற்சவம் ஆரம்பமாகி இன்று சிறப்பாக ரதோற்சவ நிகழ்வு நடைபெற்றது. மூவாயிரத்துக்கும் மேற்பட்ட பக்தர்கள் கலந்து சிறப்பித்த இந்தப் பெருவிழாவிற்கு வருண பகவானும் மெல்ல ஒதுங்கி வழிவிட, சூரியன் தன் மத்திம வெப்பத்தைக் கொடுக்க, வாயு பகவான் ஏஸிக்காற்றை மெல்ல மிதக்கவிட்டது இந்தப் பக்திச் சூழ்நிலைக்கு மேலும் அணி சேர்த்தது.

இந்த நிகழ்வின் முக்கியமான சில காட்சிகளை என்னோடு வந்திருந்த கமராப் பெட்டி களவாடி உங்கள் முன் ஒப்புவிக்கின்றது இதோ

தேரோட்டத்துக்கு முன் ஆலயத்தின் வசந்த மண்டபத்துள்ளே நிகழும் பூசை புனஸ்காரங்கள்
சுவாமி உள் வீதி வலம்
அடிவாங்கக் காத்திருக்கும் தேங்காய் கூட்டம்

ஆலயத்தின் ஒருபக்க வீதி, ஆலயத்தின் உள்ளே சென்று வழிபடமுடியாதவர்களுக்கு இந்தப் பக்கம் இருந்து உள்ளே நடப்பதைப் பார்க்க வசதி
தேர் ஏற வரும் வள்ளி, தேவசேனா சமேத முருகப் பெருமான்

காவடிகள் ஆடிவரும் ஆட்டத்திலே முருகா ஆட்டத்திலே
நேற்று இரவு ஓடிக் களைத்து ஒதுங்கி நிற்கும் சப்பரம்
மோரும், சர்பத்தும் கலந்துனக்கு நான் தருவேன்
ஈழத்தில் இருந்து வந்த நாகேந்திரன், அமரர் தட்சண மூர்த்தி மகன் உதயசங்கர் குழுவினர்
தேரோட்டம் காண வாருங்கள்

அழகன் முருகனிடம் ஆசை வைத்தேன்

பக்தர் கூட்டம், ஆறிலிருந்து அறுபது வரை

ஆங்கே வயிற்றுக்கும் கூட ஈயப்படும்
இருப்பிடம் வந்த தேரில் இருக்கும் சுவாமிக்கு அர்ச்சனை செய்ய கியூ கட்டி நிற்கும் கூட்டம்
இது சாப்பாட்டு கியூ

சுவாமிக்கு பச்சை சாத்தி ஆற்றுப்படுத்தல்

இத்தோடு முடிந்தது, கூட்டம் கலையலாம் :)

வந்தது 2009

2009-01-01T12:58:00.003+11:00

அனைவருக்கும் ஆங்கிலப் புத்தாண்டு வாழ்த்துக்கள்.

உலகின் கிழக்கு மூலையில் அமைந்திருப்பது புதிய நாளை மற்றவர்களுக்கு முதல் நியுசிலாந்து மற்றும் பசிபிக் தீவுவாசிகளோடு சேர்ந்து புதிய நாளை வரவேற்க வசதியாக அமைகிறது. சிட்னியின் வாணவேடிக்கை வரவேற்பு உலகப் புகழ் பெற்றது. ஒவ்வொரு முறையும் ஏதாவது ஒரு கருப்பொருள் வைத்திருப்பார்கள். இந்த முறை 'படைப்பு'.

இரண்டு நேர வாணவேடிக்கைகள் நடக்கும் . ஒன்பது மணிக்கொன்று. நள்ளிரவொன்று. ஒன்பது மணிக்கு நடப்பது சிறுவர்கள் குடும்பத்தார் பார்க்க என்றுதான் முக்கியமாக.

நகருக்குள் வந்து வாணவேடிக்கை பார்க்க என்றே கிட்டத்தட்ட 1.5 மில்லியன் பேர் வருவார்கள். கண் நிறைய வாணவேடிக்கையும், மனம் நிறையச் சந்தோசமும், கொஞ்சம் நிறைவெறியுமாகத் (நிறவெறி அல்ல) தள்ளாடி எல்லாருக்கும் புத்தாண்டு வாழ்த்துக்கள் சொல்லி கலைந்து போவார்கள்.

வாண வேடிக்கைப் படங்கள் 1
வாண வேடிக்கைப் படங்கள் 2

ஈழத்துக் கலைஞர் ரகுநாதன் கலந்து சிறப்பிக்கும் "சிட்னி குறும்பட விழா 2008"

2008-11-21T20:14:00.004+11:00

புலம் பெயர்ந்த ஈழத்தமிழ்க் கலைஞர்களினால் உருவாக்கப்பட்டு பரிசுகள் பெற்ற 14 தமிழ்க் குறும்படங்கள் உள்ளடக்கப்பட்டுள்ளன. இவையாவும் எம் தமிழ் இனத்தின் வாழ்வியலின் குறியீடுகளாக அமைந்துள்ளன.

புலம் பெயர்ந்து வாழும் தமிழர் ஒவ்வொருவரும் தவறாது பார்க்க வேண்டிய படங்கள் இவை. வெவ்வேறு நாடுகளில் வசிக்கும் தமிழ்க் கலைஞர்கள் செதுக்கிய குறும்படங்களை ஒரு கலையாகவும், தொழிலாகவும் மேம்படுத்தும் நோக்குடன் அவுஸ்திரேலிய மண்ணிலும் முதல்முறையாய் அறிமுகப்படுத்தப்படும் இவ்விழா, வருடா வருடம் நடாத்த உத்தேசிக்கப்பட்டுள்ளது. இந்த நிகழ்வுக்காக பாரிஸில் வாழும் ஈழத்து நாடத் திரைக் கலைஞர் என்.ரகுநாதனும் கலந்து சிறப்பிக்க இருக்கின்றார்.

விழாவினால் சேர்க்கப்படும் இலாபம் முழுமையாக, இலங்கை அரசின் கோரப் போரினால் வன்னியில் இடம் பெயர்ந்து அவலப்படும் மக்களுக்கு அனுப்பி வைக்கப்படும்.

மேலதிக விவரங்களுக்கு:
ந. கருணாகரன் - 0408 601 189
த. பத்மனாதன் - 9764 3590
பொ. ஜயதேவன் - 0403 318 128

Sponsored by Thenmaradchi Development Foundation

Sunday 23rd November 2008
(Gate Opens at 4.00p.m.)

AT

Holroyd City Council Hall
17, Miller Road, Merrylands

14 short Tamil films will be screened!

Admission by tickets:
Reserved - $50.00
Family (2 adults + 2 kids) - $35.00
Single - $15.00
Concession (seniors & students) - $10.00

Net Proceeds to be donated to Vanni IDPs

சமாதானத்துக்காக ஓவியம் வரைவோம்

2008-11-20T22:31:00.005+11:00

அவுஸ்திரேலிய இளையோர் அமைப்பு உங்களை அழைக்கிறது!

Paint for Peace
"A picture is worth a thousand words"

Lend us a hand. Join us and paint for hope and peace for our Tamil brothers and sisters in the NorthEast.

Aim:
- To show our people back home who are a suffering on a daily basis that we have not forgotten them.
- To express our image of peace for the Tamils through a different form ?ART!
- To work together to create a beautiful product that symbolises what we can achieve if we work together hand in hand.
- To organise an event where people of all ages can participate?and you don't have to be artistic! You can even write a simple message of hope or leave your hand print.

துயருறும் எங்கள் தாயக உறவுகளை நாங்கள் மறக்கவில்லை – மறக்க மாட்டோம்.
கலை வடிவில் சமாதானம் பற்றிய எங்கள் கருத்தைப் பகிர்வோம்.
எங்கள் கூட்டுமுயற்சியில் அழகிய படைப்பு ஒன்றை உருவாக்க அணி திரள்வோம்.
நீங்கள் திறமை மிக்க ஓவியராக இருக்கவேண்டியதில்லை. ஓவியம் மூலம் திறமையைக்காட்டமுடியாவிட்டால் அழகிய வாசகங்களைத் தாருங்கள். அல்லது உங்கள் கரங்களை வர்ணக் கலவையில் தோய்த்துப் பதிய வையுங்கள்.

எங்கள் தாயக உறவுகளுக்காகக் கரம் கோர்க்க வாருங்கள்.

சிட்னியில்
காலம்: நவம்பர் சனிக்கிழமை 22ம் நாள்

நேரம்: பிற்பகல் 3:00 – 6:00

இடம்: உங்கள் விருப்பம

Homebush - Homebush Public School, Rochester St, Homebush

Wentworthville - Darcy Road Public School, Darcy Rd, Wentworthville

Mt Druitt - Colyton Public School, Nelson St, Mt Druitt

மெல்போனில்

காலம்: நவம்பர் கனிக்கிழமை 22ம் நாள்

நேரம்: பிற்பகல் 4:30 – 7:00

இடம்: Hungarian Community Centre, 760 Boronia Rd, Wantirna

தொடர்புகளுக்கு email: info@tyoaustralia.org

website: www.tyoaustralia.org

"Un bon croquis vaut mieux qu'un long discours," (A good sketch is better than a long speech)- Napolean

சிறீலங்கா அரசின் மனித உரிமை மீறலுக்கு எதிராக கன்பெராவில் மாபெரும் கண்டன நிகழ்வு

2008-09-15T22:43:00.005+10:00

ஈழத்தில் வாழும் எமது உறவுகளுக்கு எதிராக சிறீலங்கா அரசு மேற்கொள்ளும் மனித உரிமை மீறல்களை அவுஸ்திரேலிய அரசுக்கு எடுத்தியம்பும் முகமாக சிட்னி வாழ் மக்களை ஒன்று திரட்டி மாபெரும் ஒன்றுகூடலை அவுஸ்திரேலிய மத்திய பாராளுமன்றம் அமைந்திருக்கும் கன்பராவில் இந்த வாரம் புதன் கிழமை காலை 10 மணியில் இருந்து மதியம் 2 மணி வரை ஒழுங்கு செய்திருக்கின்றார்கள் அவுஸ்திரேலிய தமிழ் அமைப்புக்களின் கூட்டமைப்பினர். சிட்னியில் இருந்து வாகன வசதிகளும் ஒழுங்கு செய்யப்பட்டுள்ளன.

மேலதிக விபரங்களை மேலே கொடுத்திருக்கும் படத்தை அழுத்திப் பெற்றுக் கொள்ளவும்.

அவுஸ்திரேலியாவில் திரையிடப்படும் சத்யஜித்ரேயின் படங்கள்

2008-08-28T22:23:00.009+10:00

நாளை ஆகஸ்ட் 28 இல் சிட்னியின் CINEMA PARIS இலும் வரும் செப்டெம்பர் 3 முதல் மெல்பனிலும் இந்தியப் பட விழா ஆரம்பமாகின்றது.

பாலிவூட் மசாலா அயிட்டங்களோடு, எப்போதும் பார்க்கத் தகும் வங்காளப் படைப்பாளி சத்யஜித்ரேயின் பின்வரும் திரைப்படைப்புக்களும் காண்பிக்கப்பட இருக்கின்றன.

PATHER PANCHALI

APUR SANSAR ( The World of Apu)

DEVI

GHARE- BAIRE (Home And The World)

JALSAGHAR (The Music Room)

மேலும் பிராந்திய மொழி வரிசையில் காண்பிக்க இருக்கும் திரைப்படங்கள் இவை, (தமிழில் ஒன்றும் இல்லை என்பது குறிப்பிடத்தக்கது)

AMI, IYASIN AR AMAR MADHUBALA (The Voyeurs)- Bengali

DHARM - Hindi

KADA BELADINGALU- Kannada

RATHRI MAZHA- Malayalam

TINGYA- Marathi

இந்த நிகழ்வை MG gdistribution என்னும் ஒரு தனியார் அமைப்பே முன்னின்று நடாத்துகின்றது என்றாலும் கிடைத்தற்கரிய சத்யஜித் ரேயின் படங்களை பெரு வெண் திரையில் காண இதுவோர் அரிய வாய்ப்பாகும்.

மேலதிக விபரங்களுக்கு

நன்றி: பதிவில் இடம்பெற்ற புகைப்படம், இயக்குனர் K. Bikram Singh இன் இணையத்தில் இருந்து.

சிட்னி சாம்பார் - யூன் 13 வரை

2008-06-13T20:47:00.008+10:00

நீண்ட நாட்களாக இந்த வலைப்பதிவில் ஒன்றும் எழுதாமல் புல் பூண்டு முளைச்சிருக்கு ;-)
எனவே முடிந்தவரை வாராந்த அவுஸ்திரேலிய நடப்பு செய்திகளைப் பதிவோம் என்றிருக்கிறேன்.

யூன் 8 ஞாயிற்றுக்கிழமை யாழ் இந்துக்கல்லூரியின் பழைய மாணவர் சங்கத்தின் சிட்னிக் கிளையால் நடத்தப்பட்ட இசைநிகழ்ச்சிக்குப் போனேன். நான் யாழ் இந்து இல்லை, என்னைப் போலவே பலரும் அப்படியே. கலாசூரி அருந்ததி சிறீரங்க நாதனின் மகன் சாரங்கனின் இசை நெறியாள்கையில் இந்த வருசத்தோடு மூன்றாவது தடவையாக "கீதவாணி" விருது வழங்கும் நிகழ்ச்சி நடந்தது. விண்ணப்பித்த பலரில் வடிகட்டி மூன்று வகையான வயதுப் பிரிவினரை உள்ளடக்கிய போட்டி இருந்தது. ஒவ்வொரு பிரிவிலும் ஆண், பெண் என்று பிரிக்காமலே தேர்வு இருந்தது. சும்மா சொல்லக்கூடாது சோக்கான நிகழ்ச்சி அது. மேலும் விபரங்களும் படங்களும் தமிழ் சிட்னி இணையத்தில்

ரிக்கற் விலை $25 ஏன் உந்த விலை எண்டு கேட்ட கொக்குவில் இந்துக்காரருக்கு
"அது பிராண்ட் நேமுக்கு (Brand name) விலை கூட "
என்றார் யாழ் இந்துக்காரர். (ஸ்ஸ்ஸ்யப்பா.... இப்பவே கண்ணக் கட்டுதே)
கூட்டம் ஆயிரத்தை தொட்டு மண்டபத்துக்கு வெளியிலும் நின்றது. தாமதமாக வந்து இருக்கை இல்லாமல் வெளியில் குளிரில் நின்றவர் தனக்கு ரிக்கற் விற்றவரைத் தேடிக் கொண்டிருந்தார்.

*************************************************************
இந்த வார முற்பகுதியே விடுமுறை நாளாக இருந்ததால் கடந்த வாரம் ஒரு நீண்ட வாரமாக இருந்தது. இங்கிலாந்து மகாராணியாரின் பிறந்த நாளைக்கு இங்கே விடுமுறை. நிறையப் பேருக்கு எதற்காக விடுமுறை கிடைத்ததென்றே தெரியாது. வாகனங்களில் குறித்த எல்லைக்கு மேல் ஓடுபவர்களுக்கு இரட்டிப்பு மடங்கு புள்ளிகளை லைசன்ஸில் இருந்து இழக்கும் தற்காலிக நடைமுறை கடந்த வியாழனில் இருந்து திங்கள் வரை அமுலில் இருந்தது. அப்படியும் வீதி விபத்துக்களும், மரணங்களும் நிகழ்ந்தன.

******************************************************************
கடந்த வெள்ளிக்கிழமை நியூசவுத்வேல்ஸ் மாநில கல்வி அமைச்சர் Della Bosca வும் அவர் மனைவி Belinda Neal (இவர் தேசிய பாராளுமன்ற உறுப்பினர்) நண்பர்கள் சகிதம் சிட்னியில் உள்ள Iguanas Waterfront restaurant என்ற களிப்புறும் உணவகம் சென்று Belinda Neal அங்குள்ள ஓட்டல் சிப்பந்திகளுடன் வாய்த்தர்க்கத்தில் ஈடுபட்டு பெரும் சர்ச்சைக்குள்ளாகி இருக்கின்றனர். மாநிலக் கல்வி அமைச்சர் பொறுப்பில் இருந்து Della Bosca வை தற்காலிகமாக இடை நிறுத்தி பொலிஸ் விசாரணைகளுக்கு ஒத்துள்ளைக்க நியூசவுத்வேல்ஸ் மாநில முதல்வர் Morris Iemma கட்டளை இட்டிருக்கிறார். பத்திரிகை, வானொலி,தொலைக்காட்சி, எதிர்க்கட்சி எல்லாவற்றுக்குமே அவல், சுண்டல் கிடைத்த திருப்தியில் இந்த அமைச்சரையும் பாரியாரையும் வெளுத்து வாங்குகிறார்கள். இதுபோதாதென்று இவர்களின் பக்கத்து வீட்டுக்காரர்களும் இந்த அமைச்சரும் மனைவியும் அடிக்கடி சண்டைபோடுவதாக புகார் கொடுத்து விட்டார்கள். எல்லா நாட்டிலும் மேர்வின் சில்வா மாதிரி அமைச்சர் இருக்க முடியுமே?

*****************************************************
Toyota கார் நிறுவனம் 35 மில்லியன் டொலர்களை அரச உதவிப்பணமாகப் பெற்று இங்கே hybrid car என்னும் கார்களை 2010 இலிருந்து தயாரிக்கவுள்ளது. அதிகரித்த பெற்றோல் விலையை சமாளிக்கும் ஒரு உபாயமாக அவுஸ்திரேலிய பிரதமர் கெவின் ரட் கொண்டு வந்த திட்டம் இது. இவர் ஏற்கனவெ கன்னாபின்னாவென்று ஓவ்வொரு நாளும் விலையை ஏற்றும் பெற்றோலிய நிறுவனங்களைக் கண்காணிக்கும் குழுவொன்றை ஒரு சில மாதம் முன்னர் அமைத்தார். சீமான் ஆரம்பிச்ச நேரமோ தெரியவில்லை பெற்றோலிய விலை முன்பை விட சுனாமியாக ஏறிவிடவும், எதிர்க்கட்சிகளின் கத்தலில் இருந்து தப்பவே இப்போது ஹைபிரைட் கார் ஓட்டிக் காட்டுகிறார்.

******************************************************

தசாவதாரம் படக் காய்ச்சல் இங்கேயும் கடந்த வாரம் முதல் அடிக்கத் தொடங்கிவிட்டது. மூன்று டொலருக்கு மூன்று படம் உள்ள டிவிடி வாங்கிப் பார்த்தால் போதும் என்கிறவையும் படம் பார்க்கவேணும் எண்டு முந்தியடிக்கினம். ஒரு ரிக்கெட் 18 டொலர் போகுது. இன்றிலிருந்து வார இறுதி முழுதுமே எல்லாக் காட்சியுமே பதிவு செய்யப்பட்டுட்டுதாம், கலரியில் முதல் வரிசை உட்பட.

*******************************************************

முகப்புப் படம் நன்றி: Reuters and AFP

ANZAC தினம்

2008-04-20T15:21:00.015+10:00

"Lest we forget"

அவுஸ்திரேலிய-நியுசிலாந்து நாட்டுப் படைகளின் கூட்டாக 1915ம் ஆண்டு அமைக்கப்பட்ட படையணியின் பெயரே அன்ஸாக். (Australia and New Zealand Army Corps) 1915ம் ஆண்டு கலிபொலி மீட்பு வெளியேற்றத்துக்கும் பிறகு இப்படையணி கலைக்கப்பட்டாலும் ANZAC என்ற பெயர் நிலைத்தது. இந்தப் படையணியின் முதலாவது போரின்/தாக்குதலின் ஞாபகார்த்தமாகத்தான் அன்ஸாக் தினம் அனுஷ்டிக்கப் படுகிறது. அவுஸ்திரேலியாவிலும் நியுஸிலாந்திலும் முக்கிய (விடுமுறை) தினம். 1914ம் ஆண்டு முதலாம் உலகப் போர் தொடங்கிய போது கலிப்பொலி குடாநாட்டைக் கைப்பற்றி நேச நாட்டுப் படைகளுக்கு கருங்கடற் பிரதேசத்தைப் பெற்றுக் கொடுப்பதற்காக நேச நாடுகளின் கூட்டணிப் படையில் ஒரு பகுதியாக அன்சாக் படையினர் அமைந்தனர். இஸ்தான்புல்லைப் பிடிப்பதும் ஒரு திட்டமாக இருந்தது. ஜேர்மனிக்கு ஆதரவாக இருந்த துருக்கியின் படையினரின் தாக்குதலுக்கு மத்தியில் 1915ம் ஆண்டு ஏப்ரல் 25ம் திகதி கடல் வழியாக அன்ஸாக் படையணியினர் பிழையான கடற்கரையில் கரையிறங்கினர். வேறு சில பகுதிகளிலும் தாக்குதல்கள் திட்டமிடப்பட்டிருந்தன. அன்சாக் படையினரின் கலிப்பொலி தாக்குதல் பற்றி ஏலவே தகவல் கிடைத்து துருக்கப்படையினர் ஆயத்தமாக இருந்தமையால் இத்தாக்குதல் பலனளிக்காமல் கிட்டத்தட்ட 8 மாதங்கள் நீடித்தது. 8000 அவுஸ்திரேலிய மற்றும் 2000 நியுஸிலாந்து வீரர்களும் சாவைத் தழுவினர்.

(படம்:கலிபொலியிலுள்ள லோன் பைன் இடுகாடு)
இவ்வீரர்களின் உயிரிழப்புப் பற்றிய செய்தி முதல் முறையாகக் கிடைத்ததும் ஏப்ரல் 30ம் திகதி அரைநாள் விடுமுறையாக அறிவிக்கப்பட்டு துக்கம் அனுஷ்டிக்கப்பட்டது. 1916ம் ஆண்டு முதல் ஏப்ரல் 25 அவர்களது உயிர்த்தியாகத்தை ஞாபகிக்கிற நாளாக அறிவிக்கப்பட்டு அனுஷ்டிக்கும் வழக்கம் அவுஸ்திரேலியா-நியுஸிலாந்தில் உருவானது. அதிகாலை நேரத்து விழித்திருப்புகளும் சடங்குகளும் அணிவகுப்புகளும், reunionsகள், பிரார்த்தனைக் கூட்டங்கள் என்பனவும் two-up விளையாட்டும் அன்ஸாக் தினத்துக் கலாச்சாரக்கூறுகளாகும். (two-up என்பது இரு நாணயங்களை மேலெறிந்து தலையா பூவா என அவற்றின் முடிவின் மேல் பந்தயம் கட்டுவது)

படங்கள்: சிட்னியிலுள்ள அன்ஸாக் நினைவாலயம் & அதனுள்ளிருக்கும் வாள் மீது உயிர் துறந்த வீரன் சிலை

அவுஸ்திரேலியா-நியுஸிலாந்து பங்கு கொண்ட பிற்காலப் போர்களில் போரிட்ட வீரர்களையும் உள்வாங்கி கொண்டாடும் முகமாக அன்ஸாக் தினம் மாறியுள்ளது. அன்ஸாக் தினத்தைக் கொண்டாடும் வகையில் கலிப்பொலிக்குச் செல்வதும் அங்கு நடக்கும் அதிகாலைப் பிரார்த்தனையில் கலந்து கொளவதும் வழக்கமாக இருக்கிறது.

அன்ஸாக் தினத்தன்று கடைப்பிடிக்கப்படும் மௌன நிமிடங்களின் இறுதியில் பின்வரும் அஞ்சலிக் கவிதை கூறப்படும்:
They shall not grow old as we are left that grow old
Age shall not weary them, Nor the years condemn
At the going down of the sun and in the morning
we will remember them.
"Lest we forget"

---------------------------------------
விக்கிபீடியாவில்

(சிட்னியில் நடைபெறும் அணிவகுப்பின் படங்கள் கைக்குக் கிடைத்தவுடன் வலையேற்றப்படும்.)

திருடப்பட்ட தலைமுறை (Stolen Generation)..!

2008-02-12T19:07:00.007+11:00

ஓவ்வொரு பூர்வீக குடிமக்களுக்கும் நேரும் அவலம் தான் அவுஸ்திரேலிய ஆதிப்பழங்குடியினரைப்(Aborigines) பொறுத்தவரை அப்போது நிகழ்ந்தது. தாமுண்டு தம் வாழ்வுண்டு என்று இயறகையோடு இயற்கையாக வாழ்ந்தவர்களை காடுகளை அழிப்பது போல வந்தேறு குடிகளான காலனித்துவ ஆதிக்கம் கொண்ட வெள்ளையர்கள் வேட்டையாடிது மாறாவடு கொண்ட வரலாறு.

சுமார் 70 ஆயிரம் வருடங்கள் தொன்மை வரலாற்றைக் கொண்ட இந்தப் பூர்வகுடிகளுக்கு நிரந்தரச் சனி தொற்றியது 1788 ஆம் ஆண்டில் பிரித்தானிய காலனித்துவமாக மாறும் நாளில் இருந்து தொடங்கியது. ஆரம்பத்தில் கொடும் கொள்ளைக்கார, கொலையாளிக் கைதிகளை பிரிட்டனில் இருந்து நாடு கடத்தும் திறந்த வெளிச்சிறையாகவே இந்த நாடு பயன்பட்டது. தமக்கென்று வாழ்வை நதிக்கரையோரங்களிலும், உணவுப் பயிர்களை அண்டிய பகுதிகளிலும் அமைத்துக் கொண்ட பூர்வகுடிகளைப் பலவந்த வெளியேற்றல்கள் துப்பாக்கி முனையில் தான் நடாத்த வேண்டி ஏற்பட்டது. ஆயிரக்கணக்கான பூர்வகுடிகள் கங்காருக்கள் போல வேட்டையாடப்பட்டனர். இந்தக் காலனித்துவம் நிகழ்ந்த காலகட்டத்தில் மட்டும் சுமார் 750,000 பூர்வ குடிகள் வாழ்ந்திருந்தார்கள் என்பது காலக் கணக்கெடுப்பு சொல்லும் செய்தி.

ஜனவரி 1, 1901 ஆம் ஆண்டு பொதுநலவாய அமைப்பு சார்ந்த அவுஸ்திரேலியா (Commonwealth of Australia) என்று இந்த நாடு மாற்றப்பட்டபோதும் கூட இந்தப் பூர்வகுடிகள் தேசிய கணக்கெடுப்பில் அடங்காதவாறு சட்டம் இயற்றப்பட்டதோடு இவர்களை Fauna (நாட்டின் பூர்வ பிராணிகள்) என்ற வகையிலேயே அடக்கினார்கள்.

1910 ஆம் ஆண்டிலிருந்து 1970 ஆம் ஆண்டு வரை சுமார் 100,000 வரையிலான சிறுவர்கள் பொலிசாரினாலும், சமூக நலசேவையாளர்கள் என்று சொல்லப்படுபவர்களாலும் தம் குடும்பங்களில் இருந்து பலவந்தமாகப் பிரித்தெடுக்கப்பட்டனர். இச்சிறுவர்களில் பெரும்பான்மையோர் ஐந்து வயதுக்குக் கீழேயானவர்கள். அப்போது இந்தக் கொடு செயலைத் தடுக்க சட்டமேதும் கிடையாது. அவுஸ்திரேலிய பூர்வ குடி என்ற முகவரி மட்டும் இருந்தால் போதும், மற்றதெல்லாம் தானாக நடக்கும்.

இவ்வாறு தம் குடும்பங்களில் இருந்தும் நிரந்தரமாக, பலவந்தமாகப் பிரித்தெடுக்கப்பட சிறுவர்கள் கிறீஸ்தவ தேவாலயங்களிலும், சமூக நல அமைப்பு என்று சொல்லப்படும் அமைப்புக்களிலும் அடைத்து வைக்கப்பட்டனர். சிலர் வெள்ளையின மக்களின் தத்தெடுப்புக்கு ஆளானார்கள். இதுவரை இயற்கையோடு வாழ்ந்து தமக்குப் பிடித்த உணவை மட்டும் உண்டு வந்த இவர்களுக்கு அட்டவணைப் பிரகாரம் உணவு என்னும் பெயரில் ஏதோவெல்லாம் கிடைத்தது. பாலியல் துன்புறுத்தலுக்கு ஆளான அபலைகள் கூட உண்டு. அடிப்படைக் கல்வியாவது கிடைக்குமென்றால் அதுவும் இல்லை. காடு, கழனிகளுக்கான வேலையாட்கள் தான் உற்பத்தியாயினர்.

இவர்களைத் தான் ‘Stolen Generations’ அதாவது திருடப்பட்ட தலைமுறை என்று அடையாளம் இட்டு இன்று வரை அல்ல என்றுமே மாறா வடு முத்திரை பதிக்கப்பட்டுவிட்டது.

அடுத்ததாக ஆதிப்பழங்குடியோடு கலந்து பிறப்பெடுத்த ஐரோப்பிய கலவைக் குழந்தைகள் தான் அதிகளவு இலக்கு வைக்கப்பட்டனர். 1937 ஆம் ஆண்டளவில் அவுஸ்திரேலிய பூர்வகுடிகளோடு கலந்து பிறந்த ஐரோப்பியக் கலப்பினக் குழந்தைகளைப் பலவந்தமாகப் பிரித்தெடுத்து அரசின் மேற்பார்வையில் வாழவைக்கும் நடைமுறையும் பாய்ந்தது. இந்தக் கொடூரம் 1970 ஆம் ஆண்டு வரை பூர்வகுடிச்சனத்தொகையில் 10% இலிருந்து 30% வீதமாக இருந்திருக்கின்றது.

இதன்மூலம் இந்த நாட்டுக்கு வந்து காலனித்துவ அரசு அமைத்துக்கொண்டவர்கள் சாதிக்க நினைத்தது இது தான்:

1. இரண்டு மூன்று தலைமுறைக்கு தொடரும் இவ்வாறான பிரித்தெடுத்து வளர்த்தல் என்னும் முறைமை "பூர்வ குடிகள்" என்ற சமுதாயமே இல்லை என்ற நிலைக்கு மாற்றமுடியும்.

2. பூர்வகுடிகளின் பேச்சு வழக்கையும், சடங்குகளையும் இல்லாதொழித்தல்

இந்த நோக்கங்களை அமுல்படுத்த அப்போதிருந்த ஆட்சியாளர்கள் பகீரதப்பிரயத்தனம் கொண்டு உழைத்தார்கள். பிள்ளைகளைத் தேடி ஓடி வரும் பெற்றோர்கள் அடித்துத் துரத்தப்பட்டார்கள். சில பிள்ளைகள் இந்த நாட்டிலேயே இல்லாமல் எங்கோ ஒரு இன்னொரு காலணி நாட்டுக்குத் தொலைந்து போயினர். இதை Rabbit-Proof Fence என்ற ஆங்கிலப் படமும் காட்சிப்படுத்தியிருக்கின்றது.

இன்று வரை தமது கலாச்சார வேர்களைத் தொலைத்தும், இயல்பு வாழ்வைத் தொலைத்தும் தற்கொலை, போதைக்கு அடிமையாதல் மன அழுத்தம், சட்டவிரோத நடவடிக்கைகள், என்று திசைமாறிய கங்காருக்கள் ஆகிவிட்டனர் இந்தச் சமுதாயத்தவர்.

காலம் எப்போதும் ஒரே மாதிரி இருப்பதில்லை அல்லவா? தொடர்ந்த நூற்றாண்டுக் கொடுமைகளுக்கு எல்லை போடுமாற் போல மனித உரிமைவாதிகள், மற்றும் பூர்வகுடிகளில் நன்கு படித்துத் தேறிய புலமையாளர்களின் தொடர்ந்த கண்டனக் குரல் வேகவேகமாக, இன்னும் பலமாக ஒலிக்கத் தொடங்கியது.அதன் பலனாகத் தோன்றியதே 1995 ஆம் ஆண்டில் நிகழ்ந்த Bringing them Home’ என்ற விசாரணை நிகழ்வு.Federal Attorney-General, Michael Lavarch என்பவரின் மேற்பார்வையில் மே 11, 1995 ஆம் ஆண்டு தொடங்கப்பட்ட விசாரணைகளின் பிரகாரம் பூர்வகுடிகளைப் பிரித்தெடுத்துச் சின்னாபின்னப்படுத்திய வரலாற்றின் சாட்சியமாக 700 பக்க அறிக்கையில் 26 மே 1997 ஆம் ஆண்டு தேசிய பாராளுமன்றில் சமர்ப்பிக்கப்பட்டது. இந்த விசாரணை அறிக்கை பூர்வகுடித் தலைமுறை ஒன்றுக்கு நிகழ்ந்த பல கோரமான உண்மைகளை ஆவணப்படுத்தியது. இந்த ஆவணப்பிரகாரம் 54 பரிந்துரைகளை வழங்கியிருந்ததும் அதில் மூன்று முக்கிய பரிந்துரைகளாவன:

1. அவுஸ்திரேலிய பூர்வீகச் சமூகத்துக்கான வாழ்வைச் சீரமைக்கும் நிதிக்கொடுப்பனவு முறைமையை ஏற்படுத்தல்.

2. பலவந்தமான பிரித்தெடுப்புக்கு ஆளான தலைமுறைக்கு Van Boven பரிந்துரைத்த மனித நேயச் செயற் திட்டப்பரிந்துரைகளின் படி புனர்வாழ்வு அமைப்பை ஏற்படுத்தல். ( Wikipedia: Theo van Boven (born 1934) is a Dutch jurist and professor emeritus in international law.In 1977 he was appointed director of the United Nations' Division for Human Rights. From 1986 to 1991, he was the UN's Special Rapporteur on the Right to Reparation to Victims of Gross Violations of Human Rights and, from 2001 to 2004, Special Rapporteur on Torture)

3. அவுஸ்திரேலிய தேசிய மற்றும் மாநிலப்பாராளுமன்றுகள் தமது முன்னோர்கள் சட்ட ரீதியாகவும், கட்டளைப் பிரகாரமும் செய்த இப்படியான வரலாற்றுத் தவறுகளை ஏற்று அதிகாரபூர்வமான மன்னிப்பைப் பகிர்தல்.

இந்தப் பரிந்துரை குறித்த மேலதிக வாசிப்புக்கு Bringing them Home

இதன் பிரகாரம் அவுஸ்திரேலிய மாநிலப் பாராளுமன்ற முதல்வர்கள் இவ்வாறு தம் அனுதாபத்தையும், பொதுமன்னிப்பையும் விடுத்திருந்தனர்.

நியூ சவுத் வேல்ஸ்

"apologises unreservedly to the Aboriginal people of Australia for the systematic separation of generations of Aboriginal children from their parents, families and communities" - Mr Bob Carr, Premier of New South Wales, 18 June 1997

விக்டோரியா

"That this House apologises to the Aboriginal people on behalf of all Victorians for the past policies under which Aboriginal children were removed from their families and expresses deep regret at the hurt and distress this has caused and reaffirms its support for reconciliation between all Australians" - Mr Jeff Kennett, Premier of Victoria, 17 September 1997

மேற்குறித்த மாநிலங்கள் உட்பட அவுஸ்திரேலியாவின் பல்வேறு மாநிலப் பாராளுமன்றுகள் தமது முந்திய வழித்தோன்றல்களின் நடவடிக்கைகளுக்குப் பொறுப்பேற்றன.

ஆனால் அப்போது பிரதமராக இருந்த Mr John Howard, 26 August 1999 Motion of Reconciliation என்ற அடிப்படையில்
"deep and sincere regret that indigenous Australians suffered injustices under the practices of past generations, and for the hurt and trauma that many indigenous people continue to feel as a consequence of those practices." என்று தமது அரசின் சார்பிலான அறிக்கையை விடுத்திருந்தார். இந்த வார்த்தைப் பிரயோகம் "unreserved apology" அதாவது எல்லை கடந்த மன்னிப்பாக இருக்க வேண்டும் என்று அப்போதய எதிர்க்கட்சி ஆசனத்தில் அமர்ந்திருந்த தொழிற்கட்சித் தலைவர் Kim Beazley இன் எண்ணம் அப்போது நிறைவேறாது போயிற்று.

கடந்த 24 நவம்பர் 2007 நீண்டதொரு வனவாசத்தின் பின் தேர்ந்தெடுக்கப்பட்ட Kevin Rudd தலைமையிலான தொழிற்கட்சி அரசாங்கம் தனது தேர்தல் வாக்குறுதியாக "சம்பிரதாயபூர்வமான பொது மன்னிப்பை" இந்தத் திருடப்பட்ட சமுதாயத்துக்குக் கொடுப்பது என்று வாக்களித்தது. தற்போதய அவுஸ்திரேலியப் பிரதமர் Kevin Rudd இந்தச் சம்பிரதாயபூர்வமான பொது மன்னிப்பு எப்படி அமையவேண்டும் என்று பூர்வகுடிகளின் தலைவர்களிடம் கலந்தாலோசித்து முடிவெடுத்திருப்பதாகக் கூறியிருக்கின்றார்.
இவ்வாரம் பெப்ரவரி 13 ஆம் திகதி, புதன் கிழமை, அவுஸ்திரேலிய தேசிய பாராளுமன்றில் வைத்து காலை 9 மணிக்கு இந்த நிகழ்வு இடம்பெறவிருக்கின்றது.

இந்த அரசு இப்படியானதொரு செயற்பாட்டில் இறங்கியிருப்பது உண்மையில் பாராட்டப்படவேண்டிய விடயம். ஆனால் வெறும் வெற்றுக் காகித மன்னிப்புக்கள் அடுத்த தேர்தலுக்கான வாக்கு வங்கிக்கான முதலீடாக மட்டுமே அமையும். உளப்பூர்வமான, நேர்மையான அரசாக இருக்கும் பட்சத்தில் இந்தத் தொலைந்த தலைமுறைக்கு நிரந்தரமான இழப்பீட்டுக்கான புனர்வாழ்வு நடவடிக்கைகளைத் தீவிரப்படுத்த வேண்டும். கூடவே அமெரிக்காவின் அடியாளாக இருந்து மற்றைய நாடுகளின் இறைமைக்குள் மூக்கை நுளைத்து அவுஸ்திரேலியா எல்லை கடந்த நாடுகள் மீதான எல்லை கடந்த பயங்கரவாதத்தை நிறுத்தி அந்தந்த நாடுகளில் நிமிஷத்துக்கு நிமிஷம் திருடப்பட்டு வரும் மனித உரிமைகளையும் காக்க முன்வர வேண்டும். இவையெல்லாம் செய்தால் மன்னிப்பே தேவையில்லை, மண்டியிட்டு வணங்குவார்கள் அம்மக்கள்.

அவுஸ்திரேலியப் பிரதமர் Kevin Rudd இன்று பாராளுமன்றத்தில் கோரிய பொதுமன்னிப்பின் ஒளிப்பகிர்வு

பிரதமரின் இந்தச் சம்பிரதாயபூர்வ மன்னிப்புக் கேட்டலில் அடங்கியிருக்கும் அம்சங்கள் இவை தான்:

"Today we honour the Indigenous peoples of this land, the oldest continuing cultures in human history.

"We reflect on their past mistreatment.

"We reflect in particular on the mistreatment of those who were stolen generations - this blemished chapter in our nation's history.

"The time has now come for the nation to turn a new page in Australia's history by righting the wrongs of the past and so moving forward with confidence to the future.

"We apologise for the laws and policies of successive Parliaments and governments that have inflicted profound grief, suffering and loss on these our fellow Australians.

"We apologise especially for the removal of Aboriginal and Torres Strait Islander children from their families, their communities and their country.

"For the pain, suffering and hurt of these stolen generations, their descendants and for their families left behind, we say sorry.

"To the mothers and the fathers, the brothers and the sisters, for the breaking up of families and communities, we say sorry.

"And for the indignity and degradation thus inflicted on a proud people and a proud culture, we say sorry.

"We the Parliament of Australia respectfully request that this apology be received in the spirit in which it is offered as part of the healing of the nation.

"For the future we take heart; resolving that this new page in the history of our great continent can now be written.

"We today take this first step by acknowledging the past and laying claim to a future that embraces all Australians.

"A future where this Parliament resolves that the injustices of the past must never, never happen again.

"A future where we harness the determination of all Australians, Indigenous and non-Indigenous, to close the gap that lies between us in life expectancy, educational achievement and economic opportunity.

"A future where we embrace the possibility of new solutions to enduring problems where old approaches have failed.peA future based on mutual respect, mutual resolve and mutual responsibility.

"A future where all Australians, whatever their origins, are truly equal partners, with equal opportunities and with an equal stake in shaping the next chapter in the history of this great country, Australia."

உசாத்துணை மற்றும் படங்கள்:
International Herald Tribune: www.iht.com
Wikipedia: www.wikipedia.org
European Network for Australian rights: www.eniar.org
www.news.com.au/

சிட்னியில் தமிழர் ஒன்று கூடல்..!

2008-01-27T11:49:00.000+11:00

நியூ சவுத்வேல்ஸ் (சிட்னி) தமிழ் அமைப்புக்கள் அனைத்தும் ஒன்று கூடி வருடா வருடம் ஜனவரி 26 ஆம் திகதி அவுஸ்திரேலிய தினத்தன்று நடாத்தும் ஒன்று கூடலும், விளையாட்டுப் போட்டிகளும் நேற்று வெகு சிறப்பாக நடைபெற்றன. பொதுவாகவே தமிழர்கள் ஒன்று கூடுவது என்பதே புதுமை தானே;-)

Meadow Bank park என்ற மைதானத்தில் இந்த நிகழ்வுகள் காலை 8 மணிக்கு ஆரம்பமாரிற்று. கேணல் கிட்டு நினைவு கிறிக்கற் சுற்றுப் போட்டிகள் சிட்னியின் முன்னணி விளையாட்டு அணிகளுக்கிடையில் நடைபெற்றன. ஐந்து வயதுக்குட்பட்ட சிறுவர்களில் இருந்து பல தரப்பட்ட வயதெல்லைகளுக்கிடையிலான ஓட்டப் பந்தயம், 10, 13 17 வயதெல்லைகள் உடையோருக்கான ரென்னிஸ் போட்டிகள், கூடைப் பந்து, தலையணைச் சண்டை என்பவற்றுடன், தமிழர்களின் பாரம்பரிய விளையாட்டுக்களான கிளித்தட்டு ( எங்களூரில் தாச்சி அல்லது யார்ட் என்போம்) உட்பட்ட தமிழரின் பாரம்பரிய விளையாட்டுக்கள் ஆண்களுக்குத் தனியான அணிகளுக்கிடையிலும், பெண்களுக்குத் தனியான அணிகளுக்கிடையிலும் நடைபெற்றன.
என்னை ஈர்த்த ஒரு கிளித்தட்டு அணியின் பெயர் "கொக்கா மக்கா" ( ஆஹா! என்னமாய் சிந்திக்கிறாங்கப்பா). சிட்னியில் இயங்கும் 24 மணி நேர சமூக வானொலியான அவுஸ்திரேலிய தமிழ் ஒலிபரப்புக் கூட்டுத்தாபனம், தேசிய வானொலி SBS, மற்றும் சிட்னி தமிழ் இளையோர் அமைப்பு உட்பட்ட ஸ்தாபனங்களின் காட்சி அங்காடிகளும் அமைக்கப்பட்டிருந்தன.
இரண்டு உணவு அங்காடிகள் அமைக்கப்பட்டு ஒன்றில் பரோட்டா பிரியர்களுக்காவும், மற்றயதில் தோசை, அப்பம் வகையறாக்களுக்காகவும் விற்பனை சூடு பிடித்தது. Parramatta தொகுதி நாடாளுமன்ற உறுப்பினர் Julie Owen மற்றும் Reid தொகுதி பாராளுமன்ர உறுப்பினர் Laurie Ferguson (Parliamentary Secretary for Immigration and Citizenship) ஆகியோர் கலந்து கொண்டு சிறப்புரையாற்றி, போட்டிகளில் வென்றோருக்கான பரிசில்களை வழங்கிக் கெளரவித்தனர்.

அவுஸ்திரேலிய நடிகர் Heath Ledger மரணம்

2008-01-23T20:05:00.000+11:00

அவுஸ்திரேலியாவின் மேற்கு அவுஸ்திரேலிய மாநிலமான பேர்த் நகரில் ஏப்ரல்4, 1979 ஆம் ஆண்டில் பிறந்த Heathcliff Andrew Ledger என்ற நடிகர் இன்று ஜனவரி 22, 2008 இல் நியூயோர்க் நகரில் அகால மரணமடைந்தார்.

ஆரம்பத்தில் தொலைக்காட்சி நிகழ்ச்சிகளில் தோன்றி நடித்த இவர் மெல்கிப்சனின் நாயகனாகத் தோன்றிய திரைப்படமான The Patriot, Monster's Ball, மற்றும் Brokeback Mountain போன்ற புகழ்பெற்ற ஹொலிவூட் திரைப்படங்களில் நடித்ததோடு Brokeback Mountain படத்த்தில் இவர் நடித்த பாத்திரத்திற்காக பல உயரிய திரை விருதுகளைச் சிறந்த நடிகருக்கான வகையில் பெற்றதோடு, Golden Globe மற்றும் Oscar இற்கான பரிந்துரைகளையும் இப்படத்திற்காக இவர் பெற்ற பெருமை எனலாம்.

The Dark Knight என்ற திரைப்படமே இவர் இறுதியாக நடித்து வெளிவர இருக்கும் திரைப்படமாகும்.

ஜனவரி 22 ஆம் திகதி இன்று தனது நியூயோர்க் நகர வீட்டில் தூக்கமாத்திரை காரணமாக படுக்கையில் இறந்து கிடக்க காணப்பட்டதாக வீட்டின் பராமரிப்பாளர் தெரிவித்தார். Heath Ledger இன் மரணத்திற்கு ஏதாவது தற்கொலைக் காரணிகளோ வேறேதும் அசாதாரணமான காரணிகளும் காணப்படவில்லை என்று நியூயோர்க் நகர பொலிசார் தெரிவித்தனர்.

மேலதிக தகவல்களுக்கும் வீடியோ ஒளிப்படங்களுக்கும்.

SBS Television website

Wikipedia

Heath Ledger on Ellen discussing Brokeback Mountain

THE JAFFNA PUBLIC LIBRARY RISES FROM ITS ASHES - சிட்னியில் வெளியீடு

2008-01-17T19:48:00.000+11:00

அழித்து எரிக்கப்பட்ட யாழ் நூலகத்தினை மீளக் கட்டியெழுப்புவதில் ஒருவராகச் செயற்பட்ட கட்டிடக் கலை நிபுணர் திரு வி.எஸ்.துரைராஜா அவர்களால் அரிய பல புகைப்படங்களோடும் வரலாற்றோடும் தொகுத்தளிக்கப்பட்ட நூல்:

" THE JAFFNA PUBLIC LIBRARY RISES FROM ITS ASHES"

இந்நூலாசிரியர் திரு வி.எஸ்.துரைராஜாவை அவுஸ்திரேலிய தமிழ் ஒலிபரப்புக் கூட்டுத்தாபனத்துக்காகக் கண்ட ஒலிப்பேட்டியைக் கேட்க:

இந்நூலின் விற்பனையில் திரட்டப்படும் நிதி யாழ் பொதுநூலகத்தின் microfilm தொழில்நுட்ப வசதிக்காக அனுப்பப்பட இருக்கின்றது.

வெளியிடும் காலம்: வரும் ஜனவரி 19 ஆம் திகதி மாலை 6 மணிக்கு

இடம்: Starthfield Townhall, 65 Homebush road, Strathfield

அனைவரும் பங்கு கொண்டு இந்நூல் வெளியீட்டு விழாவைச் சிறப்பிக்க வேண்டுகின்றார்கள் மித்ர வெளியீட்டினர்.

மேலதிக விபரங்களுக்கும் இந்நூலை வாங்கவும் தொடர்புகட்கு:

Dr பொன் அநுரா 0438 103 307
வி.எஸ்.துரைராஜா 9744 9599

மேலே உள்ள முகப்பு புகைப்படம் நன்றி: http://www.lines-magazine.org

"Bondi Beach" போனோம்

2007-12-26T17:24:00.000+11:00

சிட்னிக்குச் சுற்றுலா வருபவர்கள், ஒபரா ஹவுசையும், டார்லிங் ஹாபரையும் தரிசித்து விட்டு, இன்னும் கொஞ்சம் ஒரு படி பக்திப்பழமாக இருந்தால் சிட்னி முருகன் ஆலயத்துக்குப் போய் அருச்சனையும் செய்வார்கள். இவற்றோடு இணையும் இன்னுமொரு சுற்றுலாத் தலம், சிட்னியின் கடற்கரைப் படுக்கைகள் ஆகும். சிட்னியின் கரையோரப் படுக்கைகளில் நல்ல கடற்கரைகள் அதிகம் இருக்கின்றன.

போர்ச் சூழல் நிலவும் இலங்கை போன்ற பகுதிகளைத் தவிர்த்து விட்டு டிசம்பர் மாதக் கோடைகாலத்தின் இதமான இளஞ்சூட்டைப் பருக விரும்பும் மேற்குலகத்தோர், அவுஸ்திரேலியாவின் Queensland மாநிலத்தில் உள்ள Gold Coast பிரதேசம் மற்றும் சிட்னியில் உள்ள கடற்கரைப் பகுதிகள், அதுவும் குறிப்பாக Bondi கடற்கரையைத் தேடி வருவார்கள். டிசம்பர் மாதம் தொடங்கி பெப்ருவரி மாத இறுதி வரை இப்படியான கடற்கரைகளை ஈ மொய்ப்பது போல கடற்கரையில் வெறும் மேலுடன் மனித உடல்கள் சூடு வாங்கிக் கொண்டிருக்கும்.

நல்ல சுத்தமான குருமண் படுக்கையும், சுத்தமான ஆழமற்ற கடற்படுக்கையும் கொண்டது Bondi கடற்கரை. இங்கே வருவதற்கு சிட்னியின் மத்திய புகையிரத நிலையமான Central Station சென்று Bondi Junction என்ற தரிப்புக்கு ஒரு ரயில் எடுக்க வேண்டும். பின் Bondi Juntion இல் இருந்து 10 - 15 நிமிட இடைவேளையில் இந்தக் கடற்கரை செல்லும் பஸ் பயணத்தை மேற்கொள்ள வேண்டும். பயணத்தினைப் பார்த்துப் பயந்து விடாதீர்கள். சிட்னியின் பெரும்பாகத்தில் இருந்து ஆகக் குறைந்தது ஒன்றரை மணி நேரத்துக்குள் இந்தக் கடற்கரையை வந்தடையலாம். மெல்பன் நண்பர்கள் இந்த கிறிஸ்மஸ் விடுமுறைக்கு வந்ததால் அவர்களோடு காரில் பயணம் செய்து இங்கு போனேன். நாலு மணி நேரக் கட்டண கார் தரிப்பு வசதிகள் கடற்கரையோரத்திலும், மற்றும் கார் தரிப்பு நிலையங்களிலும் உண்டு.

கடற்கரையோரம் நிறைய உணவகங்கள், தங்குமிடங்கள் இருந்தாலும் வாய்க்கு ருசியாக கடலுணவை புத்துணர்வோடு பெற்றுச் சாப்பிட நல்ல உணவகம் இல்லாதது பெருங்குறை. ஆனாலும் வயிற்றை நிறைத்து விடலாம்.

கடலில் நீந்தவும், உடை மாற்றவும், குளிக்கவும், கழிப்பகங்களும் கூடவே நல்ல வசதியோடும் பராமரிப்போடும் உள்ளன. கூடவே கடலில் மிதந்து களிக்கும் நீர்ச்சறுக்கல்(surfing) ஏற்பாடும் உண்டு. உலகின் முதல் கடல் மிதப்போர் பாதுகாப்பு கழகம் (world's first surf lifesaving club) ஆன Bondi Surf Bathers Life Saving Club இங்கு தான் ஆரம்பிக்கப்பட்டது. 1000 அங்கத்தவர்களையும் 260 தொண்டர்களையும் கொண்டு இயங்கும் இந்த அமைப்பு பல நல்ல சேவைகளைக் கடற்கரை நுகர்வோருக்கு வழங்குகின்றது.
ஆழக்கடலுக்குச் செல்வோரை ஒலிபெருக்கி மூலம் எச்சரித்துக் கரைக்கு வருமாறு ஆப்பு வைக்கின்றது. கூடவே எந்தெந்தப் பகுதிகள் கடல் நீராட உகந்தவை என்பதை அறிவித்தும் கொடிகள் நட்டும் காட்டுகின்றது இந்த அமைப்பு. மற்றைய கடற்கரைகளோடு ஒப்பிடும் போது சற்றே ஆழம் குறந்த கரை ஆனால் அதிக அலை அடிப்பை அவதானிக்கக் கூடியதாக இருக்கின்றது.

கடற்கரை எங்கணும் திறந்த வெளி வெற்றுடலோடு ஆண்களும், மேலே பாதி கர்ச்சிப் கீழே பாதி கர்ச்சிப் உடன் பெண்களும் (சிலர் மேலேயும் இல்லாமல் ;)"கடலோரும் வாங்கிய காற்று" பாட்டை ஆங்கிலத்தில் ரீமிக்ஸுகிறார்கள்.

சிட்னிக்குப் போய்ப் பார், Bondi Beach இல் ஒண்டியாய் குளித்துப் பார் ;-)

( மெல்பன் நண்பர்களோடு எடுத்த கவர்ச்சிப் படங்கள் தணிக்கை செய்யப்பட்டு ;-) மேலதிக படங்கள் கீழே

இந்த வழியால் போகாதே...!

2007-11-29T20:30:00.000+11:00

"இன்று தான் நீ இந்த வழியால் நடந்து போகும் கடைசி நாள். அடுத்த வாரம் முதல் இந்தப் பாதையால் போக முடியாது"

கடந்த வாரம் வெள்ளி இரவு அவுஸ்திரேலிய உள்ளூர் தொலைக்காட்சியின் செய்தியில் காட்டப்பட்ட ஒளித்துண்டில் வந்த காட்சியில் இடம்பெற்ற பேச்சுத் தான் அது. பிரதமரின் Kirribilli House என்ற உத்தியோக பூர்வ வாசஸ்தலத்தில் இருந்து கடந்த வாரம் வரை இருந்த அவுஸ்திரேலிய பிரதமர் ஜோன் ஹாவார்ட் காலை வேளையில் நடை பயிலச் செல்வது வழக்கம். அப்படியாக அவர் கடந்த வெள்ளி காலை நடை பயின்ற போது தான் மேற்கண்ட பேச்சை அந்த வழியில் தென்பட்ட பொதுமகன் ஜோன் ஹாவார்டை நோக்கிச் சொல்கின்றார். இதுவே இலங்கை என்றால் சொன்னவர் நாலாம் மாடியில் உப்பு, மிளகாய்த்தூள் போட்ட படி அல்லது காணாமல் போனவர் பட்டியலில் இப்போது இருப்பார்.

அவுஸ்திரேலியாவின் இருபத்தைந்தாவது பிரதமராக வந்ததோடு, 1996 ஆம் ஆண்டிலிருந்து 2007 வரை நான்கு முறை தேர்தலில் லிபரல் கட்சி சார்பில் வென்று ஆட்சிப் பீடமேறி இது நாள் வரை இருந்தவர். கடந்த வாரம் தனது தொகுதியானBennelong, தொகுதியில் தொழிற் கட்சி சார்பில் போட்டியிட்ட Maxine McKew வால் தோற்கடிக்கப்பட்டு இன்று ஜோன் ஹாவார்டின் அரசியல் வாழ்வு ஒரு முடிவுக்கு வந்திருக்கின்றது. Maxine McKew என்ற இந்தப் பெண்மணி முன்னாள் ABC தொலைக்காட்சியின் தொகுப்பாளினி என்பது குறிப்பிடத்தக்கது. எந்த விதமான நீண்ட அரசியல் பாரம்பரியமோ மக்களின் அதீத செல்வாக்கோ இல்லாமல் இருந்த இப்பெண்மணி தன்னால் பிரதமரை வீழ்த்துமளவுக்கு வாக்கு வங்கி இருக்கும் என்பதை கனவிலும் நினைத்திருக்க மாட்டார். இந்தத் தொகுதி பெருமளவு சீனர்கள் உட்பட ஆசிய நாட்டவர்கள் பலரைக் கொண்டதாக இருக்கின்றது. அவுஸ்திரேலிய அரசியலின் தலைவிதி எதிர்காலத்தில் ஆசியாவிலிருந்து இந்த நாட்டுக்கு குடிபெயர்ந்தவர்களால் தலைவிரி கோலம் கொண்டு ஆடப்போகின்றது என்பதற்கு இது சின்ன உதாரணம். இன்னும் நிறைய உதாரணங்கள் இருக்கின்றன.

ஜோன் ஹாவார்ட் தன்னுடைய தொகுதியை இழந்ததோடு, தன் கட்சியின் தோல்வியையும் சேர்த்தே அணைத்துக் கொண்டார். நீண்டதொரு வனவாசத்துக்குப் பின் தொழில் கட்சி ஆட்சிப் பீடமேறியிருக்கின்றது. இந்த ஆட்சி மாற்றத்தின் காரணியாக ஆளுக்காள் வித விதமான காரணங்களைக் காட்டினாலும், முக்கியமான அம்சங்களாகப் பேசப்பட்டவை தொழில் கொள்வோருக்கு வசதியாக ஜோன் ஹாவார்ட் அரசினால் முன் வைக்கப்பட்ட தொழில் ரீதியான சட்டத்தீர்திருத்தங்களும் ( Australian industrial relations legislation) அதன் விளைவாக தொழிற் சங்கங்கள் கூட்டாக அரசினைத் தாக்கி மேற்கொண்டிருந்த பிரச்சாரங்களும் முக்கிய இடம் பெறும் அதே வேளை Reserve Bank ஏற்படுத்திய வட்டி விகித அதிகரிப்பு என்பதும் இன்னொரு காரணியாகப் பேசப்பட்டது.

தொழிற்கட்சிக்கு கையில் கிடைத்த கரும்பாக , லிபரல் கூட்டணி அரசின் தொழில் சீர்த்திருத்த சட்டம் கிடைக்கவும் அது கப்பென தொழில் படையின் வாக்கு வங்கியினைக் குறிவைத்து, "என்னைச் சரணடையுங்கள், யாம் காப்போம்" என ஒரு பக்கம் உறுதிமொழி வழங்கவும், இன்னொரு பக்கம் லிபரல் கட்சிப் பிரச்சாரங்களில் தொழிற்சங்கங்களின் ஊதுகுழலாக மாறிவிட்ட தொழிற்கட்சியை ஒதுக்கி விடுங்கள் என்று அலறியது.

ஜோன் ஹாவார்டின் போதாத காலம் அரசின் மத்திய நிதிக் கொள்கைகளுக்கான ரிசர்வ் வங்கியும் சமயம் பார்த்து தனது வட்டி வீதத்தை தேர்தல் காலத்துக்கு முன் அதிகரித்து விட்டது. மெல்லுபவன் வாயில் எது கிடைத்தாலும் ஓகே தானே?

ஒரு நாட்டின் வட்டி வீத மாற்றத்துக்கு பல காரணிகள் இருக்கின்றன, குறிப்பாக சந்தை சக்திகளின் செயற்பாடு, மக்களின் வாங்கும் சக்தியில் ஏற்படும் மாற்றங்கள் அத்துடன் அரசின் பொருளாதாரக் கொள்கை என்பவற்றைச் சொல்லி விடலாம். ஆனால் தொழிற்கட்சியோ " லிபரல் அரசில் தான் இப்படி தொடரும் வட்டி அதிகரிப்புக்கள்" என்று இன்னொரு பிரச்சாரத்தை முடுக்கி விட லிபரல் கூட்டணியோ " எங்கள் அரசில் இடம்பெற்ற வட்டி அதிகரிப்புக்கள் ஒவ்வொரு தடவையும் 0.25 % மட்டுமே, ஆனால் தொழில் கட்சி முன்னர் அதிகாரத்தில் இருந்தபோது 17 % வரையெல்லாம் போயிருக்கின்றது என்றும் மல்லுக்கட்டியது. ஆனால் எல்லாமே பூமராங் ஆக லிபரலின் பிரச்சாரத்துக்கு ஆப்பு வைத்தது. கொடுமை என்ன வென்றல் ரிசர்வ் வங்கி தேர்தலுக்கு இரு வாரம் முன்னர் இன்னொரு 0.25% ஐ வட்டி வீத அதிகரிப்பை ஏற்படுத்தி லிபரல் கட்சியின் வயிற்றெரிச்சலைத் தேடிக் கொண்டது.

நான் முன்னர் கூறியவாறு அரசின் பொருளாதாரக் கொள்கை மட்டுமன்றி மக்களின் வாங்கு திறன் (purchasing power), சந்தை சக்திகளின் (market forces) செயற்பாடும் முக்கிய காரணியாக இருக்கின்றது என்பதை இரு கட்சிகளுமே தெளிவாக வெளிப்படையாகக் கூறத் தவறி விட்டன.

இதுவரை ஜோன் ஹாவார்ட் அரசில் அவுஸ்திரேலியா ஒரு ஸ்திரமான பொருளாதார நிலையை எட்டிப்பிடிக்கவும், வேலையின்மை விகிதம் 30 வருட வீழ்ச்சியினைக் கொடுத்ததும், அரசின் பாதீடு (budget) துண்டு விழாத நிறைவான, அபிவிருத்திப் போக்கினைக் கண்டதும், என்னதான் வட்டி விகிதம் காலத்துக்குக் காலம் அதிகரித்தாலும் பாரிய அளவில் முந்திய தசாப்தங்களோடு ஒப்பிடும் போது இல்லாத அளவுக்கு 6.75% வீதத்தில் இருப்பதும் சாதனை என்று தான் சொல்லவேண்டும்.

ஜோன் ஹாவாட் தன்னுடைய பதவியை அப்போது Federal Treasurer ஆக இருந்த Peter Costello வுக்கு கொடுக்க வேண்டும் என்று கட்சிக்குள்ளும், வெளியேயும் சில வருடங்களாகவே கூக்குரல் இருந்து வந்தது. ஆனால் பெரிதாக மக்களைக் கவரும் ஆளுமை அற்ற Peter Costello மட்டும் அப்போதைய தேர்தல்களுக்கு வந்திருந்தால் லிபரல் அப்போதே ஓய்வூதியம் பெற்றிருக்கும். தொழிற்கட்சியும் சந்திலே சிந்து பாடியிருக்கும். பதிவின் ஆரம்பத்தில் சொன்ன வாக்கியம் அளவுக்கு ஒரு குடிமகனால் இந்த நாட்டுப் பிரதமர் அவமானப்படுத்தப்படும் போது "எங்களுக்கு வரும் அவமானம் எல்லாம் தூசி" என்று ஞானம் பிறக்கிறது, அனுதாபம் மேலிடுகின்றது.

இப்போது தனது சொந்தத் தொகுதியில் வென்றாலும் எதிர்க்கட்சி ஆசனத்துக்குப் போட்டியிடாமல் பின் கதிரை அமர்வுக்கு Peter Costello தன்னுடைய நிலைப்பாட்டை எடுத்திருப்பதிலிருந்து இவரது ஆன்ம பலம் புரிகின்றது.

அமெரிக்க நேசக் கூட்டணியோடு இணைந்து ஈராக், மற்றும் ஆப்கானிஸ்தான் மீதான படைக் குவிப்புக்களிலும் எதிர்ப்போக்கிலும் ஜோன் ஹாவார்ட் இருந்ததும், பக்கத்து ஆசிய பசுபிக் நாடுகளை எஜமானன் போக்கில் பார்க்க நினைத்ததும் இன்னொரு சறுக்கல். முன்னாள் மலேசிய பிரதமர் மகதிர் முன்னர் வெளிப்படையாகவே "அவுஸ்திரேலியா தன் பெரியண்ணன் நினைப்பினை மாற்ற வேண்டும் என்று அன்பு (?) கட்டளை இட்டிருந்தார்.

ஜோன் ஹவார்ட்டின் பிரதமர் அலுவலக ஊழியர்கள் லிபரல் அரசின் சாதனைகளை வேலை நேரத்தில் இருந்து விக்கிப்பீடியாவில் தட்டச்சிப் பெருமை சேர்த்ததாகவும் இன்னொரு கறை உண்டு.

தேர்தலுக்கு இரு நாள் முன் வரை கருத்துக்கணிப்புக்கள் தொழில் கட்சிக்கே சாதகமாகக் காட்ட லிபரல் தன் கொடூர ஆயுதத்தைக் கையில் எடுத்தது. ஒரு குறிப்பிட்ட தொகுதியில் அரபு முஸ்லீம்களுக்கு எதிராக துண்டுப்பிரசுரங்களைக் கொடுத்து வெள்ளையர்களின் அபிமானத்தைப் பெற முனைந்து மீடியாக்களிடம் இருந்து சரமாரியாக அடி வாங்கி "பாவியர் போகும் பாதை பள்ளமும் திட்டியும்" என்று நொந்து கொண்டது லிபரல் கட்சி.

இப்போது Kevin Rudd தொழில் கட்சியின் சார்பில் போட்டியிட்டு அவுஸ்திரேலியப் பிரதமராகியிருக்கிறார். லிபரர் அரசின் ஓட்டைகளைக் காட்டி தன் ஓட்டை எடுத்திருந்தாலும் இந்த ஒட்டைகளை எப்படி அடைக்கப் போகின்றார் என்பது அவருக்கே தெரியாது. கொடுமையின் உச்சம் என்னவென்றால் அவரின் தேர்தல் வாக்குறுதிகளில் உதார் அல்லது உதாரணம்: அதிவேகச் செயற்பாடு கொண்ட broadband, மற்றும் ஏழை மாணவருக்கு லாப்டொப் வசதி.

Kevin Rudd ஐ விட ஆளுமையாக இருந்த ஒரு தொழிற்கட்சித் தலைவர் Kim Beazley, Oxford பல்கலைகழகத்தில் படித்து Rhodes Scholarship பெற்ற நல்ல அறிவாளி. தொழிட்கட்சி தோல்வியைச் சம்பாதித்தும், கட்சிக்குள் பாரிய தலைமைச் சிக்கலையும் கண்டபோதும் அழைத்தவன் குரலுக்கு வருவேன் என்றான் கீதையிலே கண்ணன்" என்று சொல்லுமாற் போல் அடிக்கடி கட்சித்தலைமையேற்று ஜோன் ஹாவார்ட் அரசின் குள்ள நரி அரசியலையும் சாமர்த்தியமாகச் சமாளித்து வந்தவர். கடந்த 2006 இல் தான் இவரிடமிருந்த எதிர்க்கட்சிப் பதவி Kevin Rudd இற்குப் போனது. Kim Beazley மட்டும் வந்திருந்தால் ஓரளவு நிம்மதி கிடைத்திருக்கும். ஆனால் அவருக்கோ அவர் கட்சியில் உள்ளவர்களால் வேண்டாதவன் பெண்டாட்டி கை பட்டால் குற்றம் கால் பட்டால் குற்றம் என்ற நிலை. இப்போது Kevin Rudd இன் அரசாங்கத்தை Hitchcock இன் மர்மப் படத்தைப் பார்க்குமாற்போல நகம் கடித்துக் கொண்டே மூன்றாவது நாளாகக் கவனித்துக் கொண்டிருக்கின்றோம்.

நம் தமிழர்கள் வழக்கம் போல் சந்திரிகா வந்தால் நல்லது ரணில் வந்தால் நல்லது என்ற அதே குருதிச் சுற்றோட்டத்தில் இனி லேபர் வந்திட்டுத்து இனி தமிழர்கள் வாழ்வில் சொர்க்கம் மலரும், மாதம் மும்மாரி பெய்யும் , ஈழத்தின் தமிழர் பிரதேசங்களில் மார்ஸ் சொக்ளேட்டும், கொக்கோ கோலாவும் வானத்தில் இருந்து விமானத்தில் தூவும் என்ற கணக்கில் பேசவும் அல்லது நினைக்கவும் ஆரம்பித்து விட்டார்கள். தொழில் கட்சி பிரதிநிதிகள் முன்னர் "வன்க்கம்" என்று மழலைத் தமிழ் பேசி தமிழர் ஒன்று கூடல்களை இது நாள் வரை ஆரம்பித்து வைத்த அந்த நினைப்பிலேயே இந்தத் தமிழினம் இருக்கின்றது. ஆனால் இவற்றையெல்லாம் ஞாபகத்தில் வைத்து ஏதாவது செய்ய, அரசுக் கட்டில் ஏறியிருப்பவர்களுக்கும் எத்தனை சோலியோ யார் கண்டது.

ஒன்று மட்டும் நிச்சயம், அவுஸ்திரேலியா போன்ற அமெரிக்க ஒட்டுண்ணி அரசாங்கங்களுக்கான வெளியுறவுக் கொள்கை என்பது யார் வந்தாலும் மாறப்போவதில்லை. ஆட்சிக்கு வரும் வரை தான் ஆயிரம் உத்தரவாதங்கள், வந்து விட்டால் "அந்த வழியால் போக மாட்டார்கள்". இந்த நாட்டுக்கு எது தேவை என்பதை தாம் சார்ந்திருக்கும் நாடுகளால் தான் தீர்மானிப்பார்கள், தம்மை சார்ந்திருப்பவர்களால் அல்ல.

"அவுஸ்திரேலியா ஒரு குடியாட்சி கொண்ட நாடு, மக்களின் உரிமைக்கு மதிப்பளிக்கும் நாடு என்றால் இந்த நாட்டில் ஏன் வாக்களிப்பு கட்டாயமாக்கப்பட்டிருக்கிறது? வாக்களிக்க மறுப்பதும் எமது உரிமை தானே?" என்று ஒரு நண்பர் கேட்டார். வீம்புக்கு வாக்களிக்காமல் தண்டப்பணம் கட்டுவதை விட வாக்களிப்பதே மேல் என்று சொல்லி அவரைத் தேற்றினேன். தண்டப்பணச் செலவில் நாலு மலையாளப் பட டிவிடி வாங்கி விடலாம்.

பச்சையாகச் சொல்ல வேண்டும் என்றால் எனக்கு லேபர் வழியும் வேண்டாம், லிபரல் வழியும் வேண்டாம் என்று Australian Greens Party க்கு ஓட்டுப் போட்டு எனக்கு நானே திருப்திப் பட்டுக்கொண்டேன்.
(Wikipedia: The Australian Greens, commonly known as The Greens, is a Green Australian political party.The Australian Greens are part of the global "Green politics" movement. )

டிஸ்கி: மேற்கண்ட பதிவில் வரும் விமர்சனக் கருத்துக்கள் என்னுடைய சொந்தக் கண்ணோட்டத்தில் மட்டுமே வருபவை. எல்லாருடைய கருத்துக்கும் ஒத்துப் போக வேண்டும் என்ற அவசியம் இல்லை.

தங்கத்தாத்தா சோமசுந்தரப் புலவரின் "செந்தமிழ் அமுதம்" நூல் வெளியீட்டு விழா

2007-11-01T13:24:00.000+11:00

ஈழத்தின் நவாலியூர் தங்கத்தாத்தா சோமசுந்தரப் புலவரின் செந்தமிழ் அமுதம் நூல் வெளியீட்டு விழா எதிர்வரும் நவம்பர் 3 ஆம் திகதி சனிக்கிழமை மாலை 6 மணிக்கு ஹோம்புஷ் ஆண்கள் உயர்தரப் பாடசாலை மண்டபத்தில் இடம்பெறுகின்றது.

ஆயிரமாயிரம் செந்தமிழ்ப்பாக்களை இயற்றிய தங்கத்தாத்தா சோமசுந்தரப் புலவரின் அனைத்து நூல்களையும் மறு வெளியீடு செய்யும் முயற்சியின் முதற்கட்டமாக இந்த "செந்தமிழ் அமுதம்" நூல் வெளியிடப்படுகின்றது. நூல் வெளியீட்டு விழா நடந்த பின் இது குறித்த மேலதிக விபரங்களைப் பகிர்கின்றேன்.

சிட்னியில் தமிழ் முழக்கம் விழாவும் "அண்ணை றைற்" வெளியீடும்

2007-10-07T22:22:00.000+10:00

இன்று ஞாயிற்றுக்கிழமை, ஒக்டோபர் 7ம் திகதி சிட்னியின் முதல் தமிழ் வானொலியான "தமிழ் முழக்கம்" வானொலி தனது 15 வது ஆண்டு நிறைவை வெகு சிறப்பாகக் கொண்டாடியது. இந்நிகழ்வில் தமிழ் முழக்கத்தின் ஆரம்பகாலச் செயற்பாடுகள், கடந்து வந்த பாதைகள் குறித்து மூத்த ஒலிபரப்பாளர்கள் தமது கருத்துரைகளை வழங்கினார்கள்.

தொடர்ந்து திரு வானொலி மாமா மகேசனின் நெறியாள்கையில் தனி நடிப்பு உட்பட சிறுவர்களின் கலைநிகழ்வு இடம்பெற்றது.

அதனைத் தொடர்ந்து ஈழத்தின் புகழ் பூத்த நாடகக் கலைஞர் திரு.கே.எஸ்.பாலச்சந்திரன் அவர்களது "அண்ணை றைற்" என்னும் தனி நடிப்பு நாடகங்களின் தொகுதியும் வெளியிடப்பட்டது. "அண்ணை றைற்" தனி நடிப்பு நாடங்களின் இறுவட்டை பிரபல எழுத்தாளரும், இலங்கை வானொலியின் முன்னை நாள் நிகழ்ச்சித் தயாரிப்பாளருமான திரு காவலூர் இராசதுரை அவர்கள் வெளியிட, வானொலி மாமா திரு.மகேசன் அவர்கள் பெற்றுக் கொண்டார். திரு கே.எஸ்.பாலச்சந்திரனின் ஆரம்பகால நாடக வாழ்வியிலில் திரு காவலூர் இராசதுரை அவர்களின் ஊக்குவிப்பும் முக்கிய இடத்தைப் பெறுகின்றது என்பதும் குறிப்பிட வேண்டிய விடயம்.

இந்த நாடக இறுவட்டை வெளியிடுவதில் பெருமகழ்ச்சி கொள்வதாக அறிவிப்பாளரும், நிகழ்ச்சித் தொகுப்பாளரும், தமிழ் முழக்கம் வானொலியின் செயலாளரும் திரு சிவசம்பு பிரபாகரன் அவர்கள் குறிப்பிட்டார்.

நிறைவாக தமிழ்முழக்கம் வானொலியின் தற்போதய தலைவரான திரு ஈழலிங்கம் அவர்கள் நன்றியுரை உரை வழங்கினார்.

இந்த இரவு நிகழ்வில், இன்னிசை நிகழ்ச்சியும், நாடகமொன்றும், கூடவே சுவையான பரிமாறல்களாக இரவு உணவும் வழங்கப்பட்டு இனிதே நிறைவேறியது இந்நிகழ்வு.

அறிவிப்பாளரும், நிகழ்ச்சித் தொகுப்பாளரும், தமிழ் முழக்கம் வானொலியின் தற்போதைய தலைவருமான திரு சிவசம்பு பிரபாகரன்

தமிழ் முழக்கத்தின் அரசியல் அரங்கம் புகழ் கலாநிதி விக்டர் ராஜகுலேந்திரன்

தமிழ் முழக்கம் வானொலியின் நிகழ்ச்சித் தயாரிப்பாளர்களில் ஒருவரான பேராசிரியர் ஆ.சி.கந்தராஜா

பொன்னாடை போர்த்திக் கெளரவிக்கப்படும் வானொலி மாமா திரு.மகேசன்

இசை நிகழ்வில் பாடி மகிழ்வித்த செல்வி கேசிகா.அமிர்தலிங்கம்

தனி நடிப்பை வழங்கிய செல்வி நிரோஷினி ரஞ்சன்

நிகழ்வுக்கு வந்திருந்த வானொலிப் பிரியர்களில் ஒரு பகுதியினர்

சிட்னியில் "அண்ணை றைற்"

2007-10-06T21:04:00.000+10:00

ஈழத்தின் புகழ்பூத்த நாடகக் கலைஞர் கே.எஸ்.பாலச்சந்திரன் அவர்களின் தனி நடிப்பு நாடகங்களின் இறுவட்டு வெளியீடு நாளை ஞாயிற்றுக்கிழமை மாலை 6.30 மணிக்கு பரமற்றா நகர மண்டபத்தில் நடைபெற இருக்கின்றது. சிட்னியின் முதல் தமிழ் வானொலி "தமிழ் முழக்கம்" தனது 15 ஆண்டு நிறைவைக் கொண்டாடும் சிறப்பு நாளில் இந்த நிகழ்வு அரங்கேறவுள்ளது.

உலகத்தின் ஒரு அந்தத்தில் இருக்கும் கனடாவிலும், மறு அந்தத்தில் இருக்கும் அவுஸ்திரேலியாவிலும் ஒரே நாளில் இந்த நிகழ்வு நடைபெறுவது இன்னும் சிறப்பானதொரு விடயம். கனடா வாழ் அன்பர்களுக்காக இந்நிகழ்வு கனடாவில் நடைபெறும் மாற்றப்பட்ட புதிய இடம் குறித்த விபரங்களையும் இப்பதிவில் கொடுத்திருக்கின்றேன்.

மேலதிக செய்திகளும், நிகழ்வுப்படங்களும் பின்னர் வரும்.

சர்க்கஸ் கோமாளி சரித்திரம் படைத்தார்

2007-08-24T20:17:00.000+10:00

Channel 9, இது அவுஸ்திரேலியாவின் முன்னணித் தொலைக்காட்சிகளில் ஒன்று. இதன் வாராந்த நிகழ்ச்சிகளில் வெகு பிரபலமானது Temptation என்ற பொது அறிவு நிகழ்ச்சி. சுனில் பதாமி போட்டியாளர் இந்த நிகழ்ச்சியின் கிராண்ட் சாம்பியனாகத் தேர்வு செய்யப்பட்டிருக்கின்றார்.

தொடர்ந்து 8 நாட்களில் தோல்வியின்றித் தொடர்ந்த சுனிலின் வெற்றிவாய்ப்புக்கள் இருதியில் இவரை இந்த மிகப் பெரும் பரிசு மற்றும் புகழைக் கொடுத்திருக்கின்றது. சர்க்கஸ் கோமாளி வேஷம் இவரின் முழு நேரத் தொழில்,ஒரு சுதந்திரப் பத்திரிகையாளராகவும் தொழில்புரியும் சுனிலுக்கு வயது 33.

இந்தப் போட்டியின் வெற்றி மூலம் அவருக்கு $238,086 பெறுமதியான பரிசும் $400,000 பணமும் கிடைத்திருக்கின்றது.அவருக்கு கிடைத்த பரிசுப் பட்டியலைப் பாருங்கள் (வயிறு எரியுதப்பா)

a Volvo S80 V8 worth $95,950

an LG Electronics TV Fridge and Dishwasher worth $10,023

a luxurious Molmic Furniture Lounge Setting valued at $14,332

Georg Jensen Jewellery worth $20,035

Pro Hart painting valued at $47,500

an LG Electronics LCD TV worth $3,499

a Look Cycles Bike valued at $4,399

a Maurice Lacroix Watch worth $2,010

a St George Oven worth $5,849

ஒரு வருஷம் வேலைக்கு விடுப்பெடுத்து குடும்பத்தோடு இங்கிலாந்து போய் இந்த வெற்றிக் கனியை ருசிக்கப் போகிறாராம் சுனில். கொடுக்கிற தெய்வம் கூரையைப் பிய்த்துக் கொடுக்கும்னு சும்மாவா சொன்னாங்கப்பா? புஸ்ஸூ.... புஸ்ஸூ...... Reference: Temptation tv website e-broadcast.com.au

கங்காருகளின் வசிப்பிடம்

2007-07-26T23:52:00.000+10:00

ஓபர்ன் பார்க் சென்றீர்களா?ஒஸ்திரேலிய வாழ்வின் விமோசனம் அடைந்தீர்களா?

வணக்கம்,

கானா கங்கருவின்[கானாபிரபா அண்ணா] அழைப்பை ஏற்று வலைப்பூவில் இணைந்து நான் எழுதும் முதல் பதிவு.
[முதல் பதிவிட இத்தனை காலமா? என கேட்பீர்களே? என்ன பண்ண நாம கொஞ்சம் பிஸியான ஆளாச்சே..கிகிகி] ரொம்ப பேசம பதிவிற்குள் போயிடலாம்.

நீங்கள் சிட்னி தமிழரா? அல்லது சிட்னியில் இருக்கும் தமிழருக்கு உறவினரா? பதில் "ஆம்" எனில் ஓபர்ன் பொட்டானிக்கல் கார்டினுக்கு ஒரு தடவையாச்சும் சென்றிருப்பீர்கள். சும்மா சொல்லப்படாது அழகான இடம் தான். அண்ணனின் நண்பனின் மனைவியார் என்னை கடந்த வாரம் அழைத்து சென்றிருந்தார். இடத்தை பற்றிய அனைத்தையும் தொலைபேசியில் சுட்டிருக்கேன். பார்த்து தெரிந்துக்குங்க.

[யப்பா பதிவு போடுறது இத்தனை கஸ்டமான காரியமா.??]

இங்கு தான் இந்த வலைப்பூ உறுப்பினர்கள் வசிக்கின்றார்கள். (அது தாங்க கங்காருக்கள்) இது வாசலில் இருக்கும் அடையாள சின்னம்.

இது தான் வாசல். பயப்படாமல் உள்ளே சென்றிட வேண்டும்.

நாங்கெல்லாம் வி.ஐ.பி இல்லையா? நேரம் காலம் பார்த்து தான் வரலாம்.

சிறுவர்கள் என்று பாலாண்ணா, வரவனையான், பொட்டிக்கடை,
சிபி போன்றோரை
தான் குறிப்பிடுகின்றார்கள்.

நிம்மதியாக சாப்பிட கூட விடுறாங்கில்லப்பா...

ச்சா இந்த மயிலுக்கு போட்டோக்கு போஸ் குடுக்கவே தெரியலை

பாருங்க நம்ம இனத்தை...என்னமா படத்திற்கு போஸ் குடுக்கிறாக

ரோஜாத்தோட்டம் போகலாமா?

ரோஜா தோட்டம் என்று சொல்லிவிட்டு பூவின் படம் போடாமல் விடலாமா?
[குளிர்காலம் என்பதால் பூக்கள் விடுமுறைக்கு சென்றுவிட்டனவாம்.]

இத்தனை படத்தையும் ஏற்ற முதல் மூச்சு வாங்குதுங்க. பாகம் இரண்டு என பிரித்திடலாம். மிகுதி விரைவில். பதிவு போடாதவங்கெல்லாம் போட்டிருக்கோம். மழை புயல் வந்தால் நாம பொறுப்பில்லை என்பதை அறிவித்து தற்காலிகமாக விடைபெறுகின்றோம்.

வாழ்த்துக்கள் ஒபரா ஹவுஸ் ;-)

2007-06-28T19:46:00.000+10:00

அவுஸ்திரேலியாவின் அடையாளச் சின்னமாக விளங்கும் சிட்னி ஒபரா ஹவுஸ் உலகின் பாரம்பரியச் சின்னங்களில் (Heritage list) ஒன்றாக ஐக்கிய நாடுகள் சபையின் கல்வி, விஞ்ஞான மற்றும் கலாச்சார அமைப்பான யுனெஸ்கோ (UNESCO) தேர்ந்தெடுத்திருக்கின்றது. யுனெஸ்கோவின் இந்த முடிவின் படி சிட்னி ஒபரா ஹவுஸுடன் , மேலதிகமாக இந்தியாவின் செங்கோட்டை (palace fort of Shahjahanabad), ஜப்பானின் Iwami Ginzan Silver Mine மற்றும் அதனைச் சூழவுள்ள கலாச்சாரப் படுக்கை, தெர்க்மெனிஸ்தானின் (Turkmenistan) Parthian Fortresses of Nisa என்ற அமைவிடமும் புதிதாகத் தேர்ந்தெடுக்கப்பட்ட பாரம்பரியச் சின்னமாக அமைகின்றன.

நம்ம பக்கத்து நாடு நியூசிலாந்தின் Christchurch என்ற நகரில் 21 நாடுகளின் 183 பிரதிநிதிகள் கலந்துகொண்ட யுனெஸ்கோவின் கலாச்சாரப் பட்டியல் தேர்ந்தெடுப்பு நிகழ்வில் சுமார் 21 நாடுகளின் பிரதிநிகள் கலந்து கொண்டு இந்த முடிவினை எடுத்திருந்தார்கள்.

சிட்னி ஒபரா ஹவுசின் அருமை பெருமைகளை இன்றைய பதிவில் பார்ப்போம். Jørn Utzon, என்ற டென்மார்க் கட்டடக் கலைஞரால் 1957 ஆம் ஆண்டு கட்டட மாதிரி வரைபடம் தயாரிக்கப்பட்டு மார்ச் மாதம் 1959 ஆம் ஆண்டு கட்ட ஆரம்பித்த இந்த சிட்னி ஒபரா ஹவுஸ் 20 ஒக்டோபர் 1973 ஆம் ஆண்டு இராணி 2 ஆம் எலிசபெத்தால் திறந்து வைக்கப்பட்டது. உலகப் புகழ்பெற்ற கலைஞர்கள் ஆண்டுக்குக் கிட்டத்தட்ட 3000 ஆயிரம் கச்சேரிகளை வழங்கி 2 மில்லியன் இரசிகர்களின் இசை உறைவிடமாகத் திகழ்கின்றது.

அவுஸ்திரேலியாவை அடையாளப்படுத்தும் சின்னமாகவும் இது திகழ்வது மேலதிக சிறப்பு. இங்கு வருவோர் ஒபரா ஹவுஸின் வெளியில் நின்றாவாது புகைப்படம் எடுத்துச் செல்லாவிட்டால் விமோசனம் பெறமாட்டார்கள். சிட்னி நகரத்தின் மையமாக இது விளங்குகின்றது.

அவுஸ்திரேலியாவின் 17 அமைவிடங்கள், மற்றும் பாரம்பரியச் சின்னங்கள் ஏற்கனவே யுனெஸ்கோவின் இந்தக் கலாச்சாரப் பட்டியலில் இருப்பது குறிப்பிடத்தக்கது. உலகெங்கிலுமிருந்து கிட்டத்தட்ட 800 பாரம்பரிய சின்னங்களின் சாரப்பட்டியலில் இந்தியாவின் தாஜ்மகால், சீனாவின் Great Wall , மற்ரும் எகிப்து நாட்டின் பிரமிட்டுக்களோடு இப்போது ஒபரா ஹவுஸுக்கும் இடம் வந்திருக்கின்றது.

ஒபரா ஹவுஸுக்கு கிடைத்த இந்த உயரிய அந்தஸ்து பற்றி அவுஸ்திரேலியப் பிரதமர் ஜோன் ஹவாட் (John Howard ) சிலாகித்துப் பேசும் போது

"The Sydney Opera House, as an outstanding example of 20th century architecture, is a testament to the daring of architect Jorn Utzon, and to those who brought about his vision," he said in a statement.

"It is also, of course, testament to the openness of the people of Sydney and Australia, and an enduring legacy for our place in the world" என்றார்.

யுனெஸ்கோவின் பேச்சாளர் Roni Amelan பேசும் போது ஒரு வாக்கேனும் ஒபரா ஹவுஸின் தேர்ந்தெடுத்தலுக்கு எதிராக வரவில்லை என்று குறிப்பிட்டுப் பேசினார். மேலும் அவர் பேசும் போது "There was consensus that it was a truly outstanding, iconic building that was a defining moment in 20 century architecture" என்று குறிப்பிட்டார்.

உண்மையில் இந்த அதிஷ்டம் ஒபரா ஹவுஸுக்கு 3 வது முறையே வாய்த்திருக்கின்றது, 1981 மற்றும் 1996 ஆம் ஆண்டுகளில் நடந்த வாக்கெடுப்புக்களில் போதிய வாக்கு அற்றுத் தேர்ந்தெடுக்கப்படாமல் போயிற்று.
ஒபரா ஹவுசே உமக்கு எம் வாழ்த்துக்கள் ;-))

தகவல் உதவி: யுனெஸ்கோ தளம், , மற்றும் அவுஸ்திரேலிய செய்தி ஊடகங்கள்.
பட உதவி: Reuters: Tim Wimborne

சிட்னி ஒபரா ஹவுஸ்

2007-06-05T11:14:00.000+10:00

சிட்னி ஒபரா ஹவுசின் அருமை பெருமைகளை இன்றைய பதிவில் பார்ப்போம். Jørn Utzon, என்ற டென்மார்க் கட்டடக் கலைஞரால் 1957 ஆம் ஆண்டு கட்டட மாதிரி வரைபடம் தயாரிக்கப்பட்டு மார்ச் மாதம் 1959 ஆம் ஆண்டு கட்ட ஆரம்பித்த இந்த சிட்னி ஒபரா ஹவுஸ் 20 ஒக்டோபர் 1973 ஆம் ஆண்டு இராணி 2 ஆம் எலிசபெத்தால் திறந்து வைக்கப்பட்டது. உலகப் புகழ்பெற்ற கலைஞர்கள் ஆண்டுக்குக் கிட்டத்தட்ட 3000 ஆயிரம் கச்சேரிகளை வழங்கி 2 மில்லியன் இரசிகர்களின் இசை உறைவிடமாகத் திகழ்கின்றது.

அவுஸ்திரேலியாவை அடையாளப்படுத்தும் சின்னமாகவும் இது திகழ்வது மேலதிக சிறப்பு. இங்கு வருவோர் ஒபரா ஹவுஸின் வெளியில் நின்றாவாது புகைப்படம் எடுத்துச் செல்லாவிட்டால் விமோசனம் பெறமாட்டார்கள். சிட்னி நகரத்தின் மையமாக இது விளங்குகின்றது.

ஒவ்வொரு நாளும் காலை 9 மணியிலிருந்து மாலை 5 மணி வரை, அரை மணி நேரத்துக்கு ஒரு தடவை இந்த சுற்றுலா ஸ்தலத்தைச் சுற்றிப்பார்க்க சுற்றுலா வழிகாட்டல் வசதிகள் செய்யப்பட்டுள்ளன. ஆகக்கூடியது 1 மணி நேரம் பிடிக்கும் இந்த ஒபரா ஹவுஸ் வலத்திற்கான கட்டண விபரம், பெரியவர்கள் 26 வெள்ளிகள் (இணைய மூலம் 23 வெள்ளி), சிறுவர் 16 டொலர்கள், அவுஸ்திரேலிய வாசிகளில் சலுகை பெறும் அன்பர்கள் 18 வெள்ளிகள்.
தவிர, Performance Packages எனப்படும் ஒரு தெரிவும் உண்டு, இதில் ஒபரா ஹவுஸ் சுற்றுலாவுடன் சிட்னியின் உயர்தர உணவகத்தின் இரவு விருந்து அல்லது சயங்கால ஒபரா ஹவுசை அண்டிய பகுதியில் நதியில் படகு உலா. மேலதிக விபரங்களைப் பெற அழைக்க வேண்டிய தொலைபேசி +61 2 9250 7250

சிட்னி ஒபரா ஹவுஸ் பற்றிய மேலதிக விபரங்களை அறிய
http://www.sydneyoperahouse.com/